Таҷлили 31 - умин солгарди Рўзи Конститутсияи Ҷумҳурии Тоҷикистон

Азназаргузаронӣ: 661

6-уми ноябри соли 1994 дар таърихи халқи тоҷик ҳамчун санаи сарнавиштсоз сабт гардидааст. Зеро дар ин рўз нахустин маротиба дар таърихи давлатдориамон ба тариқи раъйпурсии умумихалқӣ Конститутсияи Ҷумҳурии Тоҷикистон қабул гардид, ки соли равон аз қабули ин санади муҳим 31 сол сипарӣ мешавад. 

Бахшида ба 31 - умин солгарди Рўзи Конститутсияи Ҷумҳурии Тоҷикистон 5 ноябри соли 2025 дар Кохи фарҳанги ба номи Абӯабдуллоҳи Рӯдакӣ ҷамъомади тантанавӣ баргузор гардид.

Раиси вилояти Суғд Раҷаб Аҳмадзода зимни иштирок дар ҷамъомад Рўзи Конститутсияи Ҷумҳурии Тоҷикистонро ба сокинони ватандўст ва сарбаланди вилоят табрику таҳният гуфт. Таъкид карда шуд, ки мардуми кишвари соҳибистиқлоламон 31 сол муқаддам таҳти сарварии хирадмандона ва роҳнамоиҳои дурандешонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо қабули қонуни асосии кишвар барои ташаккули давлати демократӣ, дунявӣ ва ҳуқуқбунёд заминаи боэътимод гузошта, роҳи минбаъдаи рушди ҷомеаи кишварро дар ҷодаи эъмори ҷомеаи шаҳрвандӣ муайян намуданд. 

Боздиди Раиси вилоят Раҷаб Аҳмадзода аз корхонаи "Ҷавонӣ"

Азназаргузаронӣ: 708

4 ноябр Раиси вилояти Суғд Раҷаб Аҳмадзода бо ҷараёни истеҳсолот дар корхонаи "Ҷавонӣ" шинос гардид. 

Дар Ҷамъияти дорои масъулияти маҳдуди “Ҷавонӣ” тамоми марҳилаҳои истеҳсол, аз ресандагӣ то дӯзандагӣ ва тамғагузориву омодасозии маҳсулот ба таври муосир ба роҳ монда шудааст. Иттилоъ дода шуд, ки аз оғози фаъолияти корхона то имрӯз наздик ба 60 миллион евро сармояи хориҷӣ ҷалб гардидааст.

“Ҷавонӣ”, ки яке аз бузургтарин корхонаҳои саноатии вилоят ба ҳисоб меравад, ҳоло 800 корманд дорад ва 98 дарсади маҳсулоти он ба Аврупо содирот мешавад.

Дар корхона ресандагӣ, бофандагӣ, пардоздиҳӣ, рангубордиҳӣ, дӯзандагӣ ва дарзмол пурра ба роҳ монда шудааст. Ришта бо истифода аз дастгоҳҳои наву муосир истеҳсол шуда, истеҳсоли матоъ бо технологияи замонавӣ сурат мегирад. Дар раванди истеҳсол бештар аз 900 намуди дизайн истифода мешавад, ки мутобиқи талаботи бозори ҷаҳонӣ ҳамасола нав мегардад.

Паёми табрикии Раиси вилоят бахшида ба Рӯзи Конститутсияи Ҷумҳурии Тоҷикистон

Азназаргузаронӣ: 454

Рӯзи қабули Конститутсияи Ҷумҳурии Тоҷикистонро, ки дар таърихи давлатдории навинамон санади воқеан тақдирсозу таърихӣ ба ҳисоб меравад, ба сокинони шарафманди вилоят самимона табрику таҳният мегӯям.

Боиси таъкид аст, ки Конститутсияи Ҷумҳурии Тоҷикистон 6-уми ноябри соли 1994 бо ҷонибдории аксари шаҳрвандони кишвар, ки дар муҳокима ва ҳаматарафа баррасӣ гардидани лоиҳаи он иштирок намуда буданд, тариқи раъйпурсии умумихалқӣ қабул гардид.

Конститутсияи Тоҷикистони соҳибистиқлол санадест, ки дар он муқаддастарин неъмати зиндагӣ - истиқлолу озодии халқи мо ифода ёфта, аз лиҳози ҳуқуқӣ барои таъсис ва пойдории рукнҳои асосии давлатдории навин, ба даст омадани сулҳу субот, ваҳдати миллӣ, тамоми дастовардҳои бузуруги сиёсӣ, иқтисодӣ ва иҷтимоиву фарҳангӣ заминаи боэътимоди ҳуқуқиро фароҳам овард.

Ба бонувони ҳунарманд грантҳои Раиси вилояти Суғд супорида шуд

Азназаргузаронӣ: 619

3 ноябр дар толори мақомоти иҷроияи ҳокимияти давлатии вилоят маросими супоридани грантҳои Раиси вилояти Суғд ба бонувони ҳунарманд баргузор гардид.

Раиси вилояти Суғд Раҷаб Аҳмадзода зимни суҳбат иброз дошт, ки бо ҳидояту раҳнамоиҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зан — модар дар ҷомеаи муосир мавқеи баландро соҳиб буда, бонувони тоҷик ҳамқадами замон мебошанд ва рисолати худро сарбаландона иҷро мекунанд.

Таъкид шуд, ки миллати тоҷик дорои ҳунарҳои нодири мардумист, ки дар тӯли таърих бо заҳмати ҳунармандон рушд ёфтааст. Бо мақсади дастгирии ҳунарҳои мардумӣ, Ҳукумати Ҷумҳурии Тоҷикистон қарореро қабул кардааст, ки тибқи он ҳар сол 15 миллион сомонӣ ва 200 гранти Президенти Ҷумҳурии Тоҷикистон барои занони соҳибкор ҷудо карда мешавад. Соли 2025 аз вилояти Суғд 39 нафар бонуи фаъол бо пешниҳоди лоиҳаҳои худ соҳиби грантҳои президентӣ гардиданд.

Дидорбинӣ бо Шоири халқии Тоҷикистон Фарзона

Азназаргузаронӣ: 519

3 ноябри соли 2025 Раиси вилояти Суғд Раҷаб Аҳмадзода ба дидорбинии Шоири халқии Тоҷикистон Фарзонаи Хуҷандӣ рафт.

Раиси вилоят зимни мулоқот Шоири халқии Тоҷикистон, барандаи Ҷоизаи давлатии ба номи Абӯабдуллоҳи Рӯдакӣ Фарзонаро ба муносибати рӯзи мавлудаш самимона табрик гуфта, ба ӯ тандурустии бардавом ва саодати рӯзгорро таманно намуд.

Таъкид гардид, ки дар даврони соҳибистиқлолӣ таҳти сиёсати хирадмандонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои рушду нумуи фарҳанг ва адабиёти миллӣ шароити мусоид фароҳам оварда шудааст ва давлату Ҳукумат ҳамеша хизматҳои аҳли илму адабро қадр менамояд. 

Мақолаҳои боқимонда...