Пешвои миллат Эмомалӣ Раҳмон дар мақомоти суд, прокуратура ва сохторҳои қудратии кишвар таъйиноти кадрӣ ба амал оварданд

Азназаргузаронӣ: 3466

19 август Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Қасри миллат кадрҳоеро, ки ба вазифаҳои пурмасъул дар мақомоти суд, прокуратура ва сохторҳои қудратии кишвар таъйин гардиданд, барои суҳбат ба ҳузур пазируфтанд.

Бо фармонҳои Президенти Ҷумҳурии Тоҷикистон дар мақомоти Суди Олӣ, Прокуратураи генералӣ, Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон, Вазорати мудофиа, Қӯшунҳои сарҳадии Кумитаи давлатии амнияти миллии Ҷумҳурии Тоҷикистон ва дигар сохторҳои қудратӣ кормандони ҷавону ботаҷриба ва корозмуда ба вазифаҳои масъулиятнок таъйин шуданд.

Шиносоии Раиси вилоят бо ҷараёни корҳои ободонию созандагӣ дар Хуҷанд

Азназаргузаронӣ: 3588

18 август Раиси вилояти Суғд Раҷаббой Аҳмадзода дар шаҳри Хуҷанд бо рафти корҳои ободонию созандагӣ ва бунёди иншооти гуногун шинос гардид.

Ба истиқболи 30-солагии Иҷлосияи 16-уми Шӯрои Олии Ҷумҳурии Тоҷикистон ва 31-солагии Истиқлоли давлатӣ дар шаҳри Хуҷанд сохтмони корхонаҳои истеҳсолӣ, биноҳои баландошёнаи замонавӣ, муассисаҳои таҳсилоти миёнаи умумӣ ва ғайраҳо ҷараён дошта, корҳои ободонию бунёдкорӣ вусъат ёфта истодааст.

Аёдати собиқадорони меҳнат дар шаҳри Хуҷанд

Азназаргузаронӣ: 3764

18 август Раиси вилояти Суғд Раҷаббой Аҳмадзода дар шаҳри Хуҷанд чанде аз собиқадорони соҳаҳои маорифу тандурустиро аёдат кард.

Раиси вилоят аз ҷумла аз ҳоли собиқадори соҳаи маориф Рафоат Раҳимова, собиқадорони соҳаи тандурустӣ Латофат Раҷабова, Фазилат Эргашева, Юсуф Ҷабборов хабар гирифта, ба онҳо кӯмакҳои моддӣ расонид.

Таҷлили Рӯзи кормандони соҳаи тиб

Азназаргузаронӣ: 4016

Имрӯз дар Кохи фарҳанги ба номи Абӯабдуллоҳи Рӯдакӣ бахшида ба Рӯзи кормандони соҳаи тиб чорабинии тантанавӣ доир гардид.

Раиси вилояти Суғд Раҷаббой Аҳмадзода кормандони соҳаи тибро бо иди касбӣ, ки ҳамасола 18-уми август таҷлил мешавад, табрик намуд.

Оғози сохтмони бинои иловагии Маркази саратоншиносии вилояти Суғд

Азназаргузаронӣ: 3423

Имрӯз бо иштироки Раиси вилояти Суғд Раҷаббой Аҳмадзода дар Маркази саратоншиносии вилояти Суғд ба сохтмони бинои иловагӣ оғоз бахшида шуд.

Раиси вилоят дар суҳбат бо кормандони соҳаи тиб онҳоро бо иди касбиашон табрик гуфта, қайд намуд, ки бо дастгириҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар вилояти Суғд ба рушди соҳаи тиб ва фароҳамсозии шароити замонавии корӣ барои табибон тадбирҳои зарурӣ амалӣ карда мешавад. Таъкид гардид, ки чанд рӯз қабл бинои Беморхонаи клиникавии шаҳрии рақами як дар Хуҷанд пас аз таъмири куллӣ бо иштироки Пешвои муаззами миллат мавриди истифода қарор гирифт, ки дар натиҷа барои фаъолияти духтурон шароити мусоид фароҳам оварда шуд.

Мақолаҳои боқимонда...