Мақомоти иҷроияи ҳокимияти
давлатии вилояти Суғд
Дар деҳаи Ғӯсари Ҷамоати деҳоти ба номи Лоиқ Шералии шаҳри Панҷакент меҳмонхонаи замонавӣ ба истифода дода шуд.
Дар маросими ифтитоҳи иншоот, ки ба истиқболи 35-солагии Истиқлоли давлатии Ҷумҳурии Тоҷикистон аз ҷониби соҳибкорони маҳаллӣ сохта шудааст, Раиси вилояти Суғд Раҷаббой Аҳмадзода ширкат варзид. Раиси вилоят бунёди чунин иншооти замонавиро муҳиму саривақтӣ арзёбӣ карда, таъкид кард, ки Панҷакенти бостонӣ аз минтақаҳои сайёҳӣ аст ва ташкили инфрасохтор амри зарурӣ мебошад.
9 март дар шаҳри Панҷакент бо иштироки Раиси вилояти Суғд Раҷаббой Аҳмадзода маркази хизматрасонии тибии «Ансорӣ» ба истифода дода шуд.
Марказ дар хиёбони ба номи Абӯабдуллоҳи Рӯдакии шаҳр ҷойгир буда, дар он барои ташхису табобат шароити мусоир фароҳам оварда шудааст. Раиси вилоят бунёди иншоотро муҳиму саривақтӣ арзёбӣ карда, иброз дошт, ки таъсиси марказҳои ташхисиву табобатии хусусӣ талаботи рӯз ба шумор меравад. Раиси вилоят масъулини Раёсати тандурустӣ, роҳбарият ва кормандони маркази тибби хусусиро вазифадор намуд, ки хизматрасонӣ дар сатҳи баланд ва дастрас ба роҳ монда шавад.
9 март Раиси вилояти Суғд Раҷаббой Аҳмадзода ба шаҳри Панҷакент сафар карда, бо ҷараёни корҳои ободониву созандагӣ шинос гардид ва дар маросими ифтитоҳи як қатор иншооти иҷтимоӣ иштирок намуд.
Дар доираи корҳои ободониву созандагӣ ба истиқболи 35-солагии Истиқлоли давлатии Ҷумҳурии Тоҷикистон дар Панҷакент сохтмони иншооти гуногун идома дорад. Дар пайравӣ ба сиёсати пешгирифтаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соҳибкорону саховатмандон дар бунёди иншооти иҷтимоӣ, аз ҷумла мактабу синфхонаҳои иловагӣ саҳм гузошта истодаанд. Бо ҳузури роҳбари вилоят дар деҳаи Бостондеҳи деҳоти Саразм бинои нави муассисаи таълимӣ мавриди истифода қарор гирифт, ки бо саҳмгузории соҳибкорон ва дастгирии мақомоти иҷроияи маҳаллӣ сохта шудааст. Аз ҷумла Қиёмиддин Абулхайров маблағҳои барои сафари ҳаҷ ҷамъоваринамудаи худро барои иҷрои кори хайр сарф намуда, дар беҳтарсозии шароити таълиму тарбияи хонандагон саҳм гузошт.
Дар асоси Қонуни Ҷумҳурии Тоҷикистон “Дар бораи рӯзҳои ид” ҳамасола 11 март ҳамчун Рӯзи матбуот таҷлил карда мешавад. Ба ин муносибат кормандони воситаҳои ахбори омма ва собиқадорони соҳаро бо иди касбӣ табрик гуфта, ба онҳо хушиҳои рӯзгор ва тандурустиву фатҳи қуллаҳои нави эҷодиро таманно менамоям.
Нақши матбуот ва дигар воситаҳои ахбори омма дар пешрафти ҷомеа назаррас буда, аҳли қалам бо инъикоси комёбиҳои замони соҳибистиқлолии мамлакат ва ҷараёни корҳои ободониву созандагӣ дар ташаккули афкори солим саҳм мегузоранд.
6 марти соли 2023 дар Қасри маданияти Арбоб бахшида ба Рӯзи Модар бо иштироки беш аз 700 нафар занону бонувон чорабинии калони идона баргузор гардид.
Раиси вилояти Суғд Раҷаббой Аҳмадзода зимни суханронии худ тамоми тамоми модарону бонувони вилоятро табрик гуфта, иброз дошт, ки бузургдошти Рўзи Модар дар қаламрави кишвар аз таваҷҷўҳи пайвастаи давлату Ҳукумат ва арҷгузорӣ ба рисолати муқаддаси ин олиҳаи зиндагист, зеро модарону бонувони азизи мо дар амалӣ гардидани ҳадафҳои созандаву бунёдкоронаи кишвар саҳми арзандаи худро гузошта истодаанд.
