Хабарҳо
Ироаи Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон - 26.01.2021 13:05
Соли 2021 тамоми кишоварзони Тоҷикистон аз пардохти андози ягонаи замин озод гардиданд - 26.01.2021 15:04
Кормандони мақомоти иҷроияи ҳокимияти давлатии вилоят Паёми Президенти мамлакат муҳтарам Эмомалӣ Раҳмонро ба Маҷлиси Олӣ муташаккилона тамошо карданд - 26.01.2021 13:31
Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» - 26.01.2021 12:51
Ҷаласаи навбатии Шӯрои Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид - 25.01.2021 15:39
Ифтитоҳи бинои иловагии Коллеҷи тиббии шаҳри Истаравшан - 25.01.2021 15:37
Пирӯзии ду дастаи вилояти Суғд дар даври ҷумҳуриявии олимпиадаи байналмилалии робототехникӣ - 25.01.2021 15:34
Ба Шӯроб хати оби тозаи нӯшокӣ кашида шуд - 25.01.2021 09:22
Машварати кории Раиси вилоят Раҷаббой Аҳмадзода - 22.01.2021 16:24
Пешвои миллат Эмомалӣ Раҳмон бинои хобгоҳи рақами 8-и Донишгоҳи миллии Тоҷикистонро мавриди истифода қарор доданд - 22.01.2021 13:50

Навиди Суғд


Соли 2021 тамоми кишоварзони Тоҷикистон аз пардохти андози ягонаи замин озод гардиданд

( 0 Овоз )

Имрӯз Президенти Ҷумҳурии Тоҷикистон муҳтарам Эмомалӣ Раҳмон зимни ироаи Паёми худ ба Маҷлиси Олӣ ба Ҳукумати мамлакат ва сохтору мақомоти дахлдор чунин супориш доданд: «Бо мақсади дастгирии давлатии кишоварзони мамлакат ва таъмини фаровонии бозори истеъмолӣ пешниҳод менамоям, ки тамоми кишоварзони мамлакат барои як сол, яъне соли 2021 аз пардохти андози ягонаи замин озод карда шаванд».

Ба таъкиди Сарвари давлат, бо дарназардошти вазъи мураккаби ҷаҳони имрӯза мо минбаъд низ бояд тарзе кор кунем, ки ба ҳар гуна мушкилоти эҳтимолӣ омода бошем ва нагузорем, ки мардумамон аз норасоии маводи ғизоӣ танқисӣ ва муҳтоҷӣ кашанд.

Ёдовар мешавем, ки  Ҳукумати Ҷумҳурии Тоҷикистон қарор ба тасвиб  расонид, ки тибқи он аз 1 августи соли 2019 воридоти чорво ва хӯроки чорво  аз пардохти андоз аз арзиши иловашуда ва боҷи гумрукӣ озод гардида буд.

Ҳадафи ин қарор ба эътидол овардани нархи гӯшт дар бозори мамлакат ва қонеъ гардонидани талаботи бозори истеъмолӣ бо ин намуди маҳсулот мебошад. Ҳамзамон  паҳншавии бемориҳои хатарноки ҳайвонот тавассути чорвои воридшаванда ва воридшавии гӯшту маҳсулоти гӯштии пастсифат ба ҷумҳурӣ қатъиян пешгирӣ  карда мешавад.

Ин имтиёзи барои рушди соҳаҳои чорводорӣ, парандапарварӣ ва моҳипарварӣ пешниҳодшуда ба рушди соҳаҳои зикршуда такони ҷиддӣ бахшид.

Ба таъкиди Сарвари давлат, воридоти гӯшт ба мамлакат аз 10700 тоннаи соли 2014 то 180 тонна дар соли 2020 коҳиш ёфтааст, яъне қариб 60 баробар кам шудааст.

Бояд гуфт, ки ҳаҷми воридоти гӯшти паранда соли 2020 нисбат ба соли 2017 зиёда аз 3 баробар коҳиш ёфтааст.

Омили коҳиш ёфтани воридоти гӯшти паранда- ин ба тасвиб расидани «Барномаи рушди соҳаи парандапарварӣ дар Ҷумҳурии Тоҷикистон барои солҳои 2017 — 2021» мебошад. Ҳадафи  барномаи  мазкур  афзун кардани  истеҳсоли босифати тухм ва гӯшти паранда бо истифода аз технологияҳои муосир, беҳтаркунии зот,  баланд бардоштани маҳсулнокӣ, инчунин кам намудани хароҷоти изофа  мебошад.

