Барои меҳмонон барномаи рангини консертӣ пешниҳод гардид

Шоми 18 июн дар Қасри Арбоб барои меҳмонон ва иштирокчиёни Намоишгоҳи байналмилалии савдо «Суғд-2024» барномаи рангини консертӣ пешниҳод карда шуд.

Аҳли фарҳанги вилояти Суғд ва ҳунармандони вилояти Тошканди Ҷумҳурии Ӯзбекистон барномаи ҷолиби консертиро пешниҳод намуда, табъи меҳмононро болида намуданд. 

Иштирокчиёни намоишгоҳи байналмилалӣ бо ҳунару санъати волои миллати тоҷик ошноӣ пайдо карданд. 

Ёдовар мешавем, ки ҷиҳати иштирок дар Намоишгоҳи байналмилалии савдо "Суғд-2024" беш аз 500 нафар меҳмонон ба вилояти Суғд ташриф оварданд.

Маросими кушодашавии даҳумин Намоишгоҳи байналмилалии «Суғд-2024»

Нимаи дуюми рӯзи 18 июн дар Қасри варзиши шаҳри Хуҷанд маросими кушодашавии даҳумин Намоишгоҳи байналмилалии савдо «Суғд-2024» баргузор гардид.

Дар маросими кушодавшавии чорабинини сатҳи баланд муовини Сарвазири Ҷумҳурии Тоҷикистон Сулаймон Зиёзода, Раиси вилояти Суғд Раҷаббой Аҳмадзода, намояндагони вазорату идораҳои ҷумҳуриявӣ, ҳокими вилояти Тошканди Ҷумҳурии Ӯзбекистон Зоир Мирзоев, ҳокими вилояти Намангони Ҷумҳурии Ӯзбекистон Шавкатҷон Абдуразоқов, ҳокими вилояти Сирдарёи Ҷумҳурии Ӯзбекистон Акмалҷон Маҳмудалиев, губернатори вилояти Пензаи ФР Олег Мелниченко, ноиб-президенти Палатаи савдо ва саноати Федератсияи Россия Падалко Владимир, сафирон ва намояндагони корпусҳои димломатии Туркия, Ӯзбекистон, Арабистони Саудӣ, Озарбойҷон, Ҷопон, Эрон, Беларус, Туркманистон, Словакия, Лаҳистон, Покистон, Федератсияи Россия, Қирғизистон, Қазоқистон, соҳибкорону сармоягузорони вилоятҳои Нижегород, Москва, Свердловск, Пенза, Липетск, Челябинск, Воронежи Федератсияи Россия, шаҳри Шимкенти Ҷумҳурии Қазоқистон, шаҳри Ганҷаи Озарбойҷон, вилоятҳои Тошканд, Намангон, Фарғона, Самарқанд, Бухоро, Сирдарёи Ҷумҳурии Ӯзбекистон, музофоти Шенсии Ҷумҳурии мардумии Чин, ташкилотҳои байналмилалӣ ва шарикони рушд, дар маҷмуъ беш аз 500 нафар меҳмонони дохиливу хориҷӣ иштирок намуданд.

Форуми "Имкониятҳои тиҷоратию сармоягузорӣ ва дурнамои рушди минтақа"

18 июн дар ҳошияи Ярмаркаи байналмилалии савдо "Суғд-2024" дар Театри давлатии мазҳакаи мусиқии ба номи Камоли Хуҷандӣ таҳти унвони "Имкониятҳои тиҷоратию сармоягузорӣ ва дурнамои рушди минтақа" форум баргузор гардид.

Дар кори форум муовини Сарвазири Ҷумҳурии Тоҷикистон Сулаймон Зиёзода, Раиси вилояти Суғд Раҷаббой Аҳмадзода, намояндагони вазорату идораҳои ҷумҳуриявӣ, ҳокими вилояти Тошканди Ҷумҳурии Ӯзбекистон Зоир Мирзоев, ҳокими вилояти Намангони Ҷумҳурии Ӯзбекистон Шавкатҷон Абдураз­оқов, ҳокими вилояти Сирдарёи Ҷумҳурии Ӯзбекистон Акмалҷон Маҳмудалиев, губернатори вилояти Пензаи ФР Олег Мелниченко, ноиб-президенти Палатаи савдо ва саноати Федератсияи Россия Падалко Владимир, муовинони як қатор вилоят ва шаҳру ноҳияҳои кишварҳои дӯст, сафирони кишварҳои гуногун, соҳибкорону сармоягузорони дохилу хориҷ иштирок доштанд.

Раиси вилояти Суғд Раҷаббой Аҳмадзода зимни суханронии худ меҳмононро ба Суғди бостонӣ хайрамақдам гуфта, ташкили Намоишгоҳи байналмилалии савдо «Суғд-2024» ва форуми мазкурро як қадами муҳим дар роҳи рушд ва таҳкими муносибатҳои мутақобилан судманди тиҷоратию иқтисодӣ, фарҳангӣ ва дӯстонаи байни кишварҳо арзёбӣ кард.

Мулоқоти Раҷаббой Аҳмадзода бо ҳокими вилояти Тошканд Зоир Мирзоев

Барои иштирок дар Ярмаркаи байналмилалии савдо «Суғд-2024» наздик 40 нафар кормандони ниҳодҳои давлатӣ ва соҳибкорони вилояти Тошканди Ҷумҳурии Ӯзбекистон бо роҳбарии ҳокими вилояти Тошканд Зоир Мирзоев ба вилояти Суғд ташриф оваранд.

Раиси вилояти Суғд Раҷаббой Аҳмадзода ҳокими вилояти Тошканд Зоир Мирзоев ва ҳамроҳонашро ба ҳузур пазируфт.

Зимни суҳбат роҳбарони вилоятҳо таъкид карданд, ки бо дастгириҳои доимии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Узбекистон муҳтарам Шавкат Мирзиёев ҳамкориҳои байни минтақаҳои ду кишвар тавсеа ёфта, робитаҳои дӯстона мустаҳкам гардида истодааст.

Мулоқоти Раҷаббой Аҳмадзода бо ҳокими вилояти Намангон Ша­вкатҷон Абдуразоқов

Раиси вилояти Суғд Раҷаббой Аҳмадзода ҳо­кими вилояти Наманго­ни Ҷумҳурии Ӯзбекист­он Шавкатҷон Абдураз­оқовро ба ҳузур пази­руфт.

Ҳайати вилояти Наман­гон бо роҳбарии ҳоки­ми вилоят барои ишти­рок дар Ярмаркаи ба­йналмилалии савдо «С­уғд-2024» ба вилоят ташриф овард.

Аснои мулоқот роҳбар­они вилоятҳо аз густ­ариши ҳамкории мутақ­обилан судманд, ки самараи сиёсати оқило­наи сарони давлатҳо Асосгузори сулҳу ваҳ­дати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳм­он ва Президенти Ҷум­ҳурии Узбекистон муҳ­тарам Шавкат Мирзиёев аст, изҳори қаноат­мандӣ намуданд.

Раиси вилояти Суғд Раҷаббой Аҳмадзода аз тақвияти робитаҳои дӯстона бо вилоятҳои Ҷумҳурии Ӯзбекистон истиқбол карда, бар­ои боз ҳам тавсеа ёф­тани муносибатҳо омо­дагии худро изҳор до­шт. Таъкид карда шуд, ки соҳибкорони ду вилоят метавонанд дар соҳаҳои саноату ки­шоварзӣ тарҳҳои барои ҳарду ҷониб манфиа­тбахшро амалӣ созанд.