Бахшида ба 70-солагии шуъбаи суғдии ИНТ ҳамоиш баргузор гардид

Азназаргузаронӣ: 701

23 октябр дар Театри мазҳака ва мусиқии ба номи Камоли Хуҷандӣ​ ба муносибати 70-солагии шуъбаи суғдии Иттифоқи нависандагони Тоҷикистон ҳамоиш доир гардид, ки дар он Раиси вилояти Суғд Раҷаббой Аҳмадзода, раиси Иттифоқи нависандагони Тоҷикистон Низом Қосим, нависандагону шоирон, олимону аҳли зиё иштирок намуданд.

Ҳамоиш бо сухани Шоири халқии Тоҷикистон, раиси​ шуъбаи суғдии Иттифоқи нависандагони Тоҷикистон Аҳмадҷони Раҳматзод оғоз ёфта, сипас Раиси вилоят Раҷаббой Аҳмадзода аҳли илму адаби вилоятро ба муносибати 70-солагии шуъбаи суғдии Иттифоқи нависандагони Тоҷикистон табрик намуд

Раиси вилоят таъкид кард, ки дар давоми 70 соли мавҷудияти хеш шуъбаи суғдии Иттифоқи нависандагони Тоҷикистон як идда аҳли қаламу эҷод ва суханварону суханшиносонеро дар канори хеш парвариш ва камолот бахшидааст, ки имрўз чун устод барои эътибору мақоми адабиёти муосири тоҷик саҳми муносиби хешро мегузоранд.

Ноҳияи Спитамен ғолиби бистрӯзаи дуюми мавсими пахтачинӣ гардид

Азназаргузаронӣ: 486

23 октябр дар маркази вилоят бо иштироки роҳбарияти вилоят ва намояндагони касбу кори гуногун ҷамъбасти бистрўзаи дуюми мавсими пахтачинӣ доир гардид.

Раиси вилояти Суғд Раҷаббой Аҳмадзода зимни иштирок дар чорабинӣ иброз дошт, ки соҳаи пахтакорӣ яке аз самтҳои афзалиятнок ва муҳими иқтисодии вилоят ба шумор рафта, рушди минбаъдаи он ба таъмини корхонаҳо бо ашёи хоми ватанӣ, зиёд гардидани ҳаҷми содирот, воридоти асъори хориҷӣ ва таъмини шаҳрвандон бо ҷои корӣ мусоидат менамояд.

Таъкид карда шуд, ки дар асоси қарори Раиси вилояти Суғд аз 4 сентябри соли 2023, №267 «Дар бораи тадбирҳои сари вақт ва беталаф ҷамъ овардани ҳосили пахтаи соли 2023» санаи 1 октябри соли равон бистрўзаи якуми мусобиқа байни шаҳру ноҳияҳо ва ҷамоатҳо ҷамъбаст ва ғолибон бо мукофотҳои мақомоти иҷроияи ҳокимияти давлатии вилоят қадршиносӣ шуда буданд. Имрӯз бошад бистрўзаи дуюми мавсими пахтачинӣ ҷамъбаст гардид ва он собит кард, ки мусобиқаи меҳнатӣ барои пешқадамӣ дар байни шаҳру ноҳияҳо ва ҷамоатҳои пахтакор хеле пуршиддат буд.

Қадршиносии ғолибони озмунҳои “Илм –фурўғи маърифат” ва “Тоҷикон”- оинаи таърихи миллат”

Азназаргузаронӣ: 366

21 октябри соли 2023 дар толори мақомоти иҷроияи ҳокимияти давлатии вилоят маросими қадршиносии ғолибони даври вилоятии озмунҳои ҷумҳуриявии “Илм –фурўғи маърифат” ва “Тоҷикон”- оинаи таърихи миллат” баргузор гардид.

Раиси вилояти Суғд Раҷаббой Аҳмадзода зимни суханронии худ ғолибони озмунҳоро табрик гуфта, қайд намуд, ки озмунҳо таҳти сарпарастии Асосгузори сулҳу ваҳдати миллӣ – Пешвои миллат, Президенти ҷумхурии Тоҷикистон муҳтарам Эмомалӣ Раҳмон доир гардида, дар баланд бардоштани сатҳи дониш ва маърифати аҳли ҷомеа нақши шоиста мегузоранд.

Тазаккур дода шуд, ки мақомоти иҷроияи ҳокимияти давлатии вилоят дар партави дастуру ҳидоятҳои Пешвои миллат муҳтарам Эмомалӣ Раҳмон ҷиҳати дар амал татбиқ намудани барномаву ҳадафҳои бузурги давлату Ҳукумат дар самти рушди илм ва ҷалби бештари ҷавонону донишҷўён ба илмомузӣ тамоми тадбирҳои заруриро меандешад.

Мулоқот бо соҳибкорон аз Ҷумҳурии Ӯзбекистон

Азназаргузаронӣ: 261

Раиси вилояти Суғд Раҷаббой Аҳмадзода гуруҳи соҳибкорон аз Ҷумҳурии Ӯзбекистонро бо роҳбарии Гузал Тоҷимирзоева ба ҳузур пазируфт.

Раиси вилоят меҳмононро ба Суғди бостонӣ хайрамақдам гуфта, таъкид кард, ки бо сиёсати оқилонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон муҳтарам Шавкат Мирзиёев тавсеаи робитаҳои бисёрҷонибаи ду кишвари дӯст идома дорад. Вилояти Суғд бо бисёр вилоятҳои Ҷумҳурии Ӯзбекистон ҳамкории тиҷоратию иқтисодӣ дошта, дар доираи созишномаҳои давлатӣ соҳибкорони ду кишвар тарҳҳои муштаракро амалӣ намудаанд.

Аз ҷумла, дар шаҳри Гулистон корхонаи арматурбарории ҶДММ "Маҳмуд ва компания" таъсис дода шуд. Корхона соли 2019 мавриди баҳрабардорӣ қарор гирифта, дар он асосан арматура, ки дар сохтмони бинову иншооти гуногун, махсусан биноҳои бисёрошёна масолеҳи асосӣ ба шумор меравад, истеҳсол мегардад.

Ҳолпурсии собиқадорони меҳнат дар ноҳияҳои Спитамен ва Ҷаббор Расулов

Азназаргузаронӣ: 318

Дар партави сиёсати хирадмандонаи Пешвои муаззами миллат муҳтарам Эмомалӣ Раҳмон дар ноҳияҳои Спитамен ва Ҷаббор Расулов Раиси вилояти Суғд Раҷаббой Аҳмадзода аз ҳоли ду нафар собиқадори меҳнат хабар гирифт.

Дорандаи медали “Хизмати шоиста” Ҳомидов Муҳаммадҷон яке аз онҳо буда, солҳои тӯлонӣ барои пешрафти соҳаи кишоварзӣ дар ноҳияи Спитамен меҳнат намудааст.

Солҳои 1973 – 1977 ба ҳайси агрономи колхози А.Сатторови ноҳияи Спитамен, солҳои 1977 – 1981 бригадери колхози А.Сатторов, солҳои 1981 – 2005 сарагрономи колхози А.Сатторов, солҳои 2005 – 2010 сарагрономи колхози Саидқӯрғон кор кардааст. Соли 2010 ба нафақа баромадааст.

Мақолаҳои боқимонда...