Бахшида ба Рӯзи Модар чорабинии тантанавӣ баргузор гардид

Азназаргузаронӣ: 806

6 марти соли 2025 дар Қасри Арбоб бахшида ба Рўзи Модар чорабинии тантанавӣ баргузор гардид, ки дар он Раиси вилояти Суғд Раҷаббой Аҳмадзода иштирок намуд.

Раиси вилояти Суғд Рачаббой Аҳмадзода зимни суханронии худ тамоми модарону бонувон ва духтарони сарбаланди вилояти Суғдро бо Рӯзи Модар табрик гуфта, саломативу хушрўзгорӣ, хушбахтиву хонаободӣ ва дастоварду муваффақиятҳои шоиста таманно намуд.

Тазаккур дода шуд, ки модар рамзи ҷовидонаи меҳру вафо ва идомабахши насли инсон мебошад ва аввалин шахсест, ки бо муҳаббати пок ва меҳрубонии бекаронаш дар қалби тифли худ хислатҳои неки инсониро парвариш карда, ўро ба шоҳроҳи зиндагӣ раҳнамоӣ месозад.

Дидорбинӣ бо бонувони собиқадор ба муносибати Рӯзи Модар

Азназаргузаронӣ: 657

Раиси вилояти Суғд Раҷаббой Аҳмадзода ба муносибати Рӯзи Модар дар шаҳрҳои Хуҷанд ва Гулистон аз ҳоли як қатор собиқадорони меҳнат хабар гирифта, онҳоро бо иди бонувон табрик намуд.

Дар шаҳри Хуҷанд роҳбари вилоят ба дидорбинии собиқадорони меҳнат Биҳоҷал Раҳимова, Сайрам Исоева, Мавҷудахон Назарова, Зуҳро Исмоилова, Наталя Раҳмонова, Матлуба Содиқова, Наима Муъминова, Тавҳидахон Иброҳимова ва дар шаҳри Гулистон Робиямоҳ Ҳомидова, Бароат Юсуфова ва Санавбар Нуруллоева рафта, ба онҳо суҳбати самимӣ анҷом дод. Қайд карда шуд, ки модари тоҷик баробари иҷрои рисолати аслии хеш, яъне тарбияи насли ояндасоз, инчунин, сиёсатмадору олим, омўзгору табиб, ҳунарманду варзишгар, соҳибкори муваффақу коршинос буда, дар рушди ҳаёти сиёсиву иқтисодӣ ва иҷтимоиву фарҳангӣ, яъне барои ободии кишвар саҳми басо арзишманд дорад.

Паёми табрикии Раиси вилоят бахшида ба Рўзи Модар

Азназаргузаронӣ: 621

Бонувони арҷманд!

Модарону хоҳарони азиз! 

Ҳамаи Шуморо ба муносибати фаро расидани Рўзи Модар самимона муборакбод намуда, бароятон хушбахтиву иқболи нек, саодати ҳамешагӣ ва рӯзгори ободу осударо орзу менамоям.

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатӣ ба масъалаи эҳтироми зан – модар таваҷҷуҳ намуда, барҳақ таъкид намуданд, ки: «Мо ба азму ирода ва масъулиятшиносии бонувону духтарони тоҷик ҳамчун неруи бузурги ҷомеа эътимоди комил дорем ва дастгирии ҳамаҷонибаи онҳоро идома медиҳем».

Модар рамзи ҷовидонаи меҳру вафо ва идомабахши насли инсон мебошад. Модар аввалин шахсест, ки бо меҳри бузург, садоқату муҳаббаташ ва бо меҳрубонии ба худаш хос дар қалби тифли худ хислатҳои неки инсониро парвариш карда, ӯро ба шоҳроҳи зиндагӣ раҳнамоӣ месозад.

Дидорбинӣ бо собиқадорони меҳнат дар ноҳияи Бобоҷон Ғафуров

Азназаргузаронӣ: 688

Раиси вилояти Суғд Раҷаббой Аҳмадзода дар арафаи Рӯзи Модар дар ноҳияи Бобоҷон Ғафуров аз ҳоли як қатор собиқадорони меҳнат хабар гирифта, ба онҳо саломативу саодати рӯзгорро таманно намуд. 

Раҷаббой Аҳмадзода ба манзили собиқадорони соҳаи маориф – Муҳаббат Ҳакимова ва Билатофат Иброҳимова, инчунин собиқадори соҳаи кишоварзӣ – Муборак Абдураҳимова ташриф оварда, онҳоро бо ин ҷашни фархунда табрик гуфт.

Зимни суҳбат бо собиқадорон таъкид карда шуд, ки меҳнати тӯлонӣ ва босамари онҳо ҳамеша қадр карда мешавад ва кору пайкори насли калонсол барои ҷавонон намунаи ибрат ва боиси пайравӣ мебошад. Хизматҳои бонувони собиқадор дар рушди соҳаҳои маориф ва кишоварзӣ шоистаи таҳсину эҳтиром аст ва давлат ҳамеша чунин шахсонро қадр мекунад.

Раиси вилояти Суғд аз ҳоли собиқадорони меҳнат хабар гирифт

Азназаргузаронӣ: 676

Раиси вилояти Суғд Раҷаббой Аҳмадзода дар ноҳияи Ҷаббор Расулов аз ҳоли як қатор собиқадорони меҳнат хабар гирифт.

Зимни дидорбинӣ бо Туҳфамоҳ Эшонова, ки 89 сол дорад, Латифамоҳ Ғозиеваи 80-сола ва Ҳафиза Эшназароваи 86-сола роҳбари вилоят онҳоро бо иди фархундаи Рӯзи Модар таҳният гуфта, ба онҳо сиҳатмандӣ ва рӯзгори обод таманно кард.

Таъкид гардид, ки саҳми бонувон дар рушди ҷомеа ва тарбияи насли наврас назаррас буда, дар Тоҷикистони соҳибистиқлол барои кору фаъолияти занону бонувон шароити мусоид фароҳам оварда шудааст. 

Сипас, Раҷаббой Аҳмадзода ба манзили собиқадори соҳаи кишоварзӣ Баҳодур Эргашев ташриф оварда, аз ҳоли ӯ низ хабар гирифт. Зикр гардид, ки саҳми Баҳодур Эргашев дар рушди соҳаи кишоварзӣ назаррас буда, ӯ дар давоми солҳои тӯлонӣ бо меҳнати фидокорона барои пешрафти хоҷагии қишлоқ талош намудааст.

Мақолаҳои боқимонда...