Исфара. Ба қисмҳои низомӣ маводи ғизоӣ дастрас карда шуд

Дар асоси дастуру супоришҳои Пешвои миллат,​ Сарфармондеҳи Олии Қувваҳои Мусаллаҳи Ҷумҳурии Тоҷикистон, генерали артиш муҳтарам Эмомалӣ Раҳмон бахшида ба Иди саиди Фитр ба қисмҳои низомӣ маводи озуқаворӣ дастрас гардида истодааст.

Раиси вилояти Суғд Раҷаббой Аҳмадзода ба якчанд қисмҳои низомии воқеъ дар шаҳри Исфара ташриф оварда, афсарону сарбозонро​ бо фарорасии Иди саиди Фитр табрик гуфт. Зимни суҳбат роҳбари вилоят қайд намуд, ки​ бо мақсади таъмини иҷрои супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба такмили фаъолияти қисмҳои низомӣ, беҳтар гардонидани шароити зиндагӣ, интизоми ҳайати шахсӣ ва омодагии ҷангии онҳо таваҷҷўҳи хоса зоҳир карда мешавад.

Паёми табрикии Раиси вилоят ба муносибати Иди саиди Фитр

Фарорасии Иди саиди Фитрро ба тамоми сокинони шарафманди вилоят самимона табрику муборакбод гуфта, ба ҳамагон тандурустӣ, хонаободӣ, рӯзгори босаодат, бахту иқболи баланд ва ба кишвари азизамон Тоҷикистони соҳибистиқлол сулҳу осоиши ҷовидонӣ орзу менамоям.

Боиси ифтихору сарбаландист, ки мардуми вилоят дар моҳи мубораки Рамазон дар баробари анҷом додани фаризаҳои динӣ фаъолиятро дар самти рушди соҳаҳои иҷтимоию иқтисодӣ ва пурнозу неъмат гардонидани дастархони халқ тақвият бахшида, суннату ойинҳои неки аҷдодӣ, аз ҷумла амалҳои хайру саховат ва бахшандагиро боз ҳам вусъат бахшиданд.

Хуҷанд. Раиси вилоят Раҷаббой Аҳмадзода ба дидорбинии собиқадорон рафт

Раиси вилояти Суғд Раҷаббой Аҳмадзода дар арафаи Иди саиди Фитр бо мақсади дидорбинӣ ва ҳолпурсии якчанд нафар собиқадорони шаҳри Хуҷанд ба манзили онҳо рафт.

Раҷаббой Аҳмадзода ҳангоми дидорбинӣ бо собиқадорони соҳаи маориф Наима Мўъминова, Раҳматҷон Бобоҷонов, собиқадорони соҳаи иҷтимоӣ ва хизмати давлатӣ Аҳмадҷон Поччоев ва Хосият Зокирова зикр намуд, ки кору пайкори бознишастагон ҳамеша дар зери таваҷҷуҳи доимии Пешвои муаззами миллат муҳтарам Эмомалӣ Раҳмон қарор дорад ва хизматҳои эшон ҳамеша қадр карда мешавад.

Аёдатшудагон ин иқдому таваҷҷуҳи роҳбарияти давлатро амали раъиятпарварона унвон намуда, аз ҷумла афзуданд, ки бузургтарин савоб дар ин росто хайру саховат ва олиҳимматист. Савоби навозиши собиқадорон ва муҳтоҷон аз фазилати ҳаҷҷи акбар зиёдтар аст.

Нишондиҳандаҳои иҷтимоиву иқтисодии вилоят дар 3 моҳи соли 2023 назаррас аст

18 апрели соли 2023 дар толори калони мақомоти иҷроияи ҳокимияти давлатии вилоят таҳти раёсати Раиси вилояти Суғд Раҷаббой Аҳмадзода ҷаласаи фаъолони вилоят баргузор гардид.

Дар ҷаласа натиҷаҳои рушди иҷтимоию иқтисодии вилоят дар 3 моҳи соли 2023 таҳлилу баррасӣ гардида, вазифаҳо барои давраи минбаъда муайян гардид.

Раиси вилоят Раҷаббой Аҳмадзода дар оғоз иброз дошт, ки мақомоти иҷроияи ҳокимияти давлатии вилоят дар моҳҳои январ-марти соли 2023 ҷиҳати дар амал татбиқ намудани сиёсати хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва баҳри иҷрои дастуру супоришҳое, ки аз Паём ба Маҷлиси Олии Ҷумҳурии Тоҷикистон ва сафарҳои корӣ ба шаҳру ноҳияҳои вилоят бармеоянд, тадбирҳои заруриро роҳандозӣ намуд ва ҷиҳати иҷрои ҳадафҳои стратегии кишвар ҳамаи захираву имкониятҳо ҷалб карда шуданд.

Дар шаҳри Бӯстон мумфаршкунии роҳҳо оғоз ёфт

Дар шаҳри Бӯстон бо иштироки Раиси вилояти Суғд Раҷаббой Аҳмадзода ба мумфаршкунии роҳҳои дохилӣ оғоз бахшида шуд.

Дар суҳбат бо сокинон Раиси виллоят доир ба ҷараёни корҳои ободониву созандагӣ ба истиқболи 35-солагии Истиқлоли давлатии Ҷумҳурии Тоҷикистон дар шаҳру ноҳияҳо маълумот дода, таъкид кард, ки дар доираи бунёдкориҳо​ тибқи нақша​ соли равон таъмиру тармими беш аз​ 2000 км роҳҳо ба нақша гирифта шудааст, ки аз он 228 км таъмири асосӣ, 975​ км таъмири ҷорӣ ва 799​ км шағалпўш мебошад. Гуфта шуд, ки бо дастуру ҳидоятҳои Пешвои миллат муҳтарам Эмомалӣ Раҳмон марҳила ба марҳила роҳҳои дохилии шаҳру ноҳияҳо мумфарш карда хоҳад шуд.