Боздиди кории Раиси вилояти Суғд Раҷаб Аҳмадзода аз шаҳри Исфара

Азназаргузаронӣ: 585

Ба истиқболи 35-солагии Истиқлоли давлатии Ҷумҳурии Тоҷикистон дар шаҳру деҳоти Исфара корҳои ободониву созандагӣ бо суръати баланд идома доранд. Бо ташаббуси мақомоти иҷроияи ҳокимияти давлатии шаҳр, саҳмгузории соҳибкорони ватандӯст ва сокинон як қатор иншооти иҷтимоӣ ва иқтисодӣ бунёд мегарданд.

Зимни сафари корӣ Раиси вилояти Суғд Раҷаб Аҳмадзода бо ҷараёни корҳои сохтмонӣ дар Ҷамоати деҳоти Чоркуҳ шинос шуд.

Дар маҳаллаи Таги Бораи деҳоти Чоркуҳ сохтмони муассисаи таҳсилоти томактабӣ барои 120 кӯдак ва майдончаи варзишӣ идома дорад. Бинои муассиса бо тарҳи муосир қомат афрохта, барои таълиму тарбияи кӯдакон шароити мусоид фароҳам хоҳад овард. Ҳамзамон сохтмони толори варзишии болопӯшида низ ҷараён дошта, он ба рушди варзиш ва тарғиби тарзи ҳаёти солим мусоидат хоҳад намуд.

Дар Суғд Рӯзи кормандони соҳаи тиб таҷлил гардид

Азназаргузаронӣ: 612

Дар Кохи фарҳанги ба номи Абӯабдуллоҳи Рӯдакӣ бахшида ба Рӯзи кормандони соҳаи тиб маҷлиси тантанавӣ баргузор шуд, ки дар он Раиси вилояти Суғд Раҷаб Аҳмадзода ва вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода ширкат варзиданд.

Қабл аз оғози чорабинии идона аз ҷониби Раиси вилояти Суғд Раҷаб Аҳмадзода ва вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода ба як қатор собиқадорони соҳаи тандурустӣ туҳфаҳои хотиравӣ супорида шуд. 

Раиси вилоят кормандону собиқадорони соҳаи тандурустиро бо иди касбиашон табрик намуда, ба онҳо саломатии бардавом, рӯзгори обод ва дастовардҳои нав орзу кард. Таъкид гардид, ки иди касбии табибон ҳамасола дар рӯзи мавлуди фарзанди фарзонаи миллати тоҷик — Шайхурраис Абӯалӣ ибни Сино таҷлил мегардад. Имсол ин рӯз бо 1045-солагии зодрӯзи ин олим ва ҳакими бузург мувофиқ омад, ки осори гаронбаҳои ӯ то ба имрӯз раҳнамои табибони олам аст.

НАМОИШГОҲИ МАҲСУЛОТИ КИШОВАРЗӢ, САНОАТӢ, ҲУНАРҲОИ МАРДУМӢ ВА ТАОМҲОИ МИЛЛИИ ҶУМҲУРИИ ТОҶИКИСТОН ДАР ШАҲРИ ОСТОНАИ ҶУМҲУРИИ ҚАЗОҚИСТОН

Азназаргузаронӣ: 539

Бо иқдому ташаббусҳои бевоситаи Сарони давлатҳои Тоҷикистону Қазоқистон – муҳтарам Эмомалӣ Раҳмон ва муҳтарам Қосим-Жомарт Тоқаев робитаҳои дӯстонаву ҳамкориҳои иқтисодию тиҷоратии ду кишвари бародар ба сатҳи нав расида, заминаи устувор барои рушди босуботи минбаъда гузошта мешавад.

Сиёсати хирадмандонаи роҳбарони олимақоми Тоҷикистону Қазоқистон боис гардид, ки ду халқ дар фазои дӯстӣ ва бародарӣ зиндагӣ намуда, муносибатҳои таърихӣ ва арзишҳои муштараки худро боз ҳам густариш бахшанд.

Рӯзҳои 16–17 август дар шаҳри Остонаи Ҷумҳурии Қазоқистон бо дастуру ҳидоятҳои Пешвои миллат муҳтарам Эмомалӣ Раҳмон Намоишгоҳи маҳсулоти кишоварзӣ, саноатӣ, ҳунарҳои мардумӣ ва таомҳои миллии Ҷумҳурии Тоҷикистон баргузор гардид.

Зимни боздиди Раиси вилояти Суғд Раҷаб Аҳмадзода ва ҳокими шаҳри Остона Женис Қосимбек иттилоъ дода шуд, ки дар ярмарка беш аз 1000 тонна маҳсулот аз ҷониби кишоварзон, ҳунармандон ва корхонаҳои саноатии шаҳру ноҳияҳои вилояти Суғд ба намоишу фурӯш бароварда шуд.

Паёми табрикии Раиси вилоят бахшида ба Рӯзи кормандони соҳаи тиб

Азназаргузаронӣ: 464

Дар Ҷумҳурии Тоҷикистон ҳамасола санаи 18-уми август Рӯзи кормандони соҳаи тиб ҷашн гирифта мешавад. Ба ин муносибат, кулли табибони вилоят ва собиқадорони соҳаро бо Рӯзи кормандони соҳаи тиб сидқан шодбош гуфта, ба ҳамагон сиҳату саломатӣ, хотири ҷамъ, саодати рӯзгор ва дастоварду муваффақиятҳои беназир таманно менамоям.

Соли равон таҷлили иди касбии кормандони соҳаи тиб дар рӯзҳое доир мегардад, ки сокинони сарбаланди Ватани маҳбубамон ба таҷлили 34-умин солгарди Истиқлоли давлатии Ҷумҳурии Тоҷикистон ҳаматарафа омодагӣ мебинанд.

Рӯзи кормандони соҳаи тиб имсол ба 1045-солагии зодрӯзи олим, файласуф ва ҳакими тоҷик Абӯалӣ ибни Сино мувофиқ омад, ки осори гаронбаҳояш ганҷи бебаҳои илм ва роҳнамои тамоми табибони олам ба ҳисоб меравад.

Дар ноҳияи Спитамен корҳои созандагӣ бо маром идома доранд

Азназаргузаронӣ: 475

Дар ноҳияи Спитамен дар доираи нақшаи чорабиниҳо ба истиқболи 35-солагии Истиқлоли давлатии Ҷумҳурии Тоҷикистон бо саҳми мақомоти давлатӣ, аҳолӣ ва соҳибкорон корҳои ободониву созандагӣ бомаром идома доранд.

Раиси вилояти Суғд Раҷаб Аҳмадзода зимни шиносоӣ бо ҷараёни корҳои сохтмонӣ аз ташаббусҳои созандаи сокинону соҳибкорон истиқбол намуда, таъкид кард, ки имрӯз мардум хуб дарк кардаанд, ки обод кардани маҳалли зист, саҳм гузоштан дар рушди иқтисод ва таъмини ҷойҳои нави корӣ вазифаи ҳар як шаҳрванди ватандӯст мебошад.

Чуноне иттилоъ дода шуд, бо дастгирии соҳибкорон дар деҳаи Саидқалъаи Ҷамоати деҳоти Истиқлол сохтмони бинои бисёрошёнаи истиқоматӣ бо марказҳои савдо ва хизматрасонӣ, сехи пойафзолдӯзӣ, мактаб–кӯдакистон ва маркази саломатӣ идома дорад. Пас аз ба истифода супурда шудани ин чор иншооти муҳим, даҳҳо сокинон бо ҷойи кори доимӣ ва маоши муносиб таъмин мегарданд.

Мақолаҳои боқимонда...