Мавриди зикр аст, ки  тибқи дастури Пешвои миллат, Президенти мамлакат  муҳтарам Эмомалӣ Раҳмон аз 1 январи соли 2018 парандапарварони ҷумҳурӣ  аз тамоми андоз ва боҷи гумрукӣ озод гардиданд, ки ин яке аз заминаҳои пешравӣ дар соҳаи парандапарварӣ мебошад. Соли 2020 истеҳсоли гӯшти паранда нисбат ба соли 2017-ум 4,5 баробар афзудааст ва истеҳсоли тухм қариб як миллиард донаро ташкил дода, 5,5 баробар зиёд шудааст.

Тавре дар суҳбат бо хабарнигори АМИТ «Ховар» сардори Корхонаи воҳиди давлатии «Саноати парандапарварии  Тоҷикистон»-и Вазорати кишоварзии Ҷумҳурии Тоҷикистон Машокир Назаров иброз намуд, дар ҷумҳурӣ  160 корхонаи парандапарварӣ фаъолият мекунанд, ки ба истеҳсоли тухм ва гӯшти паранда машғул мебошанд. Ҳамчунин дар назар аст, ки имсол иқтидори он бо ҷалби сармояи ватанӣ ба 170 адад расонида шавад.

 

Кормандони мақомоти иҷроияи ҳокимияти давлатии вилоят Паёми Президенти мамлакат муҳтарам Эмомалӣ Раҳмонро ба Маҷлиси Олӣ муташаккилона тамошо карданд

( 0 Овоз )

Имрӯз, 26 январи соли 2021 Паёми Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ ироа гардид, ки онро кормандони бахш, шуъбаву раёсат ва сарраёсатҳои мақомоти иҷроияи ҳокимияти давлатии вилоят муташаккилона тавассути шабакаҳои телевизиони давлатӣ мустақиман тамошо карданд.

Дар Паёми худ ба Маҷлиси Олӣ Президенти Ҷумҳурии Тоҷикистон муҳтарам Эмомалӣ Раҳмон самтҳои асосии сиёсати дохилию хориҷии мамлакатро барои давраҳои оянда муайян намуда, оид ба пешбурди сиёсати хориҷӣ ва таъмини пешрафти соҳаҳои иқтисоду саноат, энергетика, роҳу нақлиёт, амнияту мудофиа, ҳифзу ҳуқуқу тартибот, тандурустӣ, фарҳанг, илму маориф, ҳифзи иҷтимоии аҳолӣ, ҷавонон, варзиш, сайёҳӣ ва ғайраҳо вазифаҳои мушаххас ба миён гузоштанд.

Роҳбари давлат таъкид намуданд, ки "ҳадафи олии давлат ва Ҳукумати мамлакат таъмин намудани рушди устувори иқтисодии кишвар тавассути баланд бардоштани самаранокии истифодаи захираву имкониятҳои мавҷуда, дарёфти манбаъҳои нави рушд, тараққӣ додани соҳаҳои илму маориф, тандурустӣ, инкишофи нерӯи инсонӣ ва бо ҳамин роҳ мунтазам беҳтар кардани сатҳу сифати зиндагии мардуми шарифи Тоҷикистон мебошад".

Ёдовар бояд шуд, ки Паёми Президенти мамлакатро ҳамзамон кормандони тамоми ташкилоту идораҳо, мақомоти иҷроияи ҳокимияти давлатии шаҳру ноҳияҳо ва муассисаҳои ҳудуди вилоят сарҷамъона тамошо намуданд.

Ҷаласаи навбатии Шӯрои Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид

( 0 Овоз )

Субҳи имрӯз  дар шаҳри Душанбе таҳти раёсати Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ ҷаласаи навбатии Шӯрои Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид. Дар ин бора аз  Маҷлиси миллии Маҷлиси Олии Ҷумҳурии Тоҷикистон ба АМИТ «Ховар» хабар доданд.

