Мулоқот бо ҳайати шаҳри Душанбе

22 июн Раиси вилояти Суғд Раҷаббой Аҳмадзода ҳайати намояндагони шаҳри Душанберо бо роҳбарии муовини Раиси шаҳри Душанбе Абдураҳмон Абдураҳмонзода ба ҳузур пазируфт.

Ҳайати шаҳри Душанбе, ки иборат аз 30 нафар аст, бо мақсади иштирок дар Ярмаркаи байналмилалии савдо "Суғд-2023" ба вилоят ташриф овард.

Зимни суҳбат гуфта шуд, ки чорабинии сатҳи баланд дар партави дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва бо мақсади таҳкими муносибатҳои иқтисодӣ ҳамасола ташкил карда мешавад.

Ҳадаф аз баргузории ярмарка истифодаи потенсиали мавҷуда ва таъмини рушди иқтисодиёти мамлакат мебошад.

Мулоқот бо Сафири Фавқулода ва Мухтори Ҷумҳурии Қазоқистон дар Ҷумҳурии Тоҷикистон

22 июн Раиси вилояти Суғд Раҷаббой Аҳмадзода бо Сафири Фавқулода ва Мухтори Ҷумҳурии Қазоқистон дар Ҷумҳурии Тоҷикистон Валихон Турахонов мулоқот намуд.

Дипломати қазоқ бо мақсади иштирок дар Ярмаркаи байналмилалии савдо "Суғд-2023" ба вилояти Суғд ташриф оварда, якҷо бо доираҳои тиҷоратии Қазоқистон дар чорабинии сатҳи баланди минтақавӣ иштирок менамояд.

Дар мулоқот масоили ҳамкории мутақобилаи вилояти Суғд бо минтақаҳои Ҷумҳурии Қазоқистон мавриди баррасӣ қарор гирифт. Таъкид карда шуд, ки чанде пеш Президенти Ҷумҳурии Тоҷикистон муҳтарам Эмомалӣ Раҳмон ба Ҷумҳурии Қазоқистон сафари давлатӣ анҷом доданд ва дар натиҷа як қатор санадҳои нави ҳамкорӣ ба имзо расонида шуд.

Мулоқот бо Сафири Фавқулода ва Мухтори Ҷумҳурии Озарбойҷон дар Ҷумҳурии Тоҷикистон

22 июн бо мақсади иштирок дар Ярмаркаи байналмилалии савдо "Суғд-2023" Сафири Фавқулода ва Мухтори Ҷумҳурии Озарбойҷон дар Ҷумҳурии Тоҷикистон Алимирзамин Аскаров ба вилояти Суғд ташриф овард.

Раиси вилояти Суғд Раҷаббой Аҳмадзода сафирро ба ҳузур пазируфт ва ҷонибҳо доир ба вазъи кунунии муносибатҳои дӯстонаи кишварҳо мубодилаи афкор намуданд.

Раиси вилояти Суғд Раҷаббой Аҳмадзода дар оғози сӯҳбат таъкид кард, ки муносибатҳои дӯстонаи Тоҷикистону Озарбойҷон таърихи дерина дошта, бо сиёсати оқилонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Озарбойҷон Илҳом Алиев робитаҳои иқтисодӣ ва фарҳангӣ миёни ду кишвар дар сатҳи зарурӣ ба роҳ монда шудааст.

Мулоқот бо Сафири Ҷумҳурии Туркия дар Ҷумҳурии Тоҷикистон Умут Аҷар

22 июн Раиси вилояти Суғд Раҷаббой Аҳмадзода бо Сафири Ҷумҳурии Туркия дар Ҷумҳурии Тоҷикистон Умут Аҷар, ки бо сафари корӣ ба вилояти Суғд ташриф овард, мулоқот намуд.

Аснои суҳбат таъкид гардид, ки Тоҷикистон ва Туркия ҳамкориҳои хуби иқтисодӣ дошта, доираҳои тиҷоратии вилояти Суғд чандин бор ба Туркия сафар доштанд ва имрӯзҳо дар вилоят чанд корхонаи муштарак фаъол аст.

Иштироки соҳибкорони турк дар Ярмаркаи байналмилалии савдо "Суғд-2023" имкон медиҳад, ки онҳо бевосита бо вазъи соҳаҳои саноату кишоварзӣ шинос шуда, бо ҳамтоёни тоҷики худ барои амалисозии лоиҳаҳои нав мубодилаи афкор намоянд.

Мулоқоти ҷонибҳо бо баррасии дурнамои ҳамкориҳо ба анҷом расид.

Мулоқот бо Сафири Фавқулода ва Мухтори Ҷумҳурии Қирғизистон дар Ҷумҳурии Тоҷикистон

Имрӯз Раиси вилояти Суғд Раҷаббой Аҳмадзода Сафири Фавқулода ва мухтори Ҷумҳурии Қирғизистон дар Ҷумҳурии Тоҷикистон Эрлан Абдилдаевро, ки бо мақсади иштирок дар Ярмаркаи байналмилалии савдо "Суғд-2023" ба вилоят омад, ба ҳузур пазируфт.

Зимни суҳбат тарафҳо омодагии худро барои таҳкими равобити дуҷониба ва муносибатҳои дӯстона изҳор доштанд.

Қайд карда шуд, ки чорабинии сатҳи баланде чун Ярмаркаи байналмилалии савдо "Суғд-2023" имкон медиҳад, ки тарафҳо бо имкониятҳои мавҷудаи якдигар шинос гардида, барои роҳандозии лоиҳаҳои нави иқтисодӣ иқдом намоянд.