Ифтитоҳи иншооти нав дар Раёсати иҷрои ҷазои ҷиноятӣ дар вилояти Суғд

Азназаргузаронӣ: 662

3 апрел бо иштироки Раиси вилояти Суғд Раҷаббой Аҳмадзода ва муовини вазир, сардори Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон генерал-лейтенант Мансурҷон Умаров бинои хадамоти тиббӣ ва нозироти корҳои ислоҳии Раёсати иҷрои ҷазои ҷиноятии Вазорати адлияи Ҷумҳурии Тоҷикистон дар вилояти Суғд мавриди баҳрабардорӣ қарор дода шуд.

Иншоот аз ду ошёна иборат буда, дар ошёнаи якум бинои хадамоти тиббӣ ва дар ошёнаи дуюм утоқҳои корӣ барои кормандони нозироти корҳои ислоҳии Раёсати иҷрои ҷазои ҷиноятии Вазорати адлияи Ҷумҳурии Тоҷикистон дар вилояти Суғд ҷойгир шудааст. Ошёнаи якум дорои 10 ҳуҷра ва як озмоишгоҳ буда, он бо беҳтарин шароити кору хизматрасонии тиббӣ таъмин мебошад. Айни замон барои расонидани кӯмаки тиббӣ 10 нафар табибон ва 4 нафар ҳамшираҳои тиббӣ ба кор ҷалб гардидаанд.

Таҳти унвони "Тоҷикистон - Тотористон" бизнес-форум баргузор гардид

Азназаргузаронӣ: 474

Дар Маркази таълимии Бонки миллии Тоҷикистон дар шаҳри Гулистон бизнес-форум таҳти унвони "Тоҷикистон - Тотористон" баргузор гардид.

Дар кори форум Раиси вилояти Суғд Раҷаббой Аҳмадзода, Раиси Ҷумҳурии Тотористони Федератсияи Россия Рустам Минниханов, роҳбарони ширкатҳои истеҳсолии ду тараф ва доираҳои тиҷоратӣ иштирок намуданд.

Раиси вилояти Суғд Раҷаббой Аҳмадзода зимни суҳбат қайд намуд, ки аз ҷониби Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати Ҷумҳурии Тоҷикистон баҳри рушди соҳибкорӣ ва саноат, ки яке аз соҳаҳои муҳими кишвар ба ҳисоб меравад, пайваста аҳамияти хоса дода мешавад. Имрўзҳо дар вилояти Суғд зиёда 1200 корхонаи саноатӣ фаъолият дошта, дар онҳо 300 номгӯи маҳсулот истеҳсол карда мешавад.

Мулоқоти Раиси вилояти Суғд Раҷаббой Аҳмадзода бо Раиси Ҷумҳурии Тотористон Рустам Минниханов

Азназаргузаронӣ: 522

3 апрели соли 2025 Раиси Ҷумҳурии Тотористони Федератсияи Россия Рустам Минниханов бо сафари корӣ ба вилояти Суғд ташриф овард. Дар доираи ин сафар дар шаҳри Гулистон мулоқоти расмии дуҷониба ва ҷаласаи васеи ҳайатҳои вилояти Суғди Ҷумҳурии Тоҷикистон ва Ҷумҳурии Тотористон баргузор гардид.

Раиси вилояти Суғд Раҷаббой Аҳмадзода нахуст меҳмони олиқадрро ба Суғди бостонӣ хайрамақдам гуфта, зикр намуд, ки бо сиёсати хирадмандонаи сарони давлатҳо – Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Президенти Федератсияи Россия муҳтарам Владимир Путин – муносибатҳои байниминтақавӣ миёни ду кишвар дар ҳоли тавсеа қарор дошта, мубодилаи молу маҳсулот афзоиш ёфта истодааст.

Мулоқоти Раиси вилояти Суғд Раҷаббой Аҳмадзода бо ҳайати дастаи футболи “Хуҷанд”

Азназаргузаронӣ: 656

2 апрел дар толори мақомоти иҷроияи ҳокимияти давлатии вилоят мулоқоти Раиси вилоят, Раиси Федератсияи футболи вилояти Суғд Раҷаббой Аҳмадзода бо ҳайати дастаи футболи “Хуҷанд”-и Хуҷанд баргузор гардид.

Зимни мулоқот зикр гардид, ки солҳои охир бо дастгирии бевоситаи Президенти Ҷумҳурии Тоҷикистон муҳтарам Эмомалӣ Раҳмон ва Президенти Федератсияи футболи Тоҷикистон, Раиси шаҳри Душанбе муҳтарам Рустами Эмомалӣ ба рушди футбол таваҷҷуҳи хоса зоҳир гардида истодааст.

Соли равон аз вилояти Суғд се даста – “Хуҷанд”-и Хуҷанд, “Истаравшан”-и Истаравшан ва “Эсхата” дар Лигаи олии футболи мамлакат иштирок мекунанд.

Машварати кории Раиси вилояти Суғд Раҷаббой Аҳмадзода

Азназаргузаронӣ: 659

Дар толори мақомоти иҷроияи ҳокимияти давлатии вилоят таҳти раёсати Раиси вилояти Суғд Раҷаббой Аҳмадзода машварати корӣ баргузор гардид.

Дар машварат муовинони Раиси вилоят, роҳбари дастгоҳ, роҳбарони раёсатҳо, бахшҳо ва шуъбаҳои мақомоти иҷроияи ҳокимияти давлатии вилоят, раисони шаҳру ноҳияҳо, инчунин дигар шахсони масъул иштирок доштанд.

Раиси вилоят пеш аз ҳама ба аҳли фарҳанг ва ҳунар, инчунин тамоми шахсони масъул барои баргузории чорабинии бошукӯҳи ҷашни байналмилалии Наврӯз дар шаҳри Хуҷанд, ки бо иштироки сарони давлатҳои Тоҷикистон, Ӯзбекистон ва Қирғизистон сурат гирифт, изҳори сипос намуда, ба онҳо арзи миннатдорӣ кард.

Мақолаҳои боқимонда...