Дар моҳҳои январ-марти соли 2023 баҳри сохтмони иншооти соҳаҳои иҷтимоию фарҳангӣ ва истеҳсолӣ тадбирҳо андешида шуда, аз ҳисоби ҳамаи сарчашмаҳо ба маблағи зиёда аз 197,9 млн. сомонӣ фондҳои асосӣ ба истифода дода шуданд, ки баробари 105,7 фоизи нишондиҳандаи ҳамин давраи соли 2022 мебошад.
Маблағгузорӣ ба сармояи асосӣ дар ҳаҷми 563,6 млн. сомонӣ азхуд карда шудааст, ки нисбат ба ҳамин давраи соли қаблӣ 1,8 баробар зиёд аст.
Дар ин муддат аз ҳисоби ҳамаи сарчашмаҳо 86921 метри мураббаъ манзил ба истифода дода шуд, ки нисбат ба ҳамин давраи соли гузашта 791 метри мураббаъ зиёд буда, суръати афзоиш 100,9 фоизро дар бар мегирад.
