Оғози мавсими оммавии варзиш дар Суғд

( 4 Овоз )

Оғози мавсими оммавии варзиш дар СуғдВидео :Оғози мавсими оммавии варзиш дар Суғд
Беш аз 15 ҳазор нафар одамони касбу кори гуногун субҳи имрӯз мавсими оммавии варзишро дар иншоотҳои мухталифи варзишии шаҳри Хуҷанд ҳусни оғоз бахшиданд.

Дар муассиса, майдонҳо ва толорҳои варзишӣ, майдончаҳои варзишии назди биноҳои баландошёнаи  шаҳри Хуҷанд ва донишгоҳу донишкадаҳо бо иштироки дастаҷамъонаи ҷомеаҳои меҳнатии корхонаву ташкилотҳо, идораҳо, ҳамаи зинаҳои муассисаҳои таълимию тандурустӣ ва сокинон мусобиқаву машқҳои варзишӣ баргузор гардиданд.

Раиси вилоят Қоҳир Расулзода, ки барои машқи варзишӣ ба варзишгоҳи «20 –солагии Истиқлолияти Тоҷикистон» омада буд,  иброз дошт, ки ин маъракаи муҳим бо мақсади рушди соҳаи варзиш, оммавигардонии тарбияи ҷисмонӣ ва тарғиби тарбияи насли солим баргузор мешавад ва бояд ба фарҳанги зиндагии  замонавии мо табдил ёбад.

Ӯ изҳор дошт, ки барои рушди соҳаи варзиш мо дар мамлакат имконияту захираҳои зарурӣ дорем ва бояд аз онҳо оқилонаву мақсаднок истифода намоем ва аҳолиро ҳарчӣ бештар бо варзиш фаро гирем.

"Дар давоми ду соли охир бо харҷи беш аз ҳаштод миллион сомонӣ 316 иншооти варзишӣ, аз ҷумла  2 маҷмааи варзишӣ, 2 ҳавзи шиноварӣ, 31 толори варзишӣ, 40 майдончаи варзишӣ, 5 варзишгоҳ ва 236 иншооти дигари варзишии хурду бузург ба истифода дода шудааст. Вазъияти имрӯза аз  варзишгарон, мураббиён, кормандони соҳа ва кулли масъулон талаб менамояд, ки ба масъалаи пешбурди варзиш ва тарбияи ҷисмонӣ ҳамарӯза таваҷҷӯҳ зоҳир намоем ва дар ин самти фаъолият ба муваффақият ноил гардем" зикр намуд, Раиси вилоят Қоҳир Расулзода.

Раиси вилоят ҳамзамон сокинонро ба таҳкими тарзи ҳаёти солим ва тарғиби васеи он байни қишрҳои гуногуни ҷомеа даъват намуд ва чорабинии имрӯзаро қадами ҷиддие дар татбиқи вазифаҳои гузошташуда арзёбӣ кард.

Ҳамчунин шумо метавонед, навори ин мақоларо аз сомонаи www.youtube.com тамошо кунед. Видео :Оғози мавсими оммавии варзиш дар Суғд
Оғози мавсими оммавии варзиш дар СуғдОғози мавсими оммавии варзиш дар СуғдОғози мавсими оммавии варзиш дар СуғдОғози мавсими оммавии варзиш дар Суғд

Хадамоти матбуоти
Раиси вилояти Суғд

Share