Шиносоии Раиси вилоят бо корҳои таҷдиду навсозӣ дар Беморхонаи клиникавии шаҳрии №1-и шаҳри Хуҷанд

31 май Раиси вилояти Суғд Раҷаббой Аҳмадзода дар шаҳри Хуҷанд бо корҳои таҷдиду навсозӣ дар бинои асосии ҷарроҳию табобатии беморхонаи клиникавии шаҳрии №1 шинос гардид.

Чуноне иттилоъ дода шуд, бинои чорошёнаи ҷарроҳию табобатии беморхонаи клиникавии шаҳрии №1 бо маблағгузории мақомоти иҷроияи маҳаллӣ ба таҷдиду навсозӣ фаро гирифта шудааст. Бинои мазкур ҳанўз соли 1972-и асри гузашта мавриди баҳрабардорӣ қарор гирифта, то ҳол аз таъмири куллӣ бароварда нашудааст. Дар бино шуъбаҳои қабул, эҳё, ҷарроҳиҳои фасоднок, ҷарроҳии калонсолон, осеби хурдсолон, осеби калонсолон, бемориҳои сўхта, ҷарроҳии бачагона, корпуси ҷарроҳикунонӣ ва ғайраҳо ҷойгир карда шуда, маҷмуан беш аз 230 кати табобатиро  барои беморон фаро мегирад.

Шиносоии Раиси вилоят бо сохтмони иншооти соҳаи маориф дар шаҳри Хуҷанд

Ба муносибати 25 — солагии Рўзи Ваҳдати миллӣ ва 30 - солагии Иҷлосияи 16-уми Шўрои Олии Ҷумҳурии Тоҷикистон дар шаҳри Хуҷанд бунёду сохтмони як зумра иншооти соҳаи маориф идома дошта, бо дастуру ҳидоятҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои таълиму тарбияи насли наврас шароити замонавӣ муҳайё карда мешавад.

Дар маҳалаи 8-уми шаҳри Хуҷанд бунёди мактаби нав идома дорад, ки он мувофиқи созишномаи давлатии байни Ҳукумати Ҷумҳурии Тоҷикистон ва Ҳукумати Федератсияи Россия сохта мешавад. Сохтмони иншооти мазкур сентябри соли 2021 оғоз шуда, бояд то сентябри соли 2022 ба истифода дода шавад. Муассисаи таълимӣ барои 1224 хонанда пешбинӣ шуда, аз 3 ошёна иборат мебошад. Дар дохили бино ва ҳудуди он дар қатори синфхонаҳои фаннӣ, ошхона, толору маҷлисгоҳ, ҳавзи шиноварӣ, майдончаҳои варзишӣ барои футбол, баскетбол ва волейбол, майдончаҳои таълимӣ, таваққуфгоҳ барои нақлиёт ва автобуси хонандагон, дегхона ва дигар биноҳои ёрирасон бунёд карда мешавад.

Шиносоии Раиси вилоят бо ҷараёни сохтмони корхонаҳои санотӣ дар шаҳри Хуҷанд  

Бо мақсади расидан ба ҳадафи чоруми стратегӣ ва таъмини иҷрои дастуру супоришҳои  Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Хуҷанд бунёди корхонаҳои нави саноатӣ идома дорад.

Раиси вилояти Суғд Раҷаббой Аҳмадзода дар шаҳри Хуҷанд бо рафти сохтмон ва васлу насби таҷҳизот дар чанде аз корхонаҳо шинос гардид. Дар минтақаи озоди иқтисодии «Суғд» аз тарафи роҳбарияти ҶСП   «Корпаратсияи Камоли Хуҷандӣ» корхонаи коркарди санг ташкил шуда истодааст. Масоҳати умумии корхона 1 га буда, аз он дар 1800 м2 биноҳои сехи истеҳсолӣ ва маъмурӣ ҷойгир карда мешавад. Корхонаи нав бо 1,4 миллион доллар сармояи ҶСП  «Корпаратсияи Камоли Хуҷандӣ» сохта шуда, он имкон дорад, ки дар як моҳ то 25-30 ҳазор м2 сангҳои табииро коркард намояд.Таҷҳизоти муосир асосан аз давлати Чин дастрас карда шуда, бо мавриди истифода қарор гирифтани корхонаи коркарди санг 30 нафар бо ҷойи корӣ таъмин мегарданд.

Ба бунёди мактаби варзишӣ оид ба намуди камонварӣ санги асос гузошта шуд

Имрӯз бо иштироки Раиси вилояти Суғд Раҷаббой Аҳмадзода дар шаҳри Хуҷанд ба бунёди мактаби махсуси варзишӣ оид ба намуди камонварӣ санги асос гузошта шуд.

Фармоишгари иншоот Идораи сохтмони асосии вилояти Суғд буда, бинои асосӣ аз аз 2 ошёна иборат аст. Дар ошёнаи якум утоқҳои кории маъмурият, пизишкон, мураббиён, ҷойи оббозӣ, ҷойи либокашӣ ва толори маҷлисгоҳ   ҷойгир мешавад. Дар саҳни ошёнаи якум майдони камонварии тобистона сохта хоҳад шуд.

Раиси вилоят Раҷаббой Аҳмадзода Озодахон ва Дилноза, сокинони ноҳияи Бобоҷон Ғафуровро аёдат намуд

Имрӯз Раиси вилояти Суғд Раҷаббой Аҳмадзода дар арафаи Рӯзи байналмилалии ҳифзи кӯдакон дар ноҳияи Бобоҷон Ғафуров аз ҳоли хоҳарон Озодахон ва Дилноза хабар гирифт.

Дар суҳбат бо наврасон таъкид гардид, ки аз ҷониби давлат барои амалишавии орзуву ормонҳои кўдакон, бахусус ба бачагони ятиму бепарастор, дилсўзиву меҳрубонии хоса зоҳир мегардад.