Раиси вилояти Суғд Раҷаббой Аҳмадзода бо муассиси ширкати «Зулол-текстил» Фират Денис мулоқот намуд.

Аснои суҳбат роҳбари вилоят вобаста ба вазъи иқтисодиву иҷтимоии вилоят, захираву имкониятҳои мавҷуда дар самти ташкили корхонаҳои муштарак ва ба роҳ мондани коркарди пахта маълумот дод. Қайд карда шуд, ки дар Тоҷикистон барои рушди соҳаи саноат таваҷҷуҳи зарурӣ зоҳир гардида, саноатикунонии мамлакат ҳадафи стратегӣ эълон шудааст. Бо назардошти ин, барои рушди соҳа фазои мусоиди сармоягузорӣ фароҳам оварда шуда, даҳҳо корхонаҳои муштарак фаъолияти назаррас доранд.

21 апрел Раиси вилояти Суғд Раҷаббой Аҳмадзода намояндаи доимии Ташкилоти Оғохон оид ба рушд дар Тоҷикистон Қозидавлат Қоимдодов ва ҳамроҳонашро ба ҳузур пазируфт.

Зимни суҳбат ҷонибҳо доир ба амалисозии лоиҳаҳои наве, ки барои хоҷагии халқи вилоят заруранд, мубодилаи афкор намуданд.

Раиси вилоят аснои суҳбат таъкид кард, ки вилояти Суғд дорои имкониятҳои фаровон буда, бо ҷалби сармоя метавон лоиҳаҳоро дар бахшҳои мухталиф амалӣ намуд. Аз ҷумла, соҳаи саноат аз соҳаҳои афзалиятнок маҳсуб ёфта, бо назардошти аз ҷониби Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳадафи миллӣ эълон шудани саноатикунонии босуръат ҷалби сармоя барои ташкили корхонаҳои хурду бузург ба манфиат мебошад. Гуфта шуд, ки ҷонибҳо метавонанд барои ташкили корхонаҳои коркарди меваву сабзавот, пӯст, пахта, воридсозии технологияҳои нави замонавӣ ва бунёди гармхонаҳои инноватсионӣ ҳамкориҳои густардаро ба роҳ монанд.

Раиси вилояти Суғд Раҷаббой Аҳмадзода директори корхонаи муштараки "Зарафшон" Жан Яоминро ба ҳузур пазируфт.

Зимни суҳбат ҷонибҳо доир ба афзун намудани ҳаҷми истесҳсоли маҳсулот, бунёди корхонаи иловагии металлургӣ, иҷрои удадориҳои корхона ва ташкили ҷойҳои нави корӣ мубодилаи афкор намуданд.

12 апрел дар гузаргоҳи сарҳадии «Гулистон»-и шаҳри Исфара мулоқоти Раиси вилояти Суғд Раҷаббой Аҳмадзода ва намояндаи ваколатдори Президенти Қирғизистон дар вилояти Бодканд Абдикарим Алимбаев баргузор гардид.

Зимни суҳбат ҷонибҳо хостори тақвияти корҳои фаҳмондадиҳӣ бобати пешгирии муноқишаҳо ва ҳолатҳои ба муноқишаҳо сабабшаванда гардида, таъкид доштанд, ки мардумони ду кишвар асрҳо инҷониб дар канори ҳам зиндагӣ доранд ва бояд анъанаҳои неки ҳамсоядорӣ минбаъд низ риоя карда шавад.

11 апрел Раиси вилояти Суғд Раҷаббой Аҳмадзода бо намояндаи минтақавии ЮНЕСКО дар Осиёи Марказӣ​ хонум Криста Пиккат мулоқот кард.

Раиси вилоят аснои мулоқот ба нақши ЮНЕСКО дар​ ҳифзу нигоҳдошти ёдгориҳои таърихӣ, рушди илму маориф, тиббу фарҳанг баҳои баланд дода, аз ҳамкориҳои судманд бо ин ниҳоди байналмилалӣ изҳори қаноатмандӣ намуд.

10 апрел Раиси вилояти Суғд Раҷаббой Аҳмадзода соҳибкор аз Ҷумҳурии Фаронса Патрик Хоффманро ба ҳузур пазируфт.

Зимни суҳбат ҷонибҳо оид ба роҳандозии ҳамкориҳои мутақобилан судманд мубодилаи афкор намуданд.

Раиси вилоят ба соҳибкор доир ба вазъи соҳаҳои саноату кишоварзӣ маълумот дод.