Маросими қадршиносии ғолибони озмуни вилоятии «Хомаи созанда-2022»

Азназаргузаронӣ: 349

3 феврали соли 2023 дар Кохи фарҳанги ба номи Абӯабдуллоҳи Рӯдакӣ маросими қадршиносии ғолибони озмуни вилоятии «Хомаи созанда-2022» баргузор гардид.

Бояд зикр намуд, ки мақомоти иҷроияи ҳокимияти давлатии вилоят бахшида ба 31-солагии Истиқлоли давлатии Ҷумҳурии Тоҷикистон ва бо мақсади дастгирии журналистон ва сари вақт хабардор кардани ҷомеа аз раванди рушду такомули соҳаҳои мухталифи хоҷагии халқ, шарҳу тавзеҳи воқеъбинона,  асосноки дигаргунсозӣ ва проблемаҳои дорои аҳамияти махсуси иҷтимоидошта, ҳамзамон ҷалби таваҷҷӯҳи аҳли ҷомеа ба масъалаҳои ҳалталаб миёни журналистон барои беҳтарин маводи журналистӣ озмун эълон намуда буд.

Нишасти матбуотии Раиси вилояти Суғд Раҷаббой Аҳмадзода

Азназаргузаронӣ: 330

3 феврали соли 2023 дар Кохи фарҳанги ба номи Абӯабдуллоҳи Рӯдакӣ нишасти матбуотии Раиси вилояти Суғд Раҷаббой Аҳмадзода баргузор гардид.

Дар нишасти матбуотӣ Раиси вилоят ба кормандони воситаҳои ахбори омма доир ба фаъолияти мақомоти иҷроияи ҳокимияти давлатии вилоят дар соли 2022 маълумот дод. Қайд карда шуд, ки мақомоти иҷроияи ҳокимияти давлатии вилоят соли 2022 ҷиҳати дар амал татбиқ намудани сиёсати хирадмандонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва баҳри иҷрои дастуру супоришҳое, ки аз Паём ба Маҷлиси Олии Ҷумҳурии Тоҷикистон ва сафарҳои корӣ ба шаҳру ноҳияҳои вилоят бармеоянд, тадбирҳои заруриро роҳандозӣ намуд.

Раиси вилоят ходими намоёни давлативу ҷамъиятӣ Оқил Оқиловро аёдат намуд

Азназаргузаронӣ: 257

2 феврал Раиси вилояти Суғд Раҷаббой Аҳмадзода ходими намоёни давлатию ҷамъиятӣ, собиқ Сарвазири Ҷумҳурии Тоҷикистон Оқил Оқиловро аёдат намуда, мавсуфро ба муносибати зодрӯзаш табрик кард.

Таъкид карда шуд, ки Оқил Оқилов дар тӯли умри бобаракат ва фаъолияти гуногунҷабҳаи ҳизбӣ, давлатӣ ва ҷамъиятӣ дар рушди соҳаҳои гуногуни иҷтимоию иқтисодии Ватани маҳбубамон нақши назаррас гузоштааст.

Зиндагинома, кору пайкор, дониш, малака ва маҳорати Оқил Оқилов барин фарзандони садоқатманди Ватан, ки аз мактаби бузурги ватандӯстӣ, худшиносӣ ва худогоҳии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сарчашма мегирад, барои ҳамагон ва махсусан насли ҷавони ояндасоз мактаби омӯзиш аст.

Дар Хистеварз мулоқоти ҳайатҳои расмии Тоҷикистон ва Қирғизистон доир шуд

Азназаргузаронӣ: 295

Имрӯз дар Ҷамоати деҳоти Хистеварзи ноҳияи Бобоҷон Ғафуров мулоқот ва гуфтушуниди намояндагони вилояти Суғди Ҷумҳурии Тоҷикистон ва вилояти Бодканди Ҷумҳурии Қирғизистон доир гардид.

Ҳайати намояндагони вилояти Суғдро Раиси вилояти Суғд Раҷаббой Аҳмадзода ва Вилояти Бодканди Ҷумҳурии Қирғизистонро намояндаи ваколатдори Президенти Ҷумҳурии Қирғизистон Абдукарим Алимбаев роҳбарӣ намуданд.

Шиносоӣ бо вазъи таълиму тарбия дар «Мактаби миёна бо омӯзиши амиқи фанҳои алоҳида дар шаҳри Хуҷанд ба номи А.П.Чехов»

Азназаргузаронӣ: 290

Раиси вилояти Суғд Раҷаббой Аҳмадзода бо фаъолияти  Муассисаи таълимии давлатии Русияву Тоҷикистон «Мактаби миёна бо омӯзиши амиқи фанҳои алоҳида дар шаҳри Хуҷанд ба номи А.П.Чехов» шинос шуд.

Иттилоъ дода шуд, ки бо кўшишҳои пайгиронаи роҳбарияти олии ду давлат-Президенти Ҷумҳурии Тоҷикистон муҳтарам Эмомалӣ Раҳмон ва Президенти Федератсияи Русия Владимир Путин дар давоми се даҳсолаи охир ин ду кишвари дўст дар роҳи рушд ва таҳкими муносибатҳои шарикии стратегӣ, ки дар воқеъ имрӯз тамоми самтҳои асосии ҳамкориро фаро мегиранд, ба натиҷаҳои назаррас ноил гардиданд.

Мақолаҳои боқимонда...