Ба истифода додани маҷмааи хизматрасонии “Ориёсаро- Ромишкадаи Умари Шариф” дар деҳаи Дарғи ноҳияи Айнӣ

Азназаргузаронӣ: 1040

Дар доираи сафари кории Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба вилояти Суғд дар деҳаи Дарғи деҳоти Шамтучи ноҳияи Айнӣ бо иштироки намояндагони Ҳукумати мамлакат, Раиси вилояти Суғд Раҷаббой Аҳмадзода маҷмааи хизматрасонии “Ориёсаро-Ромишкадаи Умари Шариф" ба истифода дода шуд.

Иншооти мазкур дар доираи корҳои созандагӣ ба истиқболи ҷашни фархундаи 35-солагии Истиқлоли давлатии Ҷумҳурии Тоҷикистон аз ҷониби оилаи Шарифовҳо бунёд гардидааст.

Маҷмааи хизматрасонӣ аз ду қисм ва се ошёна иборат мебошад. Қисмати якуми маҷмаа барои кошонаи ҳусн, ҳаммом ва коргоҳи дӯзандагӣ пешбинӣ шудааст. Дар қисмати дигари маҷмаа толори барҳаво барои баргузории тӯю маъракаҳо, мағоза ва дар ошёнаи сеюми бино меҳмонхона бо 6 ҳуҷра барои қабули 14 нафар дар як вақт бунёд шудааст.

Ба истифода додани майдони Парчами давлатии Ҷумҳурии Тоҷикистон дар деҳаи Дарғи ноҳияи Айнӣ

Азназаргузаронӣ: 766

Дар доираи сафари кории Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба вилояти Суғд дар деҳаи Дарғи деҳоти Шамтучи ноҳияи Айнӣ майдони Парчами давлатии Ҷумҳурии Тоҷикистон мавриди баҳрабардорӣ қарор гирифт.

Дар маросими ифтитоҳи иншооти ҷашнӣ намояндагони Ҳукумати Ҷумҳурии Тоҷикистон ва Раиси вилояти Суғд Раҷаббой Аҳмадзода иштирок намуданд.

Майдони Парчами давлатии Ҷумҳурии Тоҷикистон дар деҳаи Дарғи ноҳияи Айнӣ ба истиқболи ҷашни 35-солагии Истиқлоли давлатӣ ва дар пайравӣ ба ташаббусҳои созандаи Пешвои миллат муҳтарам Эмомалӣ Раҳмон сохта шудааст.

Масоҳати умумии майдони Парчами давлатии Ҷумҳурии Тоҷикистон 1753 метри мураббаъ буда, барои истироҳату фароғати сокинону меҳмонон шароити мусоид фароҳам гардидааст. Баландии сутунпояи Парчами давлатӣ аз сатҳи замин 40 метр буда, парафшонии ин муқаддасоти миллӣ дар маркази деҳаи Дарғ боиси ифтихор ва сарбаландии хурду бузурги деҳа гардидааст.

Машварати кории Пешвои миллат муҳтарам Эмомалӣ Раҳмон бо роҳбарону фаъолони вилояти Суғд

Азназаргузаронӣ: 841

15 ноябр Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Гулистон бо роҳбарону фаъолони вилояти Суғд машварати корӣ доир карданд.

Дар кори машварат натиҷаҳои фаъолияти бахшҳои муҳими иқтисодии вилоят дар нуҳ моҳи соли 2023, рафти иҷрои дастуру супоришҳои Ҳукумати Ҷумҳурии Тоҷикистон, татбиқи барномаҳои давлатӣ, амалисозии ҳадафҳои стратегии мамлакат ва ҷараёни корҳои созандагию ободонӣ ба ифтихори ҷашни умумимиллӣ - 35-солагии Истиқлоли давлатӣ мавриди таҳлилу баррасӣ қарор дода шуда, вазифаҳо барои давраи оянда муайяну мушаххас гардид.

Сарвари давлат муҳтарам Эмомалӣ Раҳмон сафари навбатии кориро ба як қатор шаҳру ноҳияҳои вилоят натиҷагирӣ карда, оид ба нишондиҳандаҳои рушди иҷтимоию иқтисодии вилояти Суғд ва вазъи зудтағйирёбандаву мураккаби ҷомеаи ҷаҳонӣ андешаронӣ намуданд.

Паёми табрикии Раиси вилоят ба муносибати Рӯзи Президенти Ҷумҳурии Тоҷикистон

Азназаргузаронӣ: 830

Бо камоли иродат, самимият ва эҳтироми бепоён фарорасии Рӯзи Президенти Ҷумҳурии Тоҷикистонро ба кулли ҳамватанони азиз, бахусус сокинони сарбаланди вилоят сидқан табрику таҳният мегўям.

Боиси ифтихор аст, ки Президенти Ҷумҳурии Тоҷикистон, Пешвои муаззами миллат муҳтарам Эмомалӣ Раҳмон бо нерӯи фавқулода, истеъдоди нодири давлатдорӣ, роҳнамоии хирадмандона, кору пайкори ҷавонмардона, иқдому амалҳои ибратбахши созандаю омӯзанда ва хизматҳои беназир Тоҷикистони тозаистиқлолро ба давлати пешрафта ва шукуфон табдил доданд.

Хизматҳои беназири Президенти Ҷумҳурии Тоҷикистон муҳтарам Эмомалӣ Раҳмон дар роҳи барпо кардани сулҳу субот ва ваҳдати миллӣ, пойдор ва устувор намудани пояҳои давлатдории миллӣ, ҳифзи тамомияти арзӣ ва таъмини ягонагии халқи Тоҷикистон ниҳоят бузург буда, саҳифаҳои заррини таърихи давлатдориамон дар даврони Истиқлоли давлатӣ маҳсуб мегардад.

Қитъаи чароғонкунии шаҳри Хуҷанд соҳиби бинои нави замонавӣ гардид

Азназаргузаронӣ: 750

Имрӯз дар доираи сафари кории Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Хуҷанд бо иштироки муовини Сарвазири Ҷумҳурии Тоҷикистон Сулаймон Зиёзода, Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода, Раиси вилояти Суғд Раҷаббой Аҳмадзода қитъаи чароғонкунии Сарраёсати ободонӣ хоҷагию манзилию коммуналии шаҳри Хуҷанд ифтитоҳ гардид.

Иттилоъ дода шуд, ки бинои маъмурии қитъаи чароғонкунии Сарраёсати ободонӣ ва хоҷагию манзилии шаҳри Хуҷанд аз ду ошёна бо таҳхонааш бунёд гардида, дорои 10 ҳуҷраҳои корӣ, маҷлисгоҳ ва ҳамчунин биноҳои ёрирасонии хоҷагидорӣ ва ғайраҳо иборат мебошад. Фармоишгари иншоот Идораи сохтмони асосии вилоят ва пудратчии он ҶДММ “Авитсенна” мебошад.

Мақолаҳои боқимонда...