Тибқи дастуру ҳидоятҳои Пешвои миллат муҳтарам Эмомалӣ Раҳмон дар вилояти Суғд ба беҳтар намудани шароити таълиму тарбия ва фароҳамсозии имконоти мусоид барои кӯдакони ятиму бепарастор таваҷҷуҳи хоса зоҳир мегардад.

Раиси вилояти Суғд Раҷаб Аҳмадзода дар шаҳри Бӯстон аз Муассисаи давлатии “Мактаб-интернат барои кӯдакони ятим ва бепарастор” боздид намуда, бо шароити таҳсилу зиндагӣ ва дигар имконоти мавҷудаи муассиса шинос шуд.

Тавре масъулони муассиса иттилоъ доданд, айни замон 123 нафар хонанда дар мактаб-интернат ба таълиму тарбия фаро гирифта шудаанд. Барои онҳо омӯзгорони соҳибтаҷриба, мураббиён, кормандони тиббӣ ва техникии муассиса хизмат мерасонанд.

Рушди соҳаи тандурустӣ ҳамеша зери таваҷҷуҳи давлат қарор дошта, дар давраи соҳибистиқлолӣ бо дастгирӣ ва ғамхориҳои бевоситаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар вилояти Суғд садҳо муассисаҳои муосири тиббӣ бунёд ва мавриди истифода қарор гирифтаанд.

Дар идомаи чунин иқдомҳои созанда ва дар доираи омодагиҳо ба ҷашни 35-солагии Истиқлоли давлатии Ҷумҳурии Тоҷикистон дар ҳудуди Беморхонаи клиникавии вилояти Суғд бо иштироки Раиси вилояти Суғд Раҷаб Аҳмадзода санги асоси бинои нави Маркази перинаталии вилояти Суғд гузошта шуд. Ин марказ нахустин иншооти махсусгардонидашуда дар самти нигоҳдории саломатии модару кӯдак дар вилоят аст. 

Дар доираи омодагиҳо ба истиқболи 35-солагии Истиқлоли давлатии Ҷумҳурии Тоҷикистон дар шаҳри Хуҷанд маросими гузоштани санги асоси бинои нави Муассисаи давлатии Маркази микроҷарроҳии чашм баргузор гардид.

Раиси вилояти Суғд Раҷаб Аҳмадзода ба корҳои сохтмонии иншооти тиббӣ оғоз бахшида, зикр дошт, ки корҳои бунёдкорӣ дар шаҳру ноҳияҳои вилоят ҷараён дорад. Дар доираи омодагиҳо ба ҷашни таърихии миллат то имрӯз дар вилоят беш аз 12 ҳазор иншоот ба истифода супорида шуда, боз садҳо иншооти дигар ба истифода дода хоҳад шуд. 

Таъкид гардид, ки бо дарназардошти талаботи рӯз ва зарурати такмил додани инфрасохтори тиббӣ сохтмони бинои нави Маркази микроҷарроҳии чашм бо маблағгузории Мақомоти иҷроияи ҳокимияти давлатии вилояти Суғд

Ба Беморхонаи клиникии рақами 1 -и шаҳри Хуҷанд автомошинаи хизматӣ супорида шуд. Зимни супоридани нақлиёти махсусгардонидашуда Раиси вилояти Суғд Раҷаб Аҳмадзода аз дастгириҳои доимии Ҳукумати мамлакат ва таъмини рушди соҳаи тандурустӣ ёдовар гардид.

Таъкид карда шуд, ки 18 ноябри соли равон Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бинои нави Беморхонаи клиникии рақами 1 ба номи Султон Уруновро ба истифода доданд ва шароити кории кормандон боз ҳам беҳтар карда шуд. Бинои нави беморхона аз 7 ошёна иборат буда, дар масоҳати 600 метри мураббаъ бо сифати баланд ва шароити муосири хизматрасонии тиббӣ бунёд гардидааст ва дорои 7 шуъбаву 200 кати хоб мебошад. Бо баистифодадиҳии бинои нав шуъбаҳои Беморхонаи клиникии рақами 1-шаҳри Хуҷанд ба 18 ва катҳои хоб ба 660 расид, ки имконияти фарогирии беморонро бо ташхису табобат васеъ гардонид.

Беморхона бо дастгоҳу таҷҳизоти муосири соҳа, аз ҷумла томографияи рақамӣ, рентгени рақамӣ, сабти барқии дил, дастгоҳҳои нафасдиҳии сунъӣ, дастгоҳи ташхиси ултрасадо, таҷҳизоти муосир барои ташхис ва табобати гурда ва дигар намуди дастгоҳҳои безараргардонӣ, дастгоҳҳои озмоишии истеҳсоли кишварҳои пешрафтаи олам таъмин мебошад.