Идомаи мумфаршкунии роҳҳои дохилӣ дар шаҳри Панҷакент ва ноҳияи Айнӣ

Азназаргузаронӣ: 546

Зимни сафари корӣ ба водии Зарафшон Раиси вилояти Суғд Раҷаб Аҳмадзода нахуст ба ноҳияи Айнӣ ташриф оварда, бо ҷараёни корҳои ободониву бунёдкорӣ бахшида ба истиқболи 35-солагии Истиқлоли давлатии Ҷумҳурии Тоҷикистон шинос гардид.

Бо иштироки Раиси вилоят ба корҳои мумфаршкунии роҳи автомобилгард аз назди беморхонаи марказии ноҳия то деҳаи Сангистон расман оғоз бахшида шуд. Ин роҳ, ки деҳаҳои Сангистон, Зосун, Томин, Путхин ва дигар мавзеъҳои болооби дарёи Зарафшон, инчунин ноҳияи Кӯҳистони Мастчоҳро ба ҳам мепайвандад, дар асоси сиёсати ободкоронаи Пешвои миллат муҳтарам Эмомалӣ Раҳмон бо маблағгузории мақомоти иҷроияи ҳокимияти давлатии ноҳия, саҳми ширкати “Инновейтив Солюшинз ЛТД”, шарикони рушд ва сокинон бо харҷи умумии 7,5 миллион сомонӣ мумфарш карда мешавад.

Масофаи умумии роҳи навсозишаванда 6 километр буда, паҳноии он 8 метрро ташкил медиҳад. Қаблан ҳолати ин роҳ ташвишовар буд ва акнун орзуи деринаи сокинони минтақа ҷомаи амал мепӯшад. Ҳаракати воситаҳои нақлиёт дар ин масир осон гардида, хароҷоти иловагӣ коҳиш меёбад.

Шиносоӣ бо корҳои барқарорсозии кӯли шаҳрӣ дар Бӯстон

Азназаргузаронӣ: 590

Раиси вилояти Суғд Раҷаб Аҳмадзода дар Бӯстон бо рафти корҳои барқарорсозии кӯли шаҳрӣ шинос гардид.

Тибқи иттилои масъулин, дар доираи тадбирҳои созандагӣ сафолакпушии роҳравҳо ва гузоштани нишастгоҳҳо бо маром идома дошта, барои истироҳату фароғати сокинон шароити мусоид фароҳам оварда мешавад. 

Ҷойҳои махсус барои сайру гашту фароғати сокинон ва меҳмонон, ҳамчунин чароғонӣ ва ниҳолшинонӣ дар минтақаҳои атрофи кӯл низ пешбинӣ гардидааст.

Раиси вилоят зимни боздид ба масъулин барои таъмини иҷрои босифати корҳо, истифодаи масолеҳи хушсифат ва риояи талаботи меъморӣ дастурҳои мушаххас дод.

Таҷлили Рӯзи Ваҳдати миллӣ дар вилояти Суғд

Азназаргузаронӣ: 520

27 июн дар Кохи фарҳанги ба номи Абӯабдуллоҳи Рӯдакӣ 28-умин солгарди Рӯзи Ваҳдати миллӣ бо шукӯҳи хосса ва рӯҳияи баланди ватандӯстӣ таҷлил гардид. 

Дар ҳамоиши бошукӯҳ Раиси вилояти Суғд Раҷаб Аҳмадзода иштирок намуда, ҳозирин ва кулли сокинони шарафманди вилоятро ба ин ҷашни сарнавиштсоз таҳният гуфта, таъкид дошт, ки таҷлили Рӯзи Ваҳдати миллӣ нишонаи эҳтироми баланди мардум ба арзишҳои сулҳ, субот, ягонагӣ ва оромии ҷомеа мебошад.

Раиси вилоят дар баромадаш аз нақши таърихии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар барқарории сулҳу субот ва таҳкими ваҳдати миллӣ ёдовар шуда, зикр намуд, ки ба имзо расидани Созишномаи умумии истиқрори сулҳ ва ризоияти миллӣ дар таърихи 27 июни соли 1997 роҳи рушди кишварро кушода, хатари аз байн рафтани давлати тоҷиконро бартараф сохт.

Раиси вилояти Суғд Раҷаб Аҳмадзода дар ноҳияи Деваштич аз ҳоли собиқадорони меҳнат хабар гирифт

Азназаргузаронӣ: 424

Ба ифтихори Рӯзи Ваҳдати миллӣ Раиси вилояти Суғд Раҷаб Аҳмадзода дар ноҳияи Деваштич ба хабаргирии собиқадорони меҳнат рафт.

Раҷаб Аҳмадзода аз ҷумла собиқадори меҳнат Ҳикмат Ниёзова ва иштирокчии Иҷлосияи XVI Шӯрои Олии Ҷумҳурии Тоҷикистон Ҳошим Азимовро аёдат карда, фарорасии иди Ваҳдати миллиро барояшон табрик гуфт.

Сокини деҳаи Қалъаи Дӯст, Ҳикмат Ниёзова, ки аз соли 1967 ба ҳунармандӣ машғул аст ва даҳҳо шогирд тарбия намудааст, мавриди таваҷҷуҳи роҳбарияти вилоят қарор гирифта, бо туҳфаҳо қадрдонӣ гардид. Номбурда дар суҳбат таъкид дошт, ки меҳнати ҳалол ва ҳунари дастӣ дар ҳама давру замон шахсро ба камол ва иззату эҳтиром мерасонад.

Мумфаршкунии роҳҳои дохилӣ дар ноҳияи Деваштич

Азназаргузаронӣ: 486

Дар ноҳияи Деваштич бо дастгириҳои мақомоти давлатӣ ва саҳмгузории сокинон 22 километр роҳҳои аҳамияти маҳаллӣ мумфарш карда шудааст. Корҳои таъмиру мумфаршкунии кӯчаҳо дар деҳаҳои гуногуни ноҳия идома дошта, дар назар аст, ки даҳҳо километри дигар мумфарш гардад.

Раиси вилояти Суғд Раҷаб Аҳмадзода дар маросими оғози мумфаршкунии кӯчаҳои асосии деҳаҳои Басманда ва Қалъаи Дӯсти ноҳияи Деваштич иштирок намуд. 

Ба иттилои масъулин, кӯчаи марказии деҳаи Басманда ба дарозии 1900 метр ва 800 метр кӯчаи деҳаи Қалъаи Дӯст пурра мумфарш мешавад.

Зимни суҳбат бо сокинон роҳбари вилоят таъкид кард, ки ҳама гуна пешрафту созандагӣ маҳсули ваҳдату якпорчагӣ ва сиёсати хирадмандонаи Пешвои миллат муҳтарам Эмомалӣ Раҳмон аст. Аз шаҳрвандон даъват ба амал оварда шуд, ки фарзандони худро дар рӯҳияи ватандӯстӣ тарбия намуда, барои ободонии Ватан саҳмгузор бошанд.

Мақолаҳои боқимонда...