Таҷлили Рӯзи Қўшунҳои сарҳадии Ҷумҳурии Тоҷикистон

28 майи соли 2022 дар Кохи фарҳанги ба номи Абӯабдуллоҳи Рӯдакӣ ба муносибати Рўзи Қўшунҳои сарҳадӣ ҷамъомади тантанавӣ баргузор гардид.

Раиси вилояти Суғд Раҷаббой Аҳмадзода зимни иштирок ва суханронӣ дар ҷамъомад сарбозону афсарони шуҷои Қўшунҳои сарҳадӣ, хизматчиёни ҳарбии ҳамаи ҷузъу томҳои Қувваҳои Мусаллаҳро бахшида ба Рӯзи Қӯшунҳои сарҳадӣ самимона табрик намуд. Қайд карда шуд, ки Қўшунҳои сарҳадии Ҷумҳурии Тоҷикистон, ки дар як муддати кўтоҳ дар ҷои холӣ, бе ягон базаи моддию техникӣ таъсис дода шуда буд, ба як воҳиди мукаммали дорои иқтидори мудофиавӣ табдил ёфта, вазифаи пуршараф ва муқаддаси дар наздаш гузошташуда, яъне ҳифзу ҳимояи марзҳои Ҷумҳурии Тоҷикистонро сарбаландона адо намуда истодааст.

Имрӯз маҷлиси Ҳукумати Ҷумҳурии Тоҷикистон баргузор гардид

27 май таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати Ҷумҳурии Тоҷикистон муҳтарам Эмомалӣ Раҳмон маҷлиси Ҳукумати мамлакат баргузор гардид.

Дар кори маҷлис нахуст ҳисоботи раисони Кумитаи рушди сайёҳии назди Ҳукумати Ҷумҳурии Тоҷикистон ва Кумитаи рушди маҳали назди Президенти Ҷумҳурии Тоҷикистон дар бораи ҷараёни иҷрои амри Президенти Ҷумҳурии Тоҷикистон аз 6 марти соли 2019 дар бораи Нақшаи чорабиниҳо бахшида ба «Солҳои рушди деҳот, сайёҳӣ ва ҳунарҳои мардумӣ» солҳои 2019-2021 шунида шуд.

Паёми шодбодии Раиси вилоят Раҷаббой Аҳмадзода бахшида ба Рӯзи кимиёгарон

Дӯстони гиромӣ!

Ҳамасола якшанбеи охирини моҳи май кормандони соҳаи кимиё Иди касбиашонро таҷлил намуда, ин санаро бо дастовардҳои назарраси меҳнатӣ истиқбол мегиранд.

Имсол Иди касбии кормандони меҳнатдўсту мушкилнописанди соҳа дар партави омодагиҳо ба ҷашнҳои фархундаи миллиамон -25-солагии Рўзи ваҳдати миллӣ ва 30-солагии Иҷлосияи ХVI Шўрои Олии Ҷумҳурии Тоҷикистон шукўҳу шаҳомати нав пайдо мекунад.

Дар Истаравшан ҷамъоварии пилла идома дорад

Дар шаҳри Истаравшан соли равон тибқи нақша 7 тонна пилла истеҳсол карда мешавад ва то имрӯз кирмакпарварон 800 кг пилла супоридаанд. Дар ин бора зимни боздиди Раиси вилояти Суғд Раҷаббой Аҳмадзода аз шаҳри Истаравшан маълумот дода шуд.

Раиси вилоят бо вазъи кирмакпарварӣ дар оилаи Яъқубовҳо, ки беш аз 30 сол инҷониб ба ин кор машғуланд, шинос шуда, барои истеҳсоли нақша ба масъулин тавсияҳои судманд дод.

Вусъати корҳои ободониву созандагӣ дар шаҳри Истаравшан

Дар идомаи сафари корӣ ба шаҳри Истаравшан Раиси вилояти Суғд Раҷаббой Аҳмадзода рафти корҳои сохтмонии бинои маъмурии Ҷамоати деҳоти Гули Сурхро мавриди таваҷҷуҳ қарор дод.

Сохтмони бинои маъмурии Ҷамоати деҳоти Гули Сурхи шаҳри Истаравшан соли 2021 оғоз ёфта, он аз ду ошёна ва таҳхона иборат аст ва бо дастгирии соҳибкорони маҳаллӣ бунёд гардида истодааст. Дар бинои нав барои 14 корманд утоқҳои кориву ёрирасон сохта шуда, арзиши лоиҳавии иншоот зиёда аз 1,2 млн. сомониро ташкил медиҳад.​