Мақомоти иҷроияи ҳокимияти
давлатии вилояти Суғд
Бо ибтикори мақомоти иҷроияи ҳокимияти давлатии вилоят дар маркази вилоят ярмарка-фурӯши маҳсулоти кишоварзӣ ташкил гардид.
Раиси вилояти Суғд Раҷаббой Аҳмадзода аз рафти баргузории ярмарка-фурӯши маҳсулоти кишоварзӣ боздид карда, ба масъулин ҷиҳати дар сатҳи зарурӣ гузаронидани ярмарка супоришҳо дод.
23 апрел Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маросими ифтитоҳи Саммити чоруми оби кишварҳои минтақаи Осиё ва Уқёнуси Ором, ки дар шаҳри Кумамотои Ҷопон баргузор гардид, бо паёми видеоӣ суханронӣ намуданд.
Кори саммитро Сарвазири Ҷопон Фумио Кишида ифтитоҳ намуда, дар он ҳамчунин императори Ҷопон Наруҳито, роҳбарони давлатҳо ва ҳукуматҳои Камбоҷа, Тувалу, Лаос, Узбекистон, Бутан, Ветнам, Индонезия, Филиппин, Науру, Шри-Ланка, Қирғизистон, Туркманистон, Бангладеш, Таиланд, Ниуэ, Ҷазираҳои Маршал ва дабири кулли Созмони Милали Муттаҳид Антонио Гутерреш ба таври ҳузурӣ, мустақим ва паёми видеоӣ иштирок ва суханронӣ намуданд.
Имрӯз Раиси вилояти Суғд Раҷаббой Аҳмадзода дар доираи сафари кории худ ба шаҳри Истаравшан ба аёдати оилаи Юлдошевҳо рафт.
Оилаи мазкур ҳамчун камбизоат ба қайд гирифта шуда, бо амри тақдир Гулбаҳор, Гулноза ва Норбой маъюб мебошанд. Аҳли ин оила аз тарафи давлат нафақа мегиранд ва аз ҷониби саховатмандон низ мунтазам ба онҳо кумак расонида мешавад.
22 апрел Раиси вилояти Суғд Раҷаббой Аҳмадзода дар Ҷамоати деҳоти Нофароҷи шаҳри Истаравшан бо рафти бунёди боғҳои нав шинос шуд.
Ба роҳбари вилоят иттилоъ доданд, ки дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати самаранок истифода бурдани замин ва бунёд кардани боғу токзори нав дар талу теппаҳои бекорхобидаи деҳоти Нофароҷ дар майдони 40 гектар боғи анъанавии себ бунёд карда мешавад.
22 апрел Раиси вилояти Суғд Раҷаббой Аҳмадзода дар шаҳри Истаравшан бо рафти корҳои ободонию бунёдкорӣ шинос шуд.
Ба истиқболи 35-солагии Истиқлоли давлатии Ҷумҳурии Тоҷикистон дар шаҳри Истаравшан бунёди иншооти гуногун, аз ҷумла корхонаҳои саноатӣ ҷараён дошта, соҳибкорони шаҳр саҳми арзандаи худро барои расидан ба ҳадафи чоруми миллӣ-саноатикунонии босуръати мамлакат гузошта истодаанд.
