Раиси вилояти Суғд Раҷаббой Аҳмадзода афсарону сарбозонро бо Рӯзи Қувваҳои Мусаллаҳи Ҷумҳурии Тоҷикистон табрик намуд

Азназаргузаронӣ: 578

23 феврал Раиси вилояти Суғд Раҷаббой Аҳмадзода ба қисми низомии 3501-и РВКД Ҷумҳурии Тоҷикистон дар вилояти Суғд ва қисми ҳарбии 0235-и Қӯшунҳои сарҳадии Кумитаи давлатии амнияти миллии Ҷумҳурии Тоҷикистон дар шаҳри Хуҷанд ташриф оварда, сарбозону афсаронро аз номи Пешвои миллат, Сарфармондеҳи Олии Қувваҳои Мусаллаҳи мамлакат, генерали артиш муҳтарам Эмомалӣ Раҳмон ба муносибати Рӯзи Қувваҳои Мусаллаҳи Ҷумҳурии Тоҷикистон табрик намуд. 

Раиси вилояти Суғд Раҷаббой Аҳмадзода иброз дошт, ки Қувваҳои Мусаллаҳи Ҷумҳурии Тоҷикистон ҳамчун ниҳоди қудратии зодаи даврони истиқлоли давлатӣ яке аз муҳимтарин дастовардҳои замони нав ба ҳисоб рафта, хизматчиёни ҳарбӣ аз рӯзҳои нахустини таъсисёбии он дар барқарорсозии ҳокимияти конститутсионӣ, ҳифзи амнияту соҳибихтиёрии давлат ва таъмин намудани сулҳу субот сарбаландона камари ҳиммат бастанд.

Дар хиёбони Исмоили Сомонии шаҳри Хуҷанд беш аз 200 бех дарахти магнолия шинонида шуд

Азназаргузаронӣ: 631

23 феврал дар идомаи корҳои ниҳолшинонӣ ва сабзу хуррам намудани кӯчаву хиёбонҳо бо иштироки Раиси вилояти Суғд Раҷаббой Аҳмадзода дар чаҳор мавзеи хиёбони Исомили Сомониии шаҳри Хуҷанд беш аз 200 бех дарахти нодири магнолия шинонида шуд.

Раиси вилоят Раҷаббой Аҳмадзода ба роҳбарияти шаҳр ва масъулини дахлдор оид ба сабзазоркунӣ, шинонидани ниҳолҳои ороишию ҳамешасабз, гулзоркунии кўчаву хиёбонҳои шаҳр ба истиқболи ҷашни Наврўзи байналмилалӣ дастуру супоришҳо дод.

Ҳамзамон масъулин вазифадор карда шуданд, ки корҳои ободонӣ, ниҳолшинонӣ ва парваришу нигоҳубини минбаъдаи ниҳолҳои шинонидашударо зери назорати доимӣ қарор диҳанд.

Беш аз 1 миллион бех ниҳолҳои ороишиву мевадиҳанда ва кӯчати гулу буттаҳо ба фурӯш гузошта шуд

Азназаргузаронӣ: 633

Имрӯз дар назди Театри мазҳака ва мусиқии ба номи Камоли Хуҷандии маркази вилоят ярмарка-фурӯши ниҳолҳо, кӯчату тухмии гулу зироатҳои кишоварзӣ баргузор гардид.

Раиси вилояти Суғд Раҷаббой Аҳмадзода ва меҳмонон аз вилояти Тошканди Ҷумҳурии Ӯзбекистон аз намоиши ниҳолу кӯчат ва дастранҷи боғдорони вилоят аз наздик шинос шуданд.

Иттилоъ дода шуд, ки дар ярмарка аз шаҳру ноҳияҳои вилоят ва ташкилоту идораҳои соҳаи кишоварзӣ беш аз 1 миллион бех ниҳолҳои гуногун ва гулу гулбуттаҳо пешниҳоди боғпарварону сокинон гардид. Аз ҷониби олимону мутахассисон роҳҳои самарабахш намудани ҳосилнокӣ ва пешгирӣ намудан аз нобудшавии ниҳолу кўчатҳо, мубориза алайҳи ҳашароти зараррасон маслиҳату корҳои амалӣ нишон дода шуд.

Паёми табрикии Раиси вилоят ба муносибати Рўзи Қувваҳои Мусаллаҳи Ҷумҳурии Тоҷикистон

Азназаргузаронӣ: 610

Тибқи Қонуни Ҷумҳурии Тоҷикистон «Дар бораи рўзҳои ид» ҳамсола дар кишвари азизамон Тоҷикистони соҳибистиқлол 23-юми феврал ҳамчун Рўзи Қувваҳои Мусаллаҳи Ҷумҳурии Тоҷикистон дар сатҳи баланд ҷашн гирифта мешавад.

Вобаста ба ин, ҳайати шахсии ҷузъу томҳои Қувваҳои Мусаллаҳ дар вилоят, собиқадорони хизмати ҳарбӣ ва мардуми сарбаланди вилоятро бо ин рукни асосии давлатдориамон сидқан табрик гуфта, ба ҳамагон саломатию сарбаландӣ ва ба Ватани маҳбубамон тинҷию осудагии пайваста таманно менамоям.

Боиси ифтихор аст, ки дар даврони истиқлоли давлатӣ хизматчиёни ҳарбии Қувваҳои Мусаллаҳ бо ҳайати шахсии сохторҳои низомӣ ва кормандони мақомоти ҳифзи ҳуқуқи кишвари азизамон оромию осоиштагӣ ва истиқлолу озодӣ, инчунин марзу буми Ватани маҳбубамонро ҳамчун сипари боэътимод ҳифзу ҳимоя карда истодаанд.

Таҷлили 32-юмин солгарди таъсисёбии Қувваҳои Мусаллаҳи Ҷумҳурии Тоҷикистон

Азназаргузаронӣ: 658

20 феврали соли 2025 дар Кохи фарҳанги ба номи Абӯабдуллоҳи Рӯдакӣ ба муносибати Рўзи Қувваҳои Мусаллаҳи Ҷумҳурии Тоҷикистон ҷамъомади тантанавӣ баргузор гардид.

Раиси вилояти Суғд Раҷаббой Аҳмадзода зимни суханронӣ аз номи Пешвои миллат, Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳи мамлакат муҳтарам Эмомалӣ Раҳмон тамоми хизматчиёни ҳарбӣ ва кулли мардуми вилоятро ба муносибати 32-юмин солгарди таъсисёбии Қувваҳои Мусаллаҳи Ҷумҳурии Тоҷикистон табрик намуд.

Қайд карда шуд, ки муҳимтарин ва арзишмандтарин меъёри ватандориву ватандўстӣ, расидан ба қадри Ватан, миллат ва давлати соҳибистиқлол - ин ба ҷо овардани хизмати Ватан ва ҳифзи марзу буми он ба ҳисоб меравад.

Мақолаҳои боқимонда...