Мақомоти иҷроияи ҳокимияти
давлатии вилояти Суғд
Дар доираи сафари ҳайати вилояти Суғд ба шаҳри Анталияи Ҷумҳурии Туркия мулоқоти соҳибкорони ду тараф баргузор гардид.
Соҳибкорон дар формати В2В мулоқот карда, доир ба имкониятҳои мавҷудаи ду ҷониб, роҳҳои ба роҳ мондани ҳамкориҳои мутақобилан судманд, ташкили тиҷорат ва корхонаҳои хурду миёнаи муштарак, фазои сармоягузорӣ ва дастгирии давлатӣ мубодилаи афкор намуданд.
Дар рӯзи нахустини сафар ба Ҷумҳурии Туркия ҳайати вилояти Суғд бо роҳбарии Раиси вилояти Суғд Раҷаббой Аҳмадзода аз гармхонаҳои шаҳри Анталия боздид намуд.
Чуноне иттилоъ дода шуд, дар Анталия теъдоди зиёди гармхонаҳои инноватсионӣ мавҷуд буда, саҳми ин вилоят дар истеҳсоли маҳсулоти кишоварзӣ назаррас аст. Илова бар ин, марказҳои зиёди парвариши гулу ниҳолҳои ороишӣ фаъолият дошта, тарзу усули муосири парвариш истифода мегардад.
Дар шаҳри Анталияи Ҷумҳурии Туркия Раиси вилояти Суғд Раҷаббой Аҳмадзода ва ҳайати ҳамроҳро волии Анталия Эрсин Язичӣ ба ҳузур пазируфт.
Зимни суҳбат Раиси вилояти Суғд Раҷаббой Аҳмадзода аз густариши робитаҳои иқтисодӣ, тиҷоратӣ ва фарҳангӣ миёни Ҷумҳурии Тоҷикистон ва Ҷумҳурии Туркия изҳори хушнудӣ намуда, таъкид кард, ки бо сиёсати роҳбарони олии ду кишвар Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Туркия муҳтарам Реҷеп Тайип Эрдоган мамлакатҳо муносибатҳои хуби дӯстона доранд.
Дар асоси дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти ҷалби сармоя ва таҳкими муносибатҳои иқтисодиву фарҳангӣ бо шарикони рушд ҳайати вилояти Суғд бо роҳбарии Раиси вилояти Суғд Раҷаббой Аҳмадзода ба Ҷумҳурии Туркия сафар кард.
Ҳадаф аз сафари ҳайат ба Ҷумҳурии Туркия ба роҳ мондани ҳамкориҳои судманд, густариш додани муносибатҳои тиҷоративу иқтисодӣ бо минтақаю шаҳрҳои Анталия, Қайсарӣ ва Истанбул буда, зимни сафари расмӣ намояндагони вилояти Суғд аз корхонаҳои саноатӣ, минтақаҳои озоди иқтисодӣ боздид карда, бо фаъолияти бахшҳои муҳими соҳаи кишоварзӣ шинос хоҳанд шуд.
16 май Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Москваи Федератсияи Русия дар мулоқоти сарони давлатҳои аъзои Созмони Аҳдномаи амнияти дастҷамъӣ (СААД) иштирок ва суханронӣ карданд. Дар ин бора ба АМИТ «Ховар» дар Хадамоти матбуоти Президенти Ҷумҳурии Тоҷикистон хабар доданд.
Дар мулоқоти сарони давлатҳои аъзои Созмон Президенти Ҷумҳурии Тоҷикистон муҳтарам Эмомалӣ Раҳмон, Сарвазири Ҷумҳурии Арманистон Никол Пашинян, Президенти Ҷумҳурии Беларус Александр Лукашенко, Президенти Ҷумҳурии Қазоқистон Қосим-Жомарт Токаев, Президенти Ҷумҳурии Қирғизистон Садир Жапаров, Президенти Федератсияи Русия Владимир Путин ва Дабири кулли СААД Станислав Зас иштирок намуданд.
