Мақомоти иҷроияи ҳокимияти
давлатии вилояти Суғд
Дар вилояти Суғд дар масоҳати 1600 гектар помидор кишт шудааст, ки 1000 гектари он ба ноҳияи Бобоҷон Ғафуров рост меояд.
Раиси вилояти Суғд Раҷаббой Аҳмадзода дар Ҷамоати деҳоти Зарзамин, ки аз минтақаҳои асосии кишту парвариши помидор аст, бо рафти ҷамъоварии ҳосил шинос гардид. Тавре иттилоъ дода шуд, кишоварзон бо меҳнати шабонарӯзӣ ҳосили хуб руёнида, ҳамарӯза то сад тонна помидор ба бозорҳои вилоят, вилояти Хатлон ВМКБ ба фурӯш бароварда мешавад.
Фарорасии ҷашни фархундаи даврони соҳибистиқлолии кишвари азизамон Рӯзи Ваҳдати миллиро, ки ҳамасола санаи 27-уми июн ботантана таҷлил мегардад, ба сокинони сарбаланди вилоят аз самими дил табрику таҳният мегӯям.
Рӯзи Ваҳдати миллӣ дар тақвими миллати куҳанбунёди тоҷик ҳамчун рӯзи пирӯзӣ бар қувваҳои ҷудоихоҳ ва оғози марҳалаи нави таърихӣ таҷлил мегардад, зеро ваҳдати миллӣ хавфи пароканда шудани миллат ва аз байн рафтани давлати ҷавони тоҷиконро ба таври воқеӣ пешгирӣ намуд.
23 июн Раиси вилояти Суғд Раҷаббой Аҳмадзода бо рафти корҳои саҳроӣ дар ноҳияи Ҷаббор Расулов шинос гардид.
Чуноне иттилоъ дода шуд, сокинони ноҳия ба истифодаи самараноки замин таваҷҷуҳи хоса зоҳир намуда, аз заминҳои дар ихтиёрдошта маҳсулоти гуногуни кишоварзӣ ба даст меоранд. Дар ноҳия масоҳати заминҳои корами обӣ 12 ҳазору 527 га, заминҳои корами лалмӣ 2 ҳазору 251 га, заминҳои чарогоҳ 6 ҳазору 213 га, заминҳои наздиҳавлигӣ 3 ҳазору 260 гектарро ташкил медиҳад.
23 июн Раиси вилояти Суғд Раҷаббой Аҳмадзода дар толори мақомоти иҷроияи ҳокимияти давлатии ноҳияи Ҷаббор Расулов бо фаъолони ноҳия мулоқот намуд.
Дар мулоқот таъкид гардид, ки 18 июни соли равон дар ноҳияи Данғараи вилояти Хатлон мулоқоти Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо фаъолон баргузор гардид ва Сарвари давлат дар суханронии пурмуҳтавои хеш вазъи иқтисодиву иҷтимоии кишварро таҳлилу баррасӣ намуда, ба роҳбарони вазорату идораҳо, мақомоти иҷроияи ҳокимияти давлатии вилоятҳо ва шаҳру ноҳияҳо дастуру супоришҳои мушаххас доданд.
22 июни соли равон дар толори Раёсати Муассисаи давлатии таълимии Донишгоҳи давлатии Хуҷанд ба номи академик Бобоҷон Ғафуров бахшида ба 25-умин солгарди Рӯзи Ваҳдати миллӣ конференсияи ҷумҳуриявии илмӣ-амалӣ таҳти унвони “Таҷрибаи сулҳи тоҷикон ва масъалаҳои таъмини суботи сиёсӣ ва ҷаҳони муосир” бо иштироки Раиси вилоятии Суғд Раҷаббой Аҳмадзода, ходимони давлативу ҷамъиятӣ, сиёсатмадорони ҷумҳурӣ, олимону устодон аз Академияи миллии илмҳои Тоҷикистон доир гардид.
Раиси вилояти Суғд Раҷаббой Аҳмадзода зимни суханронӣ дар конфронс нахуст фаро расидани 25-умин солгарди Рўзи Ваҳдати миллиро табрик гуфт. Қайд карда шуд, ки маҳз бо шарофати барқарор шудани сулҳу ваҳдати миллӣ дар таърихи навини кишварамон марҳалаи нави созандагию бунёдкорӣ оғоз гардида, Ватани азизамон аз вартаи ҳалокату парокандагӣ наҷот ёфт. Барқарор шудани сулҳу субот имконият фароҳам овард, ки татбиқи барномаҳои муҳимтарини иқтисодию иҷтимоӣ бо ҳадафи таъмини истиқлолияти энергетикӣ, раҳоӣ аз бунбасти коммуникатсионӣ, таъмини истиқлолияти озуқаворӣ ва гузаронидани маъракаҳои муҳими сиёсию фарҳангӣ амалӣ гардад.
