Қабули шаҳрвандон аз ҷониби Раиси вилояти Суғд Раҷаб Аҳмадзода

Азназаргузаронӣ: 938

Тибқи дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва дар асоси Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» қабули навбатии шаҳрвандон аз ҷониби Раиси вилояти Суғд Раҷаб Аҳмадзода баргузор шуд.

Дар рӯзи қабули шаҳрвандон, ки 13 сентябр сурат гирифт, наздик ба 100 нафар сокинони шаҳру ноҳияҳои вилоят масъалаҳои муҳими иҷтимоии худ, аз ҷумла таъмин шудан бо хонаҳои истиқоматӣ, ҷудо кардани қитъаи замин барои бунёди манзили истиқоматӣ ва марказҳои хизматрасонӣ, дастрасӣ ба маҳсулоти сохтмонӣ, инчунин масъалаҳои марбут ба табобат ва гузаронидани ҷарроҳӣ, ҳамчунин дигар мушкилоти иҷтимоиро ба миён гузоштанд.

Раиси вилоят Раҷаб Аҳмадзода ҳар як муроҷиатро баррасӣ карда, ҷиҳати ҳалли масъалаҳои шаҳрвандон ва пурра, холисона ва дар муҳлати муқаррарнамудаи Қонуни мазкур баррасӣ намудани муроҷиатҳо муовинони Раиси вилоят, муовинони раисони шаҳру ноҳияҳо ва масъулони бахшу идораҳои дахлдорро вобаста намуд.

Вохӯрии Раиси вилояти Суғд бо ҳайати дастаҳои футболи Лигаи дуюм ва дастаи «Эсхата»

Азназаргузаронӣ: 835

11 сентябри соли 2025 дар меҳмонхонаи «Суғдиён»-и шаҳри Хуҷанд вохӯрии Раиси вилояти Суғд, Раиси Федератсияи футболи вилоят Раҷаб Аҳмадзода бо намояндагони дастаҳои футболи Лигаи дуюм ва дастаи футболи «Эсхата» баргузор гардид.

Дар оғоз Раиси Федератсияи футболи вилоят Раҷаб Аҳмадзода аз дастгириву таваҷҷуҳи пайвастаи Президенти Федератсияи футболи Тоҷикистон муҳтарам Рустами Эмомалӣ ёдоварӣ карда, иброз дошт, ки дар саросари кишвар, аз ҷумла вилояти Суғд, корҳои назаррас ҷиҳати рушду инкишофи футбол амалӣ гардида истодааст. 

Дар ҷараёни чорабинӣ Раиси вилоят клуби футболи «Эсхата»-ро ба муносибати роҳ ёфтан ба бозии ниҳоии Ҷоми Тоҷикистон самимона табрик намуда, ба футболбозону мураббиён ва роҳбарияти даста дар ин рақобати муҳим муваффақият орзу кард. Бо мақсади ҳавасмандсозии бозигарон ва дастгирии минбаъдаи даста мукофоти молиявӣ ба маблағи 100 ҳазор сомонӣ ба КФ «Эсхата» тақдим карда шуд.

Дар вилояти Суғд сохтмони корхонаи ғанигардонии маъдани оҳан идома дорад

Азназаргузаронӣ: 923

Дар вилояти Суғд бо дастгирии бевоситаи Ҳукумати Ҷумҳурии Тоҷикистон ва тибқи дастуру ҳидоятҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сохтмони корхонаи азими саноатӣ – корхонаи ғанигардонии маъдани оҳани ҶСП “Комбинати металлургии тоҷик” идома дорад. Соли ҷорӣ маҳз бо иштироки Пешвои миллат дар мавзеи Шоқадамбулоқ санги асоси ин иншооти муҳим гузошта шуд, ки оғози як марҳалаи нав дар рушди соҳаи саноати маъдан ва саноатикунонии босуръати мамлакат мебошад.

