Боздиди Раиси вилоят Раҷаббой Аҳмадзода аз пойгоҳҳои обкашии ноҳияи Зафаробод

Азназаргузаронӣ: 483

Дар ноҳияи Зафаробод ба масъалаи сари вақт омода намудани пойгоҳҳои обкашӣ ва дигар иншооти обрасон ба мавсими киштукор таваҷҷуҳ равона шуда, бо ин мақсад аз ҷониби Мақомоти иҷроияи ҳокимияти давлатии вилояти Суғд маблағҳои зарурӣ ҷудо гардидааст.

Зимни боздид аз пойгоҳҳои обкашии ноҳия Раиси вилояти Суғд Раҷаббой Аҳмадзода таъкид намуд, ки дар асоси дастуру супоришҳои Пешвои миллат муҳтарам Эмомалӣ Раҳмон таъминоти оби полезӣ дар ноҳияи Зафаробод имсол боз ҳам беҳтар гардида, заминҳои корам самаранок истифода карда мешаванд.

Масъулини Идораи давлатии беҳдошти замин ва обёрӣ, Раёсати кишоварзӣ ва масъулини мақомоти маҳалли ҳокимияти давлатӣ вазифадор гардиданд, ки дар самти таъмири каналҳо, сари вақт тоза намудани заҳбуру заҳкаш тадбирҳои зарурӣ андешанд.

Машварати кории Раиси вилояти Суғд Раҷаббой Аҳмадзода бо роҳбарону фаъолони ноҳияи Зафаробод

Азназаргузаронӣ: 467

29 январ Раиси вилояти Суғд Раҷаббой Аҳмадзода дар ноҳияи Зафаробод бо роҳбарону фаъолони ноҳия ва кишоварзон машварати корӣ анҷом дод.

Раиси вилояти Суғд Раҷаббой Аҳмадзода дар оғоз аз дастуру супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вобаста ба рушди соҳаи кишоварзӣ, ба хусус пахтакорӣ, истифодаи оқилонаи обу замин, тухмиҳои хушсифат, таъмини шаффофият ҳангоми пешниҳоди рақамҳои оморӣ ва ҷоннок намудани фаъолият ёдовар шуд.

Зимни таҳлили нишондиҳандаҳо гуфта шуд, ки дар ноҳияи Зафаробод захираву имкониятҳо барои рушди пахтакорӣ мавҷуд буда, бояд дар ин самт корҳо ба таври зарурӣ ба роҳ монда шаванд. Дар робита ба ин ба масъулини мақомоти иҷроияи ҳокимияти давлатии ноҳия, идораи замин, мақомоти омор дар ноҳия, раёсати кишоварзӣ, идораи давлатии беҳдошти замин ва обёрӣ, раисони ҷамоатҳо ва дигар шахсони масъул дастуру супоришҳои мушаххас дода шуд.

Паёми табрикии Раиси вилоят ба муносибати ҷашни Сада

Азназаргузаронӣ: 311

Мардуми шарифи вилояти Суғдро бо фарорасии ҷашни Сада, ки ёдгори гаронбаҳои аҷдоди некномамон ба ҳисоб меравад, сидқан табрику таҳният мегӯям.

Боиси ифтихор аст, ки ин ҷашни фархунда дар даврони соҳибистиқлолии кишвари азизамон тавассути талошу иқдомҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз нав эҳё гардида, бо пешниҳоди кишвари азизамон 6-уми декабри соли 2023 дар иҷлосияи 18-уми Кумитаи ЮНЕСКО ба Феҳристи мероси ғайримоддии башарият ворид карда шуд.

Ҷашни Сада аз қадимулайём бо табиат, заминдорӣ ва касбу кори гузаштагонамон пайванди қавӣ дошта, ҳамчун ҷузви фарҳанги маънавии халқи тоҷик дар тӯли қарнҳо барои муаррифии мардуми соҳибтамаддуну куҳанбунёдамон ва ҳифзи беҳтарин арзишу суннат ва расму ойинҳои миллӣ нақши арзишманд гузоштааст.

Дар ноҳияи Бобоҷон Ғафуров бунёди корхонаҳои саноатӣ идома дорад

Азназаргузаронӣ: 402

Раиси вилояти Суғд Раҷаббой Аҳмадзода дар ноҳияи Бобоҷон Ғафуров бо сохтмону муҷаҳҳазсозии корхонаҳои саноатии ҶДММ "Суғдметал", корхонаи истеҳсоли равған ва корхонаи истеҳсоли ашёи рӯзгор шинос гардид.

Корхонаҳои нав бо иқдому ташаббусҳои соҳибкорони ватанӣ дар доираи амалисозии ҳадафи чоруми миллӣ-саноатикунонии босуръати кишвар бунёд шуда истодааст, ки бо мавриди истифода қарор гирифтани онҳо даҳҳо нафар бо ҷойи корӣ таъмин хоҳанд шуд. 

Дар ноҳияи Бобоҷон Ғафуров ба бунёду азнавсозии корхонаҳо таваҷҷуҳи хоса зоҳир гардида, танҳо дар соли гузашта 36 корхонаи хурду бузург ба истифода дода шудааст. 

Ниёзмандон таҳти таваҷҷуҳи давлат қарор доранд

Азназаргузаронӣ: 361

Дар партави сиёсати инсондӯстонаи Пешвои миллат муҳтарам Эмомалӣ Раҳмон 28 январ Раиси вилояти Суғд Раҷаббой Аҳмадзода дар ноҳияи Бобоҷон Ғафуров собиқадори меҳнат ва як оилаи ниёзмандро аёдат кард.

Раиси вилоят ба манзили собиқадори меҳнат Абдуманнон Каримқулов ва оилаи Маҳмудовҳо омада, аз ҳоли онҳо хабар гирифт. 

Абдуманнон Каримқулов собиқадори соҳаи кишоварзӣ буда, солҳои зиёд дар соҳаи мелиоратсия кор кардааст. Оилаи Маҳмудовҳо бошад ҳамчун ниёзманд ба қайд гирифта шудааст. 

Саробони оила Камолҷон Маҳмудов маъюб аст ва аз имтиёзҳо бархурдор мебошад. 

Мақолаҳои боқимонда...