Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нахуст ба шаҳри Бӯстон ташриф оварда, обанбори шабакаи оби нӯшокиро бо ғунҷоиши 1000 метри мукааб барои таъмини беш аз 5000 ҳазор нафар аҳолии шаҳри Бӯстон мавриди истифода қарор доданд.

Тавре ба Сарвари давлат иттилоъ дода шуд, сохтмони иншооти оби нушокӣ марҳилаи навбатии татбиқи созишномаи сеҷонибаи Корхонаи воҳиди давлатии “Хоҷагии манзилию комуналии Ҷумҳурии Тоҷикистон”, Бонки Аврупоии таҷдид ва рушд ва “Лоиҳаи барқарорсозии шабакаҳои обтаъминкунии шаҳрҳои шимоли Тоҷикистон” маҳсуб меёбад, ки бо дастгирии Ҳукумати ҷумҳурӣ ба маблағи 18 миллиону 964 ҳазор доллари америкоӣ амалӣ шудааст.

Субҳи 13 ноябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади иштирок дар тантанаҳои ҷашни 30-юмин солгарди Иҷлосияи таърихии XVI Шӯрои Олии Ҷумҳурии Тоҷикистон, ифтитоҳи як қатор иншооти соҳаҳои гуногун ва суҳбату мулоқот бо сокинон бо сафари корӣ ба вилояти Суғд ташриф оварданд.

Дар Фурудгоҳи байналмилалии Хуҷанд Пешвои миллат муҳтарам Эмомалӣ Раҳмонро Раиси вилояти Суғд Раҷаббой Аҳмадзода ва дигар масъулон гарму самимӣ истиқбол гирифтанд.

12 ноябри соли 2022 заркорони ноҳияи Спитамен аз иҷрои нақшаи истеҳсоли пахта гузориш доданд.

Аз номи кишоварзони ноҳия раиси ин​ ноҳия Темурҷон Нуъмонзода муждаи зафарро ба Раиси вилояти Суғд Раҷаббой Аҳмадзода супорид.

Ба иттилои раиси ноҳия кишоварзони ноҳияи Спитамен соли равон дар 6031 гектар пахта кишт карда, аз пахтазор ҳосили фаровон рӯёниданд. 12 ноябр заркорони ноҳия нақшаи пешбинишударо 100,1 фоиз иҷро карда, дар маҷмуъ​ 13971 тонна «тиллои сафед» истеҳсол намуданд.​ ​ ​

12 ноябри соли 2022 дар Театри мазҳакаи мусиқии ба номи Камоли Хуҷандии шаҳри Хуҷанд конференсияи ҷумҳуриявии илмӣ-назариявӣ таҳти унвони «Иҷлосияи ХVI Шўрои Олии Ҷумҳурии Тоҷикистон ва нақши Пешвои миллат муҳтарам Эмомалӣ Раҳмон дар бунёди давлатдории миллӣ» баргузор гардид.

Дар кори конференсияи ҷумҳуриявӣ шахсиятҳои муътабар ва шинохтаи кишвар, вакилони Иҷлосияи XVI Шўрои Олии Ҷумҳурии Тоҷикистон, даъвати дувоздаҳум, ходимони намоёни давлатию сиёсӣ ва ҷамъиятӣ, олимон, ректорони муассисаҳои таҳсилоти олии касбӣ, аҳли ҷамоатчигии вилояти Суғд, намояндагони ташкилотҳои ҷамъиятӣ, собиқадорон, намояндагони занон ва ҷавонони фаъол иштирок доштанд.