Паёми табрикии Раиси вилоят бахшида ба Рӯзи кормандони соҳаи тиб

Дар Ҷумҳурии Тоҷикистон ҳамасола  санаи 18-уми август иди касбии кормандони соҳаи тиб таҷлил карда мешавад. Имсол ин санаи фархунда ба соли ҷашнҳои 31-солагии Истиқлоли давлатӣ ва  30-солагии Иҷлосияи тақдирсози ХVI Шӯрои Олии Ҷумҳурии Тоҷикистон мувофиқ омад. 

Бо истифода аз фурсат, кулли кормандони соҳаи ҳифзи сиҳатии оммаи вилоятро сидқан табрику муборакбод гуфта, тансиҳатию хотирҷамъӣ, барори кор ва дар иҷрои рисолати касбӣ дастоварду муваффақиятҳо орзу менамоям.

Паёми табрикии Раиси вилоят  бахшида ба Рӯзи кормандони соҳаи сохтмон

Ҳамасола якшанбеи дуюми моҳи август дар кишвари соҳибистиқлоли мо Рӯзи кормандони соҳаи сохтмон таҷлил мегардад. Имсол иди касбии сохтмончиён ба рӯзҳое  рост омад, ки сокинони вилояти Суғд аз ташрифи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон илҳоми тоза гирифта, барои бо армуғонҳои шоёни меҳнатӣ истиқбол гирифтани солгарди Истиқлоли давлатии Ҷумҳурии Тоҷикистон ва 30-солагии Иҷлосияи таърихии ХVI Шӯрои Олии Ҷумҳурии Тоҷикистон азму талош доранд.

 Ба ин муносибат, бинокорони гулдаст, собиқадорони соҳа, кулли кормандони  идораю ташкилотҳои сохтмонӣ, лоиҳакашон, пудратчиён ва ҳамаи онҳоеро, ки дар қомат афрохтани иншооти ҳаётан муҳим иштирок мекунанд, табрику муборакбод гуфта, тани сиҳату хотири ҷамъ, сарбаландӣ ва муваффақиятҳои беназир таманно менамоям. 

Паёми табрикии Раиси вилоят ба муносибати Рӯзи варзишгарон

Боиси ифтихор аст, ки ҳамасола дар кишвари мо санаи 10-уми август Рӯзи варзишгарон мутантан таҷлил мешавад. Бо истифода аз фурсат аз номи мақомоти иҷроияи ҳокимияти давлатии вилояти Суғд шумо, варзишгарон-муаррифгарони Ватанро ба ин муносибат табрик гуфта, саломатӣ, сарбаландӣ ва саодату комёбиҳо таманно мекунам.

Варзиш қосиди сулҳ, омили муҳими таҳкими дӯстии халқҳо ва муаррифгари диёр буда, яке аз воситаҳои беҳтарини ҳифзи сиҳатии инсонҳо ва густариши тарзи ҳаёти солим мебошад. Мақомоти иҷроияи ҳокимияти давлатии вилояти Суғд бо дарки аҳамияти ин нукта дар партави дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба варзиш таваҷҷуҳи хос зоҳир менамояд.