Айни замон дар комбинат корҳои сохтмонӣ бо ҷалби беш аз 700 нафар сохтмончии маҳаллӣ ва мутахассисон аз Ҷумҳурии Мардумии Чин бо суръати баланд ҷараён доранд. Лоиҳа бунёди коргоҳу сехҳои истеҳсолӣ, иншооти ёрирасон ва се бинои баландошёнаи маъмурӣ, хобгоҳ ва ошхонаро дар бар мегирад. Барои иҷрои корҳои сохтмонӣ беш аз 150 адад техникаву таҷҳизоти пуриқтидор ба таври шабонарӯзӣ фаъолият доранд.

Маврид ба зикр аст, ки бунёд ва ба истифода додани ин корхона қадами устувор дар самти афзоиши иқтидори истеҳсолӣ ва содироти маҳсулоти ватанӣ мебошад.

Мулоқоти Раиси вилояти Суғд Раҷаб Аҳмадзода бо директори генералии корхонаи муштараки “Зарафшон” Оуян Лунао

Азназаргузаронӣ: 672

Раиси вилояти Суғд Раҷаб Аҳмадзода бо директори генералии корхонаи муштараки “Зарафшон” Оуян Лунао мулоқот намуд. 

Дар мулоқот масъалаҳои рушди ҳамкорӣ, васеъ намудани доираи фаъолият ва саҳмгузории корхона дар корҳои ободониву созандагӣ мавриди баррасӣ қарор гирифтанд.

Раиси вилояти Суғд дар оғози суҳбат таъкид кард, ки бо шарофати сиёсати дурнигаронаи сарони ду кишвари дӯст — Ҷумҳурии Тоҷикистон ва Ҷумҳурии Мардумии Чин ҳамкориҳои иқтисодию саноатӣ рушд намуда, корхонаҳои бузурги саноатӣ дар кишвар, аз ҷумла дар вилояти Суғд, бунёд мегарданд. Таъкид гардид, ки корхонаи муштараки “Зарафшон” аз зумраи корхонаҳои азими саноатии вилоят ба шумор рафта, дар рушди иқтисодии шаҳри Панҷакент ва баланд бардоштани нишондиҳандаҳои соҳаи саноат нақши назаррас дорад.

Раиси вилояти Суғд Раҷаб Аҳмадзода бо роҳбарияти корпоратсияи “ТВЕА Душанбе саноати куҳӣ” мулоқот намуд

Азназаргузаронӣ: 424

Дар Мақомоти иҷроияи ҳокимияти давлатии вилояти Суғд мулоқоти Раиси вилоят Раҷаб Аҳмадзода бо роҳбарияти корпоратсияи “ТВЕА Душанбе саноати куҳӣ”, ки роҳбарии онро Хуан Бо ба уҳда дорад, баргузор гардид.

Зимни суҳбат ҷонибҳо оид ба таваҷҷуҳи пайвастаи Ҳукумати Ҷумҳурии Тоҷикистон таҳти роҳбарии Пешвои миллат муҳтарам Эмомалӣ Раҳмон ба рушди соҳаи саноат, бахусус саноати кӯҳӣ, афзоиши ҳаҷми истеҳсолот, беҳтарсозии шароити кору зиндагии кормандон ва саҳмгузорӣ дар корҳои ободониву созандагӣ мубодилаи афкор намуданд.

Раиси вилоят таъкид дошт, ки дар партави дастуру ҳидоятҳои Сарвари давлат дар вилояти Суғд корхонаҳои нави саноатӣ пайваста мавриди баҳрабардорӣ қарор мегиранд. Натиҷаи ин тадбирҳои мақсаднок буд, ки моҳи июли соли равон марҳилаи дуюми корхонаи ҶДММ “ТВЕА Душанбе саноати куҳӣ” ба фаъолият оғоз намуд. Самти асосии фаъолияти корхона истихроҷ ва коркарди маъданҳои кӯҳӣ, аз ҷумла коркарди консентрати тилло мебошад.

Мақолаҳои боқимонда...