Паёми табрикии Раиси вилоят ба муносибати Рӯзи ҷавонони Тоҷикистон

Азназаргузаронӣ: 590

Ҳамаи шумо, ҷавонони далеру шуҷоъ, ватандӯст ва худшиносу худогоҳро бо Рӯзи ҷавонони Тоҷикистон сидқан табрик гуфта, дар амалӣ намудани мақсаду ниятҳои нек муваффақиятҳои беназир таманно менамоям.

Боиси ифтихор аст, ки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо таваҷҷӯҳ ба қобилияти баланди зеҳниву ҷисмонии ҷавонон дастгирии насли ояндасози миллатро самти меҳварии фаъолият қарор дода, дар Паёми навбатии худ ба Маҷлиси Олии Ҷумҳурии Тоҷикистон дар ин бора чунин таъкид намудаанд:

“Мо ифтихор дорем, ки ҷавононамон нисбат ба Ватан меҳру муҳаббати самимӣ доранд, Ватанро сидқан дӯст медоранд, ба арзишҳо ва муқаддасоти миллӣ арҷ мегузоранд, иродаи мустаҳкам доранд ва сиёсати пешгирифтаи давлату Ҳукумати мамлакатро бо ҳисси баланди миллӣ ва эҳсоси худшиносиву худогоҳӣ дастгирӣ мекунанд”.

Истифодаи нерӯи офтобӣ дар “Арча-мебел” — қадаме муҳим дар самти саноатикунонии устувор

Азназаргузаронӣ: 463

Дар партави дастуру супоришҳои Пешвои миллат муҳтарам Эмомалӣ Раҳмон ҷиҳати истифодаи самараноку оқилонаи нерӯи барқ дар корхонаи истеҳсолии “Арча-мебел” панелҳои офтобӣ насб гардидаанд, ки иқтидори истеҳсолии онҳо ба 250 киловатт дар як соат мерасад.

Зимни боздиди Раиси вилояти Суғд Раҷаб Аҳмадзода аз корхона иттилоъ дода шуд, ки панелҳо дар масоҳати 970 метри мураббаъ насб шуда, танҳо дар моҳи апрел 45 дарсади эҳтиёҷоти корхона ба нерӯи барқ тавассути ин манбаи тозаи энергетикӣ таъмин гардидааст. Таъкид шуд, ки дар шароити имрӯза, истифодаи панелҳои офтобӣ ва тавлиди нерӯи барқ аз он на танҳо иқтисодӣ, балки муҳити зистро низ ҳифз менамояд.

Дар ҷаласаи корӣ пешгирии истифодаи ғайримақсадноку ғайриқонунии неруи барқ баррасӣ шуд

Азназаргузаронӣ: 629

21 май дар толори Кохи фарҳанги ба номи Абӯабдуллоҳи Рӯдакии шаҳри Хуҷанд ҷиҳати иҷрои дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон мулоқоти судманди комиссияи доимамалкунанда вобаста ба масъалаҳои пешгирии насб ва истифодаи таҷҳизоти истеҳсоли криптоасъор, истифодаи ғайримақсадноку ғайриқонунии неруи барқ, кам кардани талафоти он ва ҷамъоварии пурраи маблағи неруи барқи истифодашуда баргузор гардид.

Ҷаласаи корӣ бо иштироки муовини Сарвазири Ҷумҳурии Тоҷикистон Усмоналӣ Усмонзода, Раиси вилояти Суғд Раҷаб Аҳмадзода ва аъзои комиссия доир шуда, мақсади асосии он татбиқи самараноки сиёсати энергетикии Ҳукумати Ҷумҳурии Тоҷикистон, истифодаи мақсадноки имкониятҳои мавҷуда, таъмини пурраи аҳолӣ бо неруи барқ, кам кардани талафоти неруи барқ ва фаҳмондани муҳтавои тағйиру иловаҳои воридшуда ба “Кодекси ҷиноятии Ҷумҳурии Тоҷикистон” ва “Кодекси ҳуқуқвайронкунии маъмурии Ҷумҳурии Тоҷикистон” арзёбӣ гардид.

Дидорбинии Раҷаббой Аҳмадзода бо собиқадори хизмати давлатӣ Исрофил Бобомаликов

Азназаргузаронӣ: 550

Раиси вилояти Суғд Раҷаббой Аҳмадзода ба дидорбинии собиқадори хизмати давлатӣ Исрофил Бобомаликов рафта, бо ӯ сӯҳбати самимӣ анҷом дод.

Зимни мулоқот роҳбари вилоят аз саҳми арзандаи собиқадори меҳнат дар рушди соҳаи ҳифзи иҷтимоии вилоят ва ободии сарзамини аҷдодӣ ёдовар шуд.

Раиси вилоят зикр намуд, ки собиқадорони хизмати давлатӣ ва меҳнаткашоне, ки солҳои тӯлонӣ бо садоқат ба халқу Ватан хизмат кардаанд, ҳамеша зери таваҷҷуҳи роҳбарияти олии мамлакат, хусусан Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор доранд.

Мулоқоти Раиси вилоят Раҷаббой Аҳмадзода бо ҳайати Бонки аврупоии таҷдид ва рушд

Азназаргузаронӣ: 645

Имрӯз мулоқоти Раиси вилояти Суғд Раҷаббой Аҳмадзода бо ҳайати Бонки аврупоии таҷдид ва рушд (БАТР) баргузор гардид.

Ҷонибҳо дар рафти суҳбат масъалаҳои ҳамкории дуҷониба ва татбиқи лоиҳаҳои муштараки сармоягузориро мавриди баррасӣ қарор доданд.

Раиси вилоят нахуст меҳмононро ба Суғди бостонӣ хайрамақдам гуфта, доир ба дастовардҳои иқтисодиву иҷтимоии вилоят ва дурнамои рушд маълумоти муфассал ироа намуд. Таъкид шуд, ки ба шарофати истиқлоли давлатӣ ва пуштибониҳои доимии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон вилояти Суғд рушд ёфта, дар самтҳои мухталиф лоиҳаҳои муҳими давлатӣ ва байналмилалӣ татбиқ мегарданд.

Мақолаҳои боқимонда...