Корхонаҳои саноатии шаҳри Гулистон дар давоми соли 2023 ба маблағи 4 миллиарду 56 миллиону 981,8 ҳазор сомонӣ маҳсулот истеҳсол намуданд, ки ин нисбати ҳамин давраи соли гузашта бо нархҳои муқоисавӣ 107,8 фоизро ташкил дода, ин нишондиҳанда ба маблағи 293,5 миллион сомонӣ зиёд мебошад. Дар ин бора зимни баргузории ҷаласаи ҷамъбастӣ оид ба нишондиҳандаҳои соли 2023 иттилоъ дода шуд.
Дар давоми соли 2023 ба иқтисодиёти шаҳри Гулистон 466,7 миллион сомонӣ сармоягузорӣ татбиқ шуда истодааст, ки аз он 266,0 миллион сомонӣ сармоягузориҳои мустақими хориҷӣ ва 200,6 миллион сомонӣ сармоягузории дохилиро ташкил медиҳад.
Аз сармоягузории дохилии татбиқшудаистода 132,2 миллион сомонии он дар давраи ҳисоботӣ ҷалб гардидааст.
