Имрӯз Раиси вилояти Суғд Раҷаббой Аҳмадзода бошандагони Мактаб-интернати Мақомоти иҷроияи ҳокимияти давлатии вилояти Суғдро аёдат кард.

Раиси вилоят тарбиятгирандагони мактаб-интернатро ба муносибати Соли нави мелодӣ табрик гуфта, қайд кард, ки бо дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон имрӯзҳо дар тамоми муассисаҳои иҷтимоии шаҳру ноҳияҳо чорабиниҳои идона доир шуда истодааст. Давлату Ҳукумат пайваста қишри ниёзманди ҷомеаро таҳти ғамхорӣ қарор дода, ба таълиму тарбияи кӯдакони бепарастор диққати махсус зоҳир менамояд.

30 декабр Раиси вилояти Суғд Раҷаббой Аҳмадзода дар шаҳри Бӯстон аз қисмҳои низомӣ боздид карда, афсарону сарбозонро аёдат намуд.

Раиси вилоят афсарону сарбозони қисмҳои низомиро бо фарорасии Соли нави мелодии 2023 табрику таҳният гуфта, ба онҳо сиҳату саломатӣ, хотирҷамъӣ ва дар иҷрои хизмати Ватан барору комёбиҳо таманно кард.

Қайд карда шуд, ки бо шарофати соҳибистиқлолии мамлакат ва дастгириҳои Пешвои миллат, Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон дар қисмҳои низомӣ баро адои хизмати ҳарбӣ тамоми шароити зарурӣ фароҳам оварда шуда, ҷавонони шуҷову далер бо сари баланд қарзи фарзандии худро адо менамоянд.

30 декабр Раиси вилояти Суғд Раҷаббой Аҳмадзода аз ду қисми низомии мустақар дар ноҳияи Бобоҷон Ғафуров боздид намуда, ҳайати шахсии қисмҳои низомиро бахшиди ба Соли нави мелодӣ табрик кард.

Раиси вилоят дар суҳбат бо афсарону сарбозон иброз дошт, ки аз ҷониби Пешвои миллат, Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон ба такмили қисмҳои низомӣ, беҳтар гардонидани шароити зиндагӣ, интизоми ҳайати шахсӣ ва омодагии ҷангии онҳо мунтазам таваҷҷӯҳи хоса зоҳир гардида, дар заминаи дастуру супоришҳои Пешвои муаззами миллат мақомоти иҷроияи ҳокимияти давлатии вилоят ҷиҳати беҳтар намудани базаи моддӣ-техникии қисмҳои ҳарбии ҳудуди вилоят чораҳои заруриро амалӣ менамояд.

Сокинони шарафманди вилоятро бо фарорасии Соли нави мелодии 2023 табрику таҳният гуфта, ба ҳамагон сиҳату саломатӣ, хотирҷамъӣ ва барори кору муваффақиятҳо таманно дорам.

Ифтихору сарбаландии мост, ки ба шарофати сиёсати хирадмандона, иқдомҳои некбинона ва ташаббусҳои созандаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соли 2022 дар саҳифаҳои таърихи давлатдории навини миллати тоҷик бо ҳарфҳои заррин сабт мегардад.