Ҷаласаи фаъолон оид ба ҷамъбасти натиҷаҳои рушди иҷтимоию иқтисодии вилоят дар семоҳаи якуми соли 2022

Азназаргузаронӣ: 5270

11-уми апрели соли равон дар толори калони мақомоти иҷроияи ҳокимияти давлатии вилоят маҷлиси фаъолон оид ба ҷамъбасти натиҷаҳои рушди иҷтимоию иқтисодии вилоят дар семоҳаи якуми соли 2022 баргузор гардид.

Дар маҷлиси ҷамъбастӣ муовини аввал, муовинони Раиси вилоят, роҳбари дастгоҳи Раиси вилоят, раисони шаҳру ноҳияҳо, роҳбарони воҳидҳои сохтории мақомоти иҷроияи ҳокимияти давлатии вилоят, мақомоти ҳифзи ҳуқуқ, сардорони ташкилоту идораҳо, намояндагони  воситаҳои ахбори оммаи вилоят, раисони ҷамоатҳои шаҳраку деҳот, мудирони шуъбаҳои маориф, ҷавонон ва варзиш, кор бо занон, масъулини соҳаҳои тандурустӣ, кишоварзии шаҳру ноҳияҳои вилоят иштирок намуданд.

Боздиди соҳибкорони Россия ва Фаронса аз намоишгоҳи маҳсулоти кишоварзӣ ва саноатӣ

Азназаргузаронӣ: 3074

10 апрел гуруҳи соҳибкорон аз Федератсияи Россия ва Ҷумҳурии Фаронса аз намоишгоҳи маҳсулоти кишоварзӣ ва саноатӣ, ки дар Боғи миллии "Ваҳдат" ташкил карда шуд, боздид  намуданд.

Зимни муаррифии маҳсулоти дар вилоят истеҳсолшаванда маълумот дода шуд, ки дар Суғд беш аз 700 корхонаи саноатӣ фаъолият дошта, ҳаҷми истеҳсоли маҳсулоти саноатӣ сол ба сол зиёд шуда истодааст. Аз ҷумла, дар 3 моҳи соли 2022 ба маблағи 5,4 млрд. сомонӣ маҳсулот истеҳсол гардид. Бархе номгӯи маҳсулоти истеҳсолшаванда, аз ҷумла нӯшокиҳои гуногун, шириниҳо ва хушкмеваву афшураи он ба хориҷи мамлакат содирот карда шудааст.

Мулоқоти Раиси вилоят Раҷаббой Аҳмадзода бо Патрик Хоффман

Азназаргузаронӣ: 5699

10 апрел Раиси вилояти Суғд Раҷаббой Аҳмадзода соҳибкор аз Ҷумҳурии Фаронса Патрик Хоффманро ба ҳузур пазируфт.

Зимни суҳбат ҷонибҳо оид ба роҳандозии ҳамкориҳои мутақобилан судманд мубодилаи афкор намуданд.

Раиси вилоят ба соҳибкор доир ба вазъи соҳаҳои саноату кишоварзӣ маълумот дод.

Мулоқоти Раиси вилоят Раҷаббой Аҳмадзода бо Президенти Палатаи савдо ва саноати вилояти Липетск Анатолий Голтсов

Азназаргузаронӣ: 4041

Рӯзи якшанбеи 10 апрел ҳайати соҳибкорони вилояти Липетски Федератсияи Россия бо роҳбарии Президенти Палатаи савдо ва саноати вилояти Липетск Анатолий Голтсов ба вилояти Суғд ташриф овард.

Раиси вилояти Суғд Раҷаббой Аҳмадзода дар мулоқоти дуҷониба бо Президенти Палатаи савдо ва саноати вилояти Липетск Анатолий Голтсов меҳмононро ба Суғди бостонӣ хайрамақдам гуфта, изҳори боварӣ кард, ки сафари навбатии соҳибкорону масъулони вилояти Липетск ба вилояти Суғд ба ҳамкориҳои дуҷониба такони нав хоҳад бахшид.

Дар ноҳияи Зафаробод 140 гектар замини бекорхобида ба гардиши кишоварзӣ ворид карда шуд

Азназаргузаронӣ: 3908

Дар ноҳияи Зафаробод бо ташаббуси соҳибкорони маҳаллӣ як пойгоҳи хурди обкашӣ фаъол ва 140 гектар замини бекорхобида ба гардиши кишоварзӣ дароварда шуд. Дар ин бора имрӯз, 9 апрел зимни сафари кории Раиси вилояти Суғд Раҷаббой Аҳмадзода ба ноҳияи Зафаробод иттилоъ дода шуд.

Тибқи иттилои масъулини ноҳияи Зафаробод дар партави дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти истифодаи самараноки замин, ба гардиши кишоварзӣ ворид намудани заминҳои бекорхобида, ташкили боғҳои интенсивӣ ва зиёд намудани ҷойҳои корӣ бо иқдоми соҳибкорони маҳаллӣ дар 150 гектар замин, ки солҳои зиёд инҷониб бекор хобида буд, боғҳои нави себ, олу ва чормағз бунёд карда шуд.

Мақолаҳои боқимонда...