Мулоқоти Раиси вилоят бо директори тиҷоратии ширкати «Новапорт»-и Федератсияи Россия

Имрӯз Раиси вилояти Суғд Раҷаббой Аҳмадзода директори тиҷоратии ширкати «Новапорт»-и Федератсияи Россия Сергей Дмитриевро ба ҳузур пазируфт.

Дар мулоқот масоили ҳамкории тарафайн ва густариши он мавриди муҳокима қарор гирифт.

Раиси вилоят зимни суҳбат аз талошу кӯшишҳои сарони ду давлат Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Федератсияи Россия Владимир Путин дар самти густариши хамкории мутақобила ва зиёд намудани мубодилаи молу маҳсулот байни ду кишвар ёдовар гашт.

Таъкид гардид, ки рушди ҳамкорӣ дар бахши хизматрасонӣ мусофирон тавассути ширкатҳои ҳавоӣ боиси зиёд гаштани рафту омади шахрвандон ва ҷалби ҳарчи бештари сайёҳон ба вилояти Суғд мегардад.

Бахшида ба Иди байналмилалии Наврӯз мусобиқаи пойга ва бузкашӣ баргузор шуд

26 март дар ипподроми ҶСК ба номи Абдураҳим Ҷумъаеви ноҳияи Бобоҷон Ғафуров бахшида ба Иди байналмилалии Наврӯз мусобиқаи пойга ва бузкашӣ баргузор гардид.

Қабл аз оғози мусобиқаи пойга ва бузкашӣ Раиси вилояти Суғд Раҷаббой Аҳмадзода ва роҳбари Федератсияи миллии човандозон ва пойгаҳи аспдавонӣ Шермуҳаммад Шоҳиён иштирокчиён ва тамоми сокинони вилоятро бо Иди байналмилалии Наврӯз табрик намуданд. 

Таъкид гардид, ки дар доираи чорабиниҳои ҷашни Наврӯзи байналмилалӣ бо мақсади эҳёи анъанаҳои миллӣ, афзун намудани сафи дӯстдорони табиат ва рушди соҳаи асппарварӣ ҳамасола бозиҳои миллии пойга ва бузкашӣ ташкил карда мешавад. 

Барои пойгоҳи обкашии «Мирзочӯл-2» муҳаррики нав харидорӣ кар­да шуд

Раиси вилояти Суғд Раҷаббой Аҳмадзода дар ноҳияи Зафаробод бо вазъи корҳои васлу насби муҳаррики нав дар пойгоҳҳои обкашии «Мирзочӯл-2» шинос гардид.

Тавре маълум аст, за­минҳои ноҳияи Зафаро­бод таввассути пойго­ҳҳои обкашӣ обёрӣ га­рдида, саҳми кишовар­зони ноҳия дар таъми­ни амнияти озуқавории мамлакат назаррас мебошад. Бо назардош­ти куҳна гардидани агрегати пойгоҳҳои об­кашӣ онҳо дар чанд соли ахир бо мушкил кор мекарданд ва ҳама­кнун бо дастгирии Пе­швои миллат муҳтарам Эмомалӣ Раҳмон барои пойгоҳи обкашии «М­ирзочӯл-2» аз Ҷумҳур­ии мардуми Чин муҳар­рики нав харидорӣ ка­рда шуд.   

Зимни шиносоӣ иттилоъ дода шуд, ки бо на­зардошти зарурияти пойгоҳҳои обкашӣ дар солҳои оянда низ муҳ­аррикҳои нав харидорӣ карда мешавад.

Машварати кории Раиси вилояти Суғд Раҷаббой Аҳмадзода

25 март дар толори мақомоти иҷроияи ҳокимияти давлатии вилоят машварати кории Раиси вилояти Суғд Раҷаббой Аҳмадзода баргузор гардид.

Раиси вилоят дар машварат иброз дошт, ки мақомоти иҷроияи ҳокимияти давлатии вилоят тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати таъмини рушди соҳаҳои иқтисодиву иҷтимоӣ аз тамоми имкониятҳо истифода бурда, барои бо дастовардҳои арзанда истиқбол гирифтани ҷашни 35-солагии Истиқлоли давлатии Ҷумҳурии Тоҷикистон тадбирҳои заруриро амалӣ менамояд. Дар ин росто дар шаҳру ноҳияҳои вилоят бунёду азнавсозии беш аз 12 ҳазор иншоот ба нақша гирифта шуда, корҳои созандагӣ бо суръат идома дорад. 

Бо таҳлили вазъи соҳаҳо роҳбари вилоят барои бунёди корхонаҳои нави саноатӣ, воридсозии таҷҳизоти муосир ва ташкили хатҳои нави истеҳсолӣ, ташкили ҷойҳои нави корӣ, фаъолсозии корхонаҳои бозистода, зиёд намудани истеҳсоли маҳсулоти воридотивазкунанда ба масъулини соҳаи саноат супоришҳои мушаххас дод. 

Мулоқот бо директори генералии корхонаи муштараки "Зарафшон"

Раиси вилояти Суғд Раҷаббой Аҳмадзода директори генералии корхонаи муштараки "Зарафшон" Чан Яо Минро ба ҳузур пазируфт. 

Аснои суҳбат таъкид гардид, ки корхонаи муштарак ба истихроҷ ва коркарди маъдани куҳӣ ва истеҳсоли маҳсулоти соҳа машғул буда, дар он беш аз 2800 нафар кор мекунанд ва маоши баланд мегиранд.

Дар асоси дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо саҳми корхона корхонаҳои нав ба фаъолият шурўъ карда, дар саноатикунонии босуръати мамлакат нақши бориз мегузоранд. Яке аз чунин корхонаҳо ба истеҳсоли мис машғул аст ва маҳсулот содиротӣ мебошад. Коргоҳи мазкур иқтидори коркарди 165 ҳазор тонна консентрати дорои мис ва тиллоро дар як сол дошта, маҳсулоти ниҳоии аълосифатро аз он истеҳсол менамояд. Маврид ба зикр аст, ки аз ин миқдор консентрати коркардшуда миси катодӣ, ҳамчунин ба миқдори муайян тилло ва нуқра истеҳсол карда мешавад. То ба сохта ба истифода додани корхонаи мазкур хокаи консентрати дорои мис ҳамчун ашёи хом ба дигар давлатҳо барои коркарду истеҳсоли маҳсулоти ниҳоӣ содирот карда мешуд.