Баргузории ярмарка-фурӯши маҳсулоти кишоварзӣ

Азназаргузаронӣ: 4295

Чун анъана имрӯз дар назди Театри давлатии мазҳакаи мусиқии ба номи Камоли Хуҷандии маркази вилоят ярмарка-фурӯши маҳсулоти кишоварзӣ ташкил карда шуд.

Раиси вилояти Суғд Раҷаббой Аҳмадзода аз ярмаркаи мазкур боздид намуд ва барои бо нархҳои дастрас ба аҳолӣ пешниҳод намудани маводи ғизоӣ ба масъулини Сарраёсати кишоварзӣ ва дигар сохторҳои марбута супоришҳо дод. Таъкид карда шуд, ки ярмарка-фурӯши маҳсулоти кишоварзӣ дар асоси дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мунтазам доир шуда, ҳадаф аз роҳандозии ин иқдом таъмини  фаровонии дастархони мардум мебошад.

Пешвои миллат Эмомалӣ Раҳмон Намояндаи махсуси Иттиҳоди Аврупо оид ба Афғонистон Томас Никлассонро ба ҳузур пазируфтанд

Азназаргузаронӣ: 4480

Имрӯз дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Намояндаи махсуси Иттиҳоди Аврупо оид ба Афғонистон ҷаноби Томас Никлассонро, ки бо сафари корӣ дар Душанбе қарор дорад, ба ҳузур пазируфтанд.

Дар мулоқот ҷонибҳо перомуни муносибатҳои гуногунҷанбаи Тоҷикистону Иттиҳоди Аврупо ибрози андеша намуда, масоили таъмини амнияти минтақавиро аз ҷумлаи самтҳои муҳими шарикӣ донистанд.

Паёми табрикии Раиси вилоят ба муносибати Рӯзи иқтисодчиён

Азназаргузаронӣ: 4198

Муҳтарам кормандони соҳаи иқтисод!

Тибқи қонуни Ҷумҳурии Тоҷикистон “Дар бораи рӯзҳои ид” санаи 8 апрел ҳамчун Рӯзи иқтисодчиён ба қайд гирифта шуда, ҳамасола ин сана дар сатҳи баланд таҷлил мегардад.

Боиси таъкид аст, ки саҳми кормандони соҳаи иқтисод дар таъмини рушду нумӯи иқтисодиёти кишвар беандоза буда, вазифаи басо пурмасъулият, яъне ҳамоҳангсозии фаъолияти соҳаҳои хоҷагии халқ бар ӯҳдаи онҳо вогузор гардидааст.

Дар ҶДММ «Спитамен» хатти нави истеҳсолӣ фаъол карда мешавад

Азназаргузаронӣ: 4413

Дар Ҷамъияти дорои масъулияти маҳдуди «Спитамен» васлу насби хатти нави истеҳсолӣ ҷараён дошта, бо ба охир расидани корҳо ҳаҷми истеҳсоли маҳсулот зиёд ва маҳсулот ба кишварҳои Қазоқистону Ӯзбекистон содирот карда мешавад. Дар ин бора зимни боздиди Раиси вилояти Суғд Раҷаббой Аҳмадзода аз корхонаи мазкур иттилоъ дода шуд.

Ҷамъияти дорои масъулияти маҳдуди «Спитамен» аз калонтарин корхонаҳои саноатии ноҳияи Деваштич аст, ки бо тамғаи «Оҳаки Ғончӣ» маҳсулоти сохтмонӣ истеҳсол мекунад. Муассисони корхона бо назардошти панҷсолаи рушди саноат эълон шудани солҳои 2022-2026 тасмим гирифтанд, ки фаъолиятро тақвият бахшида, хатти навро фаъол созанд.

Раиси вилоят Раҷаббой Аҳмадзода оилаи ҳунарманди шодравон Дамирбек Олимовро аёдат кард

Азназаргузаронӣ: 3235

6 апрел Раиси вилояти Суғд Раҷаббой Аҳмадзода дар доираи сафари корӣ ба ноҳияи Деваштич оилаи ҳунарманди маҳбуб, шодравон Дамирбек Олимовро аёдат кард.

Дар суҳбат бо падари ҳунарманди шодравон Ботур Олимов роҳбари вилоят аз хизматҳои Дамирбек Олимов дар рушди санъати тоҷик ситоиш карда, даргузашти марҳумро, ки ҳанӯз 33 сол дошт, талафоте барои фарҳангу ҳунар арзёбӣ кард. Гуфта шуд, ки суруду таронаҳое, ки Дамирбек Олимов иҷро кардааст, дар хазинаи фарҳанги миллат маҳфуз хоҳад монд.

Мақолаҳои боқимонда...