Қабули шаҳрвандон бо усули «Равзанаи ягона» дар шаҳри Истаравшан

( 1 Овоз )

Қабули шаҳрвандон бо усули «Равзанаи ягона» дар шаҳри Истаравшан

Видео :Қабули шаҳрвандон бо усули «Равзанаи ягона» дар шаҳри Истаравшан
Қабули шаҳрвандон бо усули «Равзанаи ягона» дар шаҳри Истаравшан оғоз ёфт.

Имрӯз, 17-уми апрел  бо иштироки роҳбари дастгоҳи Раиси вилоят, мудирони шӯъбаю сохторҳои мақомоти иҷроияи ҳокимияти давлатии вилоят, роҳбарони мақомоти ҳифзи ҳуқуқ ва дигар идораю ташкилотҳои марбута қабули шаҳрвандон бо усули  «Равзанаи ягона»  дар ҷамоати деҳоти Гули Сурхи шаҳри Истаравшан сурат гирифт.

Қабули шаҳрвандон дар толори маҷмаи фароғатии «Муҳаббат»-и ҷамоати деҳоти Гули Сурх оғоз шуд ва наздик 100 нафар сокинони ҷамоати деҳоти Гули Сурх, Нофароҷ, Ниҷонӣ, Қалъачаи Калон ва Сабристон бо 106 масъала  ба роҳбарону масъулони шӯъбаву сохторҳои мақомоти дахлдори вилоятӣ муроҷиат намуданд.

Дархост ва арзу шикояти бештари сокинон перомуни масоили  тақсимоти замини наздиҳавлигӣ, таъмир ва сохтмони бинои истиқоматӣ, таваҷҷӯҳ ба рушди маориф, таъминот бо ҷои кор ва мусоидат ба сохтани коргоҳҳои нави истеҳсолӣ буданд.

Худи ҳамин рӯз бо дархости эҳтиёҷмандон ба 40 нафар сокинони шаҳри Истаравшан аробачаҳои маъюбӣ   дастрас карда шуд.

Бояд гуфт, ки бо супориши Раиси вилоят Қоҳир Расулзода роҳбарияти шӯъбаву сохторҳои вилоятӣ барои ҳалли масъалаҳое, ки  дар муроҷиати шаҳрвандон ифода ёфтааст, парвандаи назоратӣ тартиб дода, ҳалли масъалаҳоро зери назорат мегиранд.

Ёдовар мешавем, ки қабули шаҳрвандон бо усули «Равзанаи ягона»  дар ҷамоату деҳоти шаҳри Истаравшан рӯзи панҷшанбеи 18-уми апрел низ идома меёбад.

Ҳамчунин шумо метавонед, навори ин мақоларо аз сомонаи www.youtube.com тамошо кунед. Видео :Қабули шаҳрвандон бо усули «Равзанаи ягона» дар шаҳри Истаравшан

Қабули шаҳрвандон бо усули «Равзанаи ягона» дар шаҳри Истаравшан Қабули шаҳрвандон бо усули «Равзанаи ягона» дар шаҳри Истаравшан

Хадамоти матбуоти
Раиси вилояти Суғд

Share