Боздид аз коргоҳи коркарди пахта дар ноҳияи Спитамен

Дар вилояти Суғд ба рушди соҳаи саноат таваҷҷуҳ равона гардида, бо дастгирии Пешвои миллат муҳтарам Эмомалӣ Раҳмон ҳаҷми истеҳсоли маҳсулот сол аз сол афзун мегардад.

Соли 2023 ҳаҷми истеҳсоли маҳсулоти саноатӣ дар вилояти Суғд ба 26 млрд. 51,9 млн. сомонӣ расонида шуд, ки нисбат ба соли 2022 бо нархҳои муқоисавӣ 2,9 млрд. сомонӣ зиёд буда, суръати афзоиш бо назардошти индекси нархҳо 110,7 фоизро ташкил дод. Дар давраи ҳисоботӣ таваҷҷуҳи асосӣ ба истеҳсоли маҳсулоти воридотивазкунанда ва ба содирот нигаронидашуда равона карда шуд.​

Дар ин раванд дар Ҷамоати деҳоти Куруши ноҳияи Спитамен бо иқдоми масъулини БТК "ГРУПП" коргоҳи нави коркарди пахта бунёд гардидааст.​

Зимни боздиди Раиси вилояти Суғд Раҷаббой Аҳмадзода аз коргоҳ иттилоъ дода шуд, ки масоҳати умумии корхона 7,3 гектарро ташкл медиҳад. Технологияи муосири коркарди пахта аз ширкатҳои пешрафта харидорӣ ва васлу насб карда шудааст. Дар ин коргоҳи навбунёд дар як шабонарӯз беш аз 200 тонна пахта қабул ва ​ коркард карда мешавад.​

Боздид аз ҶСП "Новселмаш" ва корхонаи ресандагӣ дар ноҳияи Спитамен

Дар корхонаи истеҳсоли қисмҳои эҳтиётии техникаҳои кишоварзии Ҷамъияти саҳҳомии пӯшидаи "Новселмаш" бо мақсади амалӣ намудани дастуру супоришҳои Ҳукумати Ҷумҳурии Тоҷикистон тадбирҳои муҳим амалӣ мегардад.​

Аснои боздид ба Раиси вилояти Суғд Раҷаббой Аҳмадзода маълумот дода шуд, ки дар ин корхона истеҳсоли қисмҳои эҳтиётии техникаҳои кишоварзӣ ба роҳ монда шуда, ҳаҷми истеҳсол дар як сол беш аз 600 ҳазор сомониро ташкил медиҳад.​

Рушди соҳаи кишоварзӣ ва татбиқи ҳадафҳои созандаи Ҳукумати мамлкат дар соҳаи кишоварзӣ талабот ба қисмҳои эҳтиётии техникаҳои кишоварзиро зиёд намуда, корхона дар сурати афзоиш додани ҳаҷми истеҳсолот ба дастовардҳои бештар ноил мегардад. Масоҳати умумии корхонаи истеҳсоли қисмҳои эҳтиётии техникаҳои кишовразии Ҷамъияти саҳҳомии пӯшидаи "Новселмаш" 10 гектар буда, даҳҳо нафар дар он кору фаъолият доранд. Бо амалӣ шудани нақшаҳои нек нишондиҳандаҳои истеҳсолӣ бештар мегардад.

СУҒД: Ба маблағи 756,7 млн. доллар маҳсулот содирот шуд

Ҳаҷми гардиши савдои хориҷии вилояти Суғд дар моҳҳои январ-декабри соли 2023 ба 2,7 млрд. доллари амрикоӣ расонида шудааст, ки аз он ҳаҷми воридот 2 млрд 37,6 млн. доллар ва содирот 756,7 млн. доллар ташкил медиҳад.

Дар соли 2023 ба маблағи 371,2 млн. доллар маъдану консентрат, ба маблағи 81,4 млн. доллар нахи пахта ва ба маблағи 15,6 млн. доллар семент содирот карда шудааст, ки мутаносибан 49,0 фоиз, 10,8 ва 2,1 фоизи ҳаҷми умумии содиротро ташкил намудааст.

Дар соли 2023 ба маблағи 10,1 млн. доллари амрикоӣ 4082 тонна калоба ва ба маблағи 24,3 млн. доллар 1540 тонна либосворӣ ба бозори хориҷӣ бароварда шуда, афзоиш нисбат ба соли қаблӣ мутаносибан 8,2 млн. доллар ё 4,2 баробар ва 2,1 млн. доллар ё 109,5 фоизро ташкил намудааст.

Дар ин давра 157,4 ҳазор тонна ё 24,3 ҳазор тонна зиёд маҳсулоти кишоварзӣ ба маблағи 40,7 млн. доллар содирот шудааст.