Паёми табрикии Раиси вилоят бахшида ба Рӯзи омӯзгорон

Азназаргузаронӣ: 559

Рӯзи омӯзгорон, ки ҳамасола якшанбе аввали моҳи октябр дар саросари Тоҷикистон таҷлил карда мешавад, рамзи қадрдониву сипос ба аҳли илму маърифат ва равшангарони ҷомеа аст. Ба ин муносибат, тамомии омӯзгорон, зиёиён ва кормандони соҳаи маорифи вилояти Суғдро бо иди касбӣ самимона шодбош мегӯям.

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар робита ба мақоми омӯзгор таъкид намудаанд: «Омӯзгорон машъалафрӯзони ҷомеа ҳастанд, ки метавонанд имрӯз ва фардои кишварро бо нури маърифат равшан созанд ва дар рушду тараққиёти давлату миллат саҳми арзанда гузоранд».

Боиси ифтихор аст, ки бо сиёсати маорифпарваронаи Пешвои муаззами миллат аз рӯзҳои аввали соҳибистиқлол гардидани кишвари азизамон ба беҳбудии шароити зиндагӣ ва фаъолияти омӯзгорон таваҷҷуҳи зиёд зоҳир гардида, имтиёзҳои зарурӣ дар қонунгузорӣ муқаррар шудаанд.

Паёми табрикии Раиси вилоят бахшида ба Рӯзи Мавлоно Ҷалолиддини Балхӣ

Азназаргузаронӣ: 527

Фарорасии Рӯзи Мавлоно Ҷалолиддини Балхиро ба кулли сокинони вилоят ва аҳли илму адаб сидқан табрик гуфта, ба ҳамагон сиҳату саломатӣ ва хотири ҷамъу осоиши рӯзгор таманно менамоям.

Боиcи ифтиxoр аст, ки шинохти асолати таърихӣ маҳз аз сиёсати фарҳангдӯстонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сарчашма гирифта, моро водор месозад, ки барои рушду пешрафти кишварамон аз осори гаронбаҳои суханварони бузурги миллат сабақ гирем ва дар роҳи минбаъдаи рушду инкишофи давлатдориамон аз он истифода намоем. Зеро рисолати адабиёт тарбияи инсонҳо, ҳидоят ба роҳи нек, талқини некӯкорӣ, дӯстиву рафоқат, муҳаббат, вафодорӣ, хулқи ҳамидаву писандида ва сабру таҳаммул буда, ҳадафи шеъри Мавлоно низ тарбияи инсони комил мебошад.

Машварати кории Раиси вилояти Суғд Раҷаб Аҳмадзода бо роҳбарону фаъолони шаҳри Конибодом

Азназаргузаронӣ: 645

Раиси вилояти Суғд Раҷаб Аҳмадзода дар шаҳри Конибодом бо роҳбарияти шаҳр, намояндагони сохторҳои дахлдор, фаъолон, роҳбарони ҷамоатҳои деҳот, корхонаҳои коркарди пахта машварати корӣ баргузор намуд.

Дар оғоз Раиси вилоят Раҷаб Аҳмадзода аз дастуру супоришҳои Пешвои миллат муҳтарам Эмомалӣ Раҳмон дар самти рушди соҳаи кишоварзӣ ёдовар шуда, таваҷҷуҳи масъулинро ба сари вақт ва беталаф ҷамъоварӣ намудани пахта ҷалб намуд. Таъкид карда шуд, ки бо мақсади ташкил ва ҳамоҳангсозии корҳо дар мавсими пахтачинӣ аз ҳисоби масъулини сохторҳои Мақомоти иҷроияи ҳокимияти давлатии вилояти Суғд шахсони масъул ба шаҳру ноҳияҳои пахтакор вобаста карда шудаанд. Роҳбарияти шаҳр, раисони ҷамоатҳо, хоҷагиҳои деҳқониро зарур аст, ки тамоми имкониятҳоро истифода бурда, бо истифода аз рӯзҳои офтобӣ ҳосили пахтаро пурра ҷамъоварӣ намоянд. 

Дидорбинӣ бо собиқадорони меҳнат дар шаҳри Конибодом

Азназаргузаронӣ: 547

Раиси вилояти Суғд Раҷаб Аҳмадзода дар шаҳри Конибодом ба дидорбинии собиқадорони меҳнат рафт.

Раиси вилоят аз ҳоли Акбарҷон Аҳмедов, Барно Набиева, Мукаррам Ғаффорова, Сиддиқҷон Набиев хабар гирифта, аз ба онҳо кӯмакҳои моддӣ расонид. Номбаршудагон солҳои зиёд дар пешрафти ҷомеа саҳм гузошта, имрӯз низ дар корҳои ободониву ҷамъиятӣ фаъолона ширкат меварзанд.

Аснои суҳбат таъкид гардид, ки дар сиёсати иҷтимоии Ҳукумати мамлакат таваҷҷуҳ ба собиқадорони меҳнат дар мадди аввал қарор дошта, аз ҷониби давлат ба ин қишри ҷомеа мунтазам ғамхорӣ карда мешавад. 

Собиқадорони меҳнат барои чунин ғамхорӣ ба Пешвои миллат миннатдорӣ намуда, барои шукуфоии Тоҷикистон орзуҳои нек намуданд.

Боздиди Раиси вилоят Раҷаб Аҳмадзода аз мактаби ба номи А.П.Чехов

Азназаргузаронӣ: 739

Имрӯз Раиси вилояти Суғд Раҷаб Аҳмадзода дар шаҳри Хуҷанд аз мактаби ба номи А.П. Чехов боздид ба амал овард. 

Раиси вилоят бо ҷараёни таълиму тадрис дар мактаб шинос гардида, аз синфхонаҳои таълимӣ, ҳавзи шиноварӣ, ошхона, китобхона, технопарки «Кванториум», ҳамчунин толори варзишӣ ва маҷлисгоҳ боздид кард ва бо хонандагон суҳбат намуд.

Раҷаб Аҳмадзода таъкид намуд, ки ба шарофати талошҳои пайгиронаи роҳбарони ду давлат — Президенти Ҷумҳурии Тоҷикистон муҳтарам Эмомалӣ Раҳмон ва Президенти Федератсияи Русия Владимир Путин муносибатҳои шарикии стратегии байни кишварҳоямон ба сатҳи сифатан нав баромадаанд. Таъкид гардид, ки соҳаи маориф дар меҳвари сиёсати дурбинонаи Пешвои миллат муҳтарам Эмомалӣ Раҳмон қарор дошта, барои таълиму тарбияи хонандагон шароити мусоид фароҳам оварда шудааст. 

Мақолаҳои боқимонда...