Имрӯз Раиси вилояти Суғд Раҷаббой Аҳмадзода ба қисми низомии 3501-и Қӯшунҳои дохилии Раёсати ВКД ҶТ дар вилояти Суғд ташриф овард.

Раиси вилоят афсарону сарбозони қисми низомиро бо Рӯзи кормандони милитсия, ки ҳамасола 10 ноябр таҷлил мегардад, табрик намуд.

Қайд карда шуд, ки мақомоти корҳои дохилӣ дар тули таърихи мавҷудияти худ ва дар давраи соҳибистиқлолии давлатамон аз тамоми санҷишҳои талхи таърихӣ гузашта, дар таъмини амнияти давлату миллат саҳми арзанда гузоштааст.

Аз рўзҳои таъсисёбиаш милитсияи тоҷик роҳи душвору сангинро тай намуда, дар саҳифаҳои худ қањрамониву мардонагии зиёдеро дарҷ намудааст. 

Тавре қаблан хабар дода будем, Муассисаи давлатии “Қароргоҳи Сарвари давлати Ҷумҳурии Тоҷикистон дар шаҳри Хуҷанд” соҳиби бинои нав хоҳад шуд.

Бунёди бинои нав ба ҷои бинои қаблии қароргоҳ дар доираи корҳои ободониву созандагӣ ба истиқболи 35-солагии Истиқлоли давлатии Ҷумҳурии Тоҷикистон сурат мегирад.

Тибқи лоиҳаи пешакӣ иншоот дорои толорҳои хурду бузург барои гузаронидани чорабиниҳои сатҳи минтақавию байналмилалӣ, мулоқоту вохӯриҳои дуҷониба ва бисёрҷониба, қабули меҳмонон, меҳмонхона ва дигар инфрасохтори зарурӣ хоҳад шуд. 

Маҳалли ҷойгиршавии қароргоҳ, ки дар маркази шаҳри Хуҷанд аст, барои қабулу гусели меҳмонон низ мувофиқ мебошад.

Дар доираи омодагиҳо ба ҷашни 35-солагии Истиқлоли давлатии Ҷумҳурии Тоҷикистон Боғи фарҳангию фароғатии «Ғалаба”-и шаҳри Хуҷанд ба таҷдиду навсозӣ фаро гирифта мешавад. 

Боғи фарҳангию фароғатии "Ғалаба" дар микроноҳияи 18-уми маҳаллаи “Мевағул” ва дар канори дарёи Сир ҷойгир буда, беш аз 6 гектар масоҳат дорад.

9 ноябр лоиҳаи навсозии Боғи фарҳангию фароғатии «Ғалаба” –и шаҳри Хуҷанд муаррифӣ карда шуд.

Зимни муаррифии лоиҳа масъулин ба Раиси вилояти Суғд Раҷаббой Аҳмадзода маълумот доданд, ки масоҳати умумии иншоот 6 гектар буда, дар он бо усулҳои нави меъморӣ бо назардошти фаввораҳо, катҳои истироҳатӣ, чархофалаку атраксионҳои замонавӣ барои сокинон, алахусус кӯдакон бунёд ва васлу насб карда мешавад. Ҳамзамон сафолакпӯш кардани роҳравҳо, сабзазоркунӣ ва гулпӯшкунӣ, панҷарабандии атрофи боғ, ороиши ҷӯйборҳо бо сангҳои табиӣ ва чароғонкунии роҳравҳову гирду атрофи боғ ва ғайраҳо ба нақша гирифта шудааст.

7 ноябри соли 2024 дар Кохи фарҳанги ба номи Абӯабдуллоҳи Рӯдакӣ бахшида ба Рўзи кормандони милитсия ҷаласаи тантанавӣ баргузор гардид.

Раиси вилояти Суғд Раҷаббой Аҳмадзода зимни иштирок дар ҳамоиши идона тамоми кормандони милитсия ва собиқадорони соҳаро бо иди касбиашон табрик гуфта, ба онҳо саломатӣ ва дар фаъолияти пуршарафи хизмати содиқона ба халқу Ватан муваффақият орзу намуд.

Тазаккур дода шуд, ки расидан ба истиқлоли давлатӣ дар таърихи рушди милитсияи тоҷик давраи навро оғоз намуд ва шароит фароҳам овард, ки кормандони ин ниҳод бо дарки масъулият, ҳисси баланди миллӣ ва эҳсоси гарми ватандӯстиву ватанпарастӣ ба хотири ҳимояи ин неъмати арзишмандтарин, яъне истиқлолу озодӣ вазифаи муқаддасу ҷонии худро сарбаландона ба ҷой оваранд.

Зеро дар ҳама давру замонҳо пешрафти ҳаёти давлат ва ҷомеа аз суботу амният ва таъмини оромиву тартиботи ҷамъиятӣ вобастагии мустақим дорад, ки иҷрои ин вазифаи муҳим ба зиммаи кормандони мақомоти ҳифзи ҳуқуқ ва сохторҳои низомӣ, алалхусус мақомоти корҳои дохилӣ вогузор шудааст.