Хабарҳо
Соҳибкор аз шаҳри Истаравшан - Баҳриддин Дадоев ба зарардидагони муноқишаҳои марзӣ кӯмак расонид - 11.05.2021 16:27
Пешвои миллат Эмомалӣ Раҳмон бо аъзои Ҳукумати Ҷумҳурии Тоҷикистон ва роҳбарияти сохторҳои давлатӣ ҷаласаи корӣ доир намуданд - 11.05.2021 10:13
Оғози мусобиқаҳои варзишӣ барои дарёфти Ҷоми Раиси вилояти Суғд - 11.05.2021 16:07
Дар муассисаҳои иҷтимоӣ бахшида ба Иди Рамазон чорабиниҳои идона доир мешаванд - 11.05.2021 14:07
Дар моҳи мубораки Рамазон ба ду нафар шахсони эҳтиёҷманд хонаҳои истиқоматӣ эҳдо карда шуд - 10.05.2021 08:15
Президенти Ҷумҳурии Тоҷикистон Эмомалӣ Раҳмон аз Паради низомӣ бахшида ба 76-умин солгарди Рӯзи Ғалаба дар шаҳри Москва боздид намуданд - 09.05.2021 15:09
Ба сокинони зарардидаи деҳаҳои Хоҷаи Аъло ва Сомониён сару либос ва дигар лавозимот дастрас карда шуд - 09.05.2021 10:08
Президенти Ҷумҳурии Тоҷикистон Эмомалӣ Раҳмон бо Президенти Федератсияи Россия Владимир Путин мулоқот намуданд - 09.05.2021 07:00
Ҳамсоя аз хеши дур беҳ - 08.05.2021 21:40
ПАЁМИ ШОДБОШИИ Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба ифтихори таҷлили 76-умин солгарди Ғалаба бар фашизм - 08.05.2021 20:35

Баргузории иҷлосияи сенздаҳуми Маҷлиси вакилони халқи вилояти Суғд

( 0 Овоз )

Баргузории иҷлосияи сенздаҳуми Маҷлиси вакилони халқи вилояти Суғд

Санаи 15-уми апрел дар бинои мақомоти иҷроияи ҳокимияти давлатии вилояти Суғд иҷлосияи сенздаҳуми Маҷлиси вакилони халқи вилоят, даъвати чаҳорум баргузор шуд.

Баъди садо додани Суруди миллӣ, бо пешниҳоди Раиси Маҷлиси вакилони халқи вилоят Қоҳир Расулзода вакилони Маҷлиси вакилони халқи вилоят рӯзномаи иҷлосияро иборат аз ҳашт банд тасдиқ ва ҳайати котиботи иҷлосияро интихоб карданд.

Аз рӯи масъалаи якум - оид ба рафти иҷрои Қонуни Ҷумҳурии Тоҷикистон «Дар бораи мақомоти худфаъолияти ҷамъиятӣ» дар вилоят ва вазифаҳои таъхирнопазири мақомоти иҷроияи маҳаллии ҳокимияти давлатӣ ҷиҳати татбиқи амалии он дар маҳаллаҳо, муовини аввали Раиси вилоят Ҷумъабой Сангинов маърӯза кард.

Ҳамзамон, омӯзиши татбиқи Қонун нишон дод, ки дар тамоми шаҳру ноҳияҳо камбудиву норасоиҳо якранг буда, он бо сабаби аз наздик огоҳ набудани масъулон аз Қонуни Ҷумҳурии Тоҷикистон «Дар бораи мақомоти худфаъолияти ҷамъиятӣ» ба вуқӯъ пайвастааст. Сабаби дигар он аст, ки раисони кумитаи маҳаллаҳо шароити мусоди корӣ ва ҳавасмандии воқеӣ надоранд – таъкид дошт муовини аввали Раиси вилоят  Ҷумъабой Сангинов.Зикр гардид, ки алҳол дар шаҳру ноҳияҳои вилоят 1419 кумитаи маҳаллаҳо фаъолият доранд. Вале танҳо 18 кумитаи маҳаллаҳо дорои шароити мусоиди фаъолият мебошанд.

Ҳамчунин ҳисоботи комиссияи доимии Маҷлиси вакилони халқи вилояти Суғд оид ба масъалаҳои қонуният ва тартиботи ҳуқуқӣ дар ин бобат шунида шуд ва аз рӯи ин масъалаи мазкур  музокирот сурат гирифт.

Вакилон инчунин, Карори Раиси вилояти Суғд аз 29-уми марти соли 2013, № 70 «Дар бораи ворид намудани тағйирот ба буҷети вилоятӣ барои соли 2013»-ро тасдиқ намуданд. Мувофиқи Қарори мазкур буҷети иловагии вилоятӣ бо маблағи умумии 10 миллион сомонӣ барои хароҷоти соҳаҳои маориф, фарҳанг ва варзиш пешбинӣ шудааст.Вакилони Маҷлиси вакилони халқи вилояти Суғд аз ҳавзаҳои интихоботии «Камоли Хуҷандӣ», № 4 Муяссар Раҳимова ва «Истаравшан», № 32 Фаёз Султонов оид ба рафти иҷрои ваколатҳои вакилиашон ҳисобот доданд. Ин вакилони Маҷлиси вакилони халқи вилоят вазифадор шуданд, ки доир ба ҳифзи иҷтимоии аҳолӣ, сарпарсатӣ ва дастгирии оилаҳои камбизоат, маъюбу бепарастор тадбирҳо амалӣ намуда, густариши минбаъдаи корҳои фаҳмондадиҳиро ҷиҳати тарбияи ватандӯстиву ватанпарастӣ, худшиносиву худогоҳӣ ва созандагиву бунёдкорӣ дар байни ҷомеа таъмин намоянд.

Вакилон дар бораи номгузории объектҳои физикию ҷуғрофӣ низ қарор қабул намуданд.

Ҳамзамон, дар рафти иҷлосия  қарорҳои Раиси вилоятро аз 25-уми декабри соли 2012 то 15-уми апрели соли 2013 вобаста ба ҷудо намудани маблағҳои иловагӣ барои пардохт намудани музди меҳнати кормандони муассисаҳои буҷетӣ, иҷрои корҳои ободониву кабудизоркунӣ, сохтмону азнавбарқароркунӣ ва таъмири иншоотҳои соҳаҳои буҷетӣ, таъмиру тармими роҳҳои автомобилгард ва чанде дигар тасдиқ карданд.Баргузории иҷлосияи сенздаҳуми Маҷлиси вакилони халқи вилояти СуғдБаргузории иҷлосияи сенздаҳуми Маҷлиси вакилони халқи вилояти Суғд

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навид Баргузории иҷлосияи сенздаҳуми Маҷлиси вакилони халқи вилояти Суғд