Раиси вилояти Суғд Раҷаббой Аҳмадзода муовини губернатори вилояти Тюмени Федератсияи Россия Андрей Пантелеевро ба ҳузур пазируфт.

Зимни суҳбат ҷонибҳо аз сатҳи кунунии муносибатҳо изҳори қаноатмандӣ карда, барои тақвияти ҳамкорӣ изҳори омодагӣ намуданд.

Раиси вилоят аснои суҳбат афзуд, ки бо сиёсати пешгирифтаи роҳбарони ду кишвар Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Федератсияи Россия муҳтарам Владимир Путин миёни минтақаҳои ду давлат равобити хубу дӯстона барқарор аст.

Имрӯз Раиси вилояти Суғд Раҷаббой Аҳмадзода муовини Раиси вилояти Витебски Ҷумҳурии Беларус Вячеслав Дурновро ба ҳузур пазируфт. 

Дар мулоқот масъалаҳои таҳкими ҳамкорӣ дар бахшҳои саноат, кишоварзӣ, сохтмон ва сайёҳӣ баррасӣ гардиданд.

Раҷаббой Аҳмадзода зикр намуд, ки бо сиёсати оқилонаи сарони давлатҳо Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Беларус муҳтарам Александр Лукашенко миёни вилоятҳои ду мамлакат ҳамкорӣ дар сатҳи баланд қарор дорад. 

Иттилоъ дода шуд, ки дар соли 2024 гардиши молу маҳсулот миёни вилояти Суғд ва минтақаҳои Ҷумҳурии Беларус наздик ба 60 миллион долларро ташкил додааст.

Раиси вилояти Суғд Раҷаббой Аҳмадзода бо муассиси корхонаҳои муштараки ҶДММ “Ҷавонӣ” ва ҶДММ “САТН”, роҳбари ширкати маъруфи итолиёвии «Carrera» — Имерио Такелла мулоқот анҷом дод.

Зимни вохӯрӣ ҷонибҳо аз сатҳи имрӯзаи ҳамкориҳои мутақобилан судманд изҳори қаноатмандӣ намуда, саҳми корхонаҳои зикршударо дар пешбурди иқтисодиёти вилоят назаррас арзёбӣ карданд. 

Раиси вилоят аснои мулоқот таъкид кард, ки дар доираи татбиқи ҳадафи чоруми миллӣ-саноатикунонии босуръати кишвар ва таъмини иҷрои дастуру супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар вилояти Суғд ҳамасола даҳҳо корхонаҳои нав ба фаъолият шурӯъ намуда, ҳаҷми истеҳсоли маҳсулоти саноатӣ афзоиш меёбад.

3 апрели соли 2025 Раиси Ҷумҳурии Тотористони Федератсияи Россия Рустам Минниханов бо сафари корӣ ба вилояти Суғд ташриф овард. Дар доираи ин сафар дар шаҳри Гулистон мулоқоти расмии дуҷониба ва ҷаласаи васеи ҳайатҳои вилояти Суғди Ҷумҳурии Тоҷикистон ва Ҷумҳурии Тотористон баргузор гардид.

Раиси вилояти Суғд Раҷаббой Аҳмадзода нахуст меҳмони олиқадрро ба Суғди бостонӣ хайрамақдам гуфта, зикр намуд, ки бо сиёсати хирадмандонаи сарони давлатҳо – Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Президенти Федератсияи Россия муҳтарам Владимир Путин – муносибатҳои байниминтақавӣ миёни ду кишвар дар ҳоли тавсеа қарор дошта, мубодилаи молу маҳсулот афзоиш ёфта истодааст.

Раиси вилояти Суғд Раҷаббой Аҳмадзода бо Сафири Фавқулода ва Мухтори Ҷумҳурии Федеративии Олмон дар Ҷумҳурии Тоҷикистон Йорк Шугарф ва Сафири Фавқулода ва Мухтори Ҷумҳурии Франсия дар Ҷумҳурии Тоҷикистон хонум Элза Пинёл мулоқот намуд. 

Зимни мулоқот ҷонибҳо аз ҳамкории судманди Тоҷикистон бо Ҷумҳурии Федеративии Олмон ва Ҷумҳурии Франсия изҳори қаноатмандӣ намуданд. Гуфта шуд, ки дар доираи сиёсати дурнигаронаи сарони кишварҳо зарфиятҳои мавҷудаи соҳаҳои саноату энергетика, кишоварзӣ, илму маориф, сайёҳӣ ва дигар соҳаҳои муҳим мақсаднок истифода гардида, ҳамкориҳо тақвият бахшида мешаванд. 

Раиси вилояти Суғд Раҷаббой Аҳмадзода вобаста ба рушди соҳаи саноат, бунёди корхонаҳои саноатӣ ва имкониятҳои соҳа, соҳаи кишоварзӣ, бахши сайёҳӣ ба меҳмонон маълумоти муфассал дод. 

Дар меҳмонхонаи "Суғдиён"-и шаҳри Хуҷанд мулоқоти Раиси вилояти Суғд Раҷаббой Аҳмадзода бо ҳайати вилояти Тошканди Ҷумҳурии Ӯзбекистон баргузор гардид. 

Дар мулоқот таъкид гардид, ки бо сиёсати оқилонаи сарони давлатҳо Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон муҳтарам Шавкат Мирзиёев ҳамкорӣ миёни минтақаҳои ду давлат тавсеа ёфта, муболилаи молу маҳсулот зиёд гардида истодааст. 

Иттилоъ дода шуд, ки соли 2024 ҳаҷми гардиши молу маҳсулот миёни вилояти Суғд ва минтақаҳои гуногуни Ҷумҳурии Ӯзбекистон 350 миллион доллари ИМА-ро ташкил карда, захираву имкониятҳо барои зиёд намудани табодули маҳсулот ҳанӯз фаровон аст.