Аъзои Шӯрои Маҷлиси миллӣ  дар маҷмӯъ 24 масъала, аз ҷумла 2 Қонуни конститутсионии Ҷумҳурии Тоҷикистон, 18 Қонуни Ҷумҳурии Тоҷикистон, инчунин лоиҳаҳои Қарори Маҷлиси миллии Маҷлиси Олии Ҷумҳурии Тоҷикистон «Оид ба иваз намудани номи ноҳияи Шаҳритузи вилояти Хатлон ба ноҳияи Шаҳритус», «Дар бораи аз вазифаи судяи Суди Олии Ҷумҳурии Тоҷикистон бозхонд намудани Самадзода Т.Д.» ва «Оид ба ҳисоботи Прокурори генералии Ҷумҳурии Тоҷикистон «Дар бораи назорати риояи дақиқ ва иҷрои якхелаи қонунҳо дар ҳудуди Ҷумҳурии Тоҷикистон дар соли 2020»-ро мавриди баррасӣ қарор доданд.

Аз рӯи натиҷаи баррасии масъалаҳои рӯзномаи ҷаласаи Шӯро қарорҳои дахлдор қабул гардиданд.

Бо ҳамин ҷаласаи Шӯрои Маҷлиси миллии Маҷлиси Олии Ҷумҳурии Тоҷикистон ба кори худ хотима бахшид.

 

Ифтитоҳи бинои иловагии Коллеҷи тиббии шаҳри Истаравшан

( 0 Овоз )

25 январи соли 2021 дар шаҳри Истаравшан бо иштироки роҳбарияти шаҳр бинои иловагии Коллеҷи тиббии шаҳр мавриди баҳрабардорӣ қарор гирифт.

Тавре аз мақомоти иҷроияи ҳокимияти давлатии шаҳр хабар доданд, бинои иловагӣ дорои 11 синфхонаи барҳаво ва хонаи омӯзгорон мебошад, ки барои 176 нафар дар як баст пешбинӣ гардидааст. Бинои нави таълимӣ бо сифати баланд ва мутобиқ ба талаботи замони муосир аз ҳисоби суратҳисоби махсуси Коллеҷи тиббии шаҳр ба истиқболи сазовори ҷашни 30 - солагии Истиқлолияти давлатии Ҷумҳурии Тоҷикистон сохта шудааст.

Мавриди зикр аст, ки корҳои сохтмонии бинои мазкур моҳи сентябри соли 2020 оғоз ёфта, моҳи январи соли 2021 ба итмом расонида шуд.

Зимни шиносоӣ аз шароитҳои фароҳамшуда иҷрокунандаи вазифаи раиси шаҳр Адҳам Маъмурзода бо толибилмону омӯзгорон суҳбат намуда, аз онҳо даъват ба амал овард, ки чунин шароитро барои донишомӯзӣ босамар истифода баранд.

Хадамоти матбуоти
Раиси вилояти Суғд

Пирӯзии ду дастаи вилояти Суғд дар даври ҷумҳуриявии олимпиадаи байналмилалии робототехникӣ

( 0 Овоз )

24 январ дар шаҳри Душанбе даври ҷумҳуриявии олимпиадаи байналмилалии робототехникӣ WRO (World Robot Olimpiad) баргузор гардид.

Дар қатори беш аз 10 даста аз шаҳри Душанбе дар даври ҷумҳуриявии озмун ду даста аз вилояти Суғд - дастаи маҳфили "Робототехникӣ" - и Маркази таҳсилоти иловагии вилояти Суғд ва Лигаи роботи шаҳри Хуҷанд низ иштирок намуданд.

Дар озмун дастаи Маркази таҳсилоти иловагии вилояти Суғд дар номинатсияи "Муҳандиси беҳтарини робототехникӣ"  ва дастаи Лигаи роботи шаҳри Хуҷанд дар номинатсияи "Амали беҳтарини дастаҷамъона" маҳорати баланд нишон дода, соҳиби Шоҳҷоиза гардиданд.

Ба ғолибон Диплом, туҳфаҳои хотиравӣ ва Сертификати иштирокчии даври ҷумҳуриявии озмун тақдим карда шуд.

Олимпиадаи байналмиллалии робототехникӣ WRO дар Тоҷикистон таи ду сол аст, ки бо ибтикори Вазорати маориф ва илми Ҷумҳурии Тоҷикистон бо дастгирии Лигаи роботҳои шаҳри Душанбе ташкил ва баргузор мегардад. Ҳадафи ташкили озмун рушди малакаи техникии насли наврас, дарёфти кӯдакони болаёқат ва ҷалби бештари кӯдакон ва наврасон ба ихтироъкориву навоварӣ мебошад.

Ғолибони даври ҷумҳуриявии озмун метавонанд дар озмуни байналмилалӣ ширкат варзанд.

Хадамоти матбуоти
Раиси вилояти Суғд

ШУМО ДАР: Навиди Суғд