Мақомоти иҷроияи ҳокимияти
давлатии вилояти Суғд
Имрӯз Раиси вилояти Суғд Раҷаббой Аҳмадзода бо намояндаи Палатаи савдои Ҷопон дар Осиёи Марказӣ Накамура Дайсеки ва соҳибкори ҷопонӣ Чида Хикару мулоқот намуд.
Аснои суҳбат ҷонибҳо аз густариши робитаҳои иқтисодӣ миёни Тоҷикистон ва Ҷопон изҳори қаноатмандӣ карда, дурнамои ҳамкориҳоро мавриди баррасӣ қарор доданд.
Раиси вилояти Суғд Раҷаббой Аҳмадзода бо гуруҳи соҳибкорони кишвари Красноярски Федератсияи Россия, ки тӯли чор рӯз дар вилоят қарор доштанд, мулоқот намуд.
Соҳибкорони кишвари Красноярск бо роҳбарии ноиби Президенти Палатаи савдо ва саноати Сибири марказӣ Даря Ковалева ба вилоят ташриф оварда, бо фаъолияти як қатор корхонаҳои саноатӣ шинос шуданд. Меҳмонон ҳамзамон аз минтақаҳои сайёҳии вилояти Суғд боздид намуда, бо шароиту имконоти мавҷудаи соҳаи сайёҳӣ ошно гардиданд.
Раиси вилояти Суғд Раҷаббой Аҳмадзода бо роҳбарияти Ҷамъияти дорои масъулияти маҳдуди “ТВЕА Душанбе саноати кӯҳӣ” мулоқот кард.
Бояд гуфт, ки аз ҷониби ширкат дар мавзеи Кумарғи болои ноҳияи Айнӣ корхонаи холисгардонии тилло бунёд гардида, айни замон фаъолият дорад.
Раиси вилояти Суғд Раҷаббой Аҳмадзода бо директори генералии ҶСП "ТАЛКО Голд" Ли Фен мулоқот намуд.
Зимни суҳбат қайд карда шуд, ки бо сиёсати пешгирифтаи роҳбарони давлатҳои Тоҷикистон ва Чин ҳамкориҳои иқтисодӣ миёни ду давлат дар сатҳи зарурӣ қарор дошта, бо ташаббуси ҷонибҳо як қатор корхонаҳои муштарак бунёд гардидааст. Аз ҷумла ҳамкориҳо дар самти саноати куҳӣ рушд ёфта, давоми солҳои охир бо ташаббуси Ҳукумати Ҷумҳурии Тоҷикистон ва ҷалби сармояи дохилию хориҷӣ дар мамлакат рушди соҳаи саноати металлургӣ таъмин гардид. Корхонаҳои нав ба кор дароварда шуда, ки истихроҷ ва коркарди маъдан то ба ҳадди ниҳоӣ расид ва ин иқдом дар рушди иқтисоди миллӣ ва таъсиси ҳазорҳо ҷойҳои нави корӣ натиҷаи дилхоҳ ба бор овард. Яке аз чунин корхонаҳои азими саноатӣ ҶСП "ТАЛКО Голд" аст, ки дар он ғанисозии маъдан бо усули флотатсиякунонӣ дар як шабонарӯз 5 ҳазор тонна ва солона 1,5 миллион тоннаро ташкил дода, 1500 нафар бо кор таъмин шудаанд.
Раиси вилояти Суғд Раҷаббой Аҳмадзода соҳибкор аз Ҷумҳурии Италия Меничӣ Роберторо ба ҳузур пазируфт.
Дар мулоқоти ҷонибҳо масъалаи ворид намудани ниҳолҳои ороишӣ ва дарахтони нодиру декоративӣ ба вилояти Суғд мавриди баррасӣ қарор дода шуд.
Раиси вилояти Суғд Раҷаббой Аҳмадзода соҳибкор аз Ҷумҳурии Ӯзбекистон Муъминҷон Юлдошевро ба ҳузур пазируфт.
Зимни суҳбат ҷонибҳо аз таҳкими муносибатҳои иқтисодӣ миёни доираҳои соҳибкории ҳарду тараф изҳори қаноатмандӣ карда, тақвияти равобитро самараи сиёсати пешгирифтаи роҳбарони давлатҳои Тоҷикистон ва Ӯзбекистон муҳтарам Эмомалӣ Раҳмон ва муҳтарам Шавкат Мирзиёев арзёбӣ намуданд.
5 июл Раиси вилояти Суғд Раҷаббой Аҳмадзода дар мақомоти иҷроияи ҳокимияти давлатии шаҳри Панҷакент бо фаъолони шаҳр мулоқот намуд.
Дар мулоқот вазъи иқтисодиву иҷтимоии шаҳр мавриди таҳлил қарор дода шуда, барои беҳтар намудани фаъолият ва баланд бардоштани сатҳи зиндагии мардум супоришҳо дода шуд. Тавре маълумот доданд, дар панҷ моҳи соли равон нақшаи буҷети давлатӣ (бе назардошти андози иҷтимоӣ) 108,1 фоиз иҷро гардида, ба буҷет 270 миллиону 226,4 ҳазор сомонӣ ворид шудааст. Иҷрои нақшаи даромади буҷети маҳаллӣ 107,3 фоиз таъмин гардида, ба ҷои 80 миллиону 58,3 ҳазор сомонии нақша, 85 миллиону 870,9 ҳазор сомонӣ ворид гардид, ки ин нисбат ба нақша 5 миллиону 812,6 ҳазор сомонӣ зиёд мебошад.
