Мулоқоти Раиси вилоят Раҷаб Аҳмадзода бо ҳайати намояндагони Бонки аврупоии таҷдид ва рушд

Азназаргузаронӣ: 512

Дар бинои Мақомоти иҷроияи ҳокимияти давлатии вилояти Суғд мулоқоти Раиси вилоят Раҷаб Аҳмадзода бо ҳайати намояндагони Бонки аврупоии таҷдид ва рушд (БАТР) баргузор гардид.

Зимни мулоқот ҷонибҳо доир ба саҳми ин ниҳоди бонуфузи молиявии байналмилалӣ дар татбиқи лоиҳаҳои инфрасохторӣ, густариши ҳамкориҳои минбаъда ва ҷалби сармоя ба самтҳои афзалиятноки рушди иҷтимоиву иқтисодӣ мубодилаи афкор анҷом доданд.

Раиси вилоят таъкид намуд, ки бо дастгирии Ҳукумати Ҷумҳурии Тоҷикистон дар шаҳрҳои Хуҷанд, Бӯстон ва Гулистон як қатор лоиҳаҳои муҳим – бахусус дар самти беҳтарсозии таъминоти оби нӯшокӣ ва таҷдиди шабакаҳои партовоб – ба иҷро расонида шудааст. Дар идомаи ин раванд, ҷалби маблағгузории Бонки аврупоии таҷдид ва рушд барои таҳия ва татбиқи лоиҳаҳои нав дар назар аст.

Мулоқоти Раиси вилоят Раҷаб Аҳмадзода бо директори генералии корхонаи муштараки "Зарафшон"

Азназаргузаронӣ: 550

Раиси вилояти Суғд Раҷаб Аҳмадзода бо директори генералии ҶДММ Корхонаи муштараки «Зарафшон» Оуян Лунао мулоқот анҷом дод.

Дар оғози суҳбат таъкид гардид, ки дар ҳайати роҳбарикунандаи ширкати мазкур тағйирот ба амал омада, Оуян Лунао ба вазифаи директори генералӣ таъин шудааст. Раиси вилоят ба Оуян Лунао дар иҷрои вазифаҳои пурмасъулият муваффақият орзу намуд.

Зимни мулоқот ҷонибҳо натиҷаҳои фаъолияти корхона дар шаш моҳи аввали соли 2025 ва нақшаҳо барои нимсолаи дуюмро мавриди таҳлилу баррасӣ қарор доданд. Раиси вилоят таъкид дошт, ки дар партави сиёсати пешгирифтаи роҳбарияти олии мамлакат, бахусус дар доираи амалисозии ҳадафи чоруми миллӣ – саноатикунонии босуръати мамлакат нақши корхонаи муштараки «Зарафшон» хеле муҳим ва назаррас аст.

Александр Крестинин сармураббии дастаи футболи “Хуҷанд” таъин шуд

Азназаргузаронӣ: 410

Раиси вилояти Суғд, Раиси Федератсияи футболи вилоят Раҷаб Аҳмадзода бо мураббиёни дастаи футболи “Хуҷанд” мулоқот анҷом дод.

Дар ҷараёни вохӯрӣ иттилоъ дода шуд, ки бо қарори роҳбарияти клуб ба вазифаи сармураббии дастаи футболи “Хуҷанд” Александр Крестинин таъин гардид.

Мураббии номдори рус дар гузашта дар чандин дастаҳои лигаҳои олии Қирғизистон ва Ӯзбекистон фаъолият намуда, солҳои охир сармураббии тими миллии Қирғизистон буд ва дар рушди футбол дар минтақа саҳми назаррас гузоштааст.

Раиси вилоят зимни суҳбат ба ситоди мураббиён ҷиҳати беҳтар намудани натиҷаҳо дар мусобиқаҳои дохилӣ ва байналмилалӣ дастуру супоришҳои мушаххас дод.

35-СОЛАГИИ ИСТИҚЛОЛИ ДАВЛАТӢ. Дар Истаравшан сохтмони 23 иншооти соҳаи маориф бо наздик 20 ҳазор ҷойи нишаст идома дорад

Азназаргузаронӣ: 542

Ба истиқболи 35-солагии Истиқлоли давлатии Ҷумҳурии Тоҷикистон дар шаҳри Истаравшан корҳои сохтмонӣ дар як қатор иншооти соҳаи маориф идома дорад, ки бо мавриди истифода қарор гирифтани онҳо то 20 ҳазор ҷойи нишаст фароҳам оварда мешавад.

Тавре аз мақомоти иҷроияи ҳокимияти давлатии шаҳр хабар доданд, бо мақсади иҷрои дастуру ҳидоятҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон корҳои ободониву созандагӣ ҷиҳати муҳайёнамоии шароити мусоиди таълим дар соҳаи маорифи шаҳри Истаравшан бомаром идома доранд. 

Дар маҷмуъ, алҳол дар ҳудуди шаҳри Истаравшан сохтмони 23 иншооти гуногуни соҳаи маориф, ки наздик 20,000 ҷойи нишаст дорад, бо маблағгузории Вазорати маориф ва илми Ҷумҳурии Тоҷикистон, Мақомоти иҷроияи ҳокимияти давлатии вилояти Суғд ва шаҳри Истаравшан, соҳибкорон, аҳолӣ ва кумитаи падару модарон идома дорад. 

Мулоқоти Раиси вилояти Суғд Раҷаб Аҳмадзода бо Дмитрий Буряков

Азназаргузаронӣ: 736

Pаиси вилояти Суғд Раҷаб Аҳмадзода директори молиявии ширкати "БТК Групп"-и Федератсияи Россия Дмитрий Буряков ва ҳайати ҳамроҳони ӯро ба ҳузур пазируфт.

Дар оғози мулоқот Раиси вилоят меҳмононро ба Суғди бостонӣ хайрамақдам гуфта, аз сатҳи баланди робитаҳои дӯстона ва ҳамкориҳои судманд миёни Ҷумҳурии Тоҷикистон ва Федератсияи Россия, бахусус вилояти Суғд бо минтақаҳои мухталифи он, ёдовар шуд.

Зикр гардид, ки таҳти сиёсати хирадмандонаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Федератсияи Россия муҳтарам Владимир Путин, муносибатҳои дуҷониба рӯз аз рӯз таҳким ёфта, ҳамкорӣ дар бахшҳои гуногуни иқтисодиву иҷтимоӣ вусъат меёбад.

Мақолаҳои боқимонда...