Имрӯз маҷлиси васеи Ҳукумати Ҷумҳурии Тоҷикистон баргузор гардид

Азназаргузаронӣ: 200

24 январ дар бинои Ҳукумати Ҷумҳурии Тоҷикистон таҳти раёсати Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси васеи Ҳукумати Ҷумҳурии Тоҷикистон баргузор гардид.

Дар кори маҷлис роҳбарият ва аъзои Ҳукумати кишвар, Дастгоҳи иҷроияи Президенти Ҷумҳурии Тоҷикистон ва воҳидҳои сохтории он, роҳбарони мақомоти марказии давлатӣ, идораҳои назди Президент ва Ҳукумат, корхонаю муассисаҳои ҷумҳуриявӣ, раисони вилоятҳо ва шаҳру ноҳияҳо, роҳбарони муассисаҳои таҳсилоти олӣ, марказҳои татбиқи лоиҳаҳои давлатии сармоягузорӣ, бонкҳои давлатӣ ва саҳҳомӣ, рӯзномаю маҷаллаҳои расмӣ ва дигар шахсони масъул иштирок карданд.

Мулоқоти Раиси вилоят бо муассиси корхонаҳои саноатии ҶДММ «Ҷавонӣ» ва ҶДММ «САТН» Имерио Такелла

Азназаргузаронӣ: 350

Раиси вилояти Суғд Раҷаббой Аҳмадзода муассиси корхонаҳои саноатии ҶДММ «Ҷавонӣ», ҶДММ «САТН» ва роҳбари ширкати маъруфи итолёвии «Carrera» Имерио Такелларо ба ҳузур пазируфт.

Зимни суҳбат ҷонибҳо аз ҳамкории дуҷониба ва саҳми корхонаҳои саноатии ҶДММ «Ҷавонӣ» ва ҶДММ «САТН» дар рушди иқтисодиёти вилоят изҳори қаноатмандӣ карданд.

Шиносоии Раиси вилоят бо фаъолияти корхонаҳои саноатӣ дар Хуҷанд

Азназаргузаронӣ: 292

19 январ Раиси вилояти Суғд Раҷаббой Аҳмадзода дар шаҳри Хуҷанд бо фаъолияти чанд корхонаи саноатӣ шинос гардида, барои истифодаи пурраи иқтидорҳои истеҳсолӣ ба масъулин супоришҳо дод.

Нахуст роҳбари вилоят аз ҶДММ «Раҳимов» боздид намуд ва тавре иттилоъ дода шуд самти асосии фаъолияти корхонаи мазкур асосан  истеҳсоли либоси варзишии кимано буда, бо ин мақсад дастгоҳу таҷҳизоти зарурӣ васлу насб ва мутахассисон ба кор ҷалб гардидаанд.

Машварати кории Раиси вилояти Суғд Раҷаббой Аҳмадзода

Азназаргузаронӣ: 297

Дар толори хурди мақомоти иҷроияи ҳокимияти давлатии вилоят машварати кории Раиси вилояти Суғд Раҷаббой Аҳмадзода баргузор гардид.

Дар машварат муовини якум ва муовинони Раиси вилоят, роҳбари дастгоҳи Раиси вилоят, роҳбарони воҳидҳои сохтории мақомоти иҷроияи ҳокимияти давлатӣ, раисони шаҳру ноҳияҳо, роҳбарони корхонаҳои саноатӣ иштирок намуданд.  

Раиси вилоят машварати кориро оғоз намуда, қайд кард, ки дар ҷаласа масъалаҳои қабули ӯҳдадориҳои корхонаҳои саноатӣ барои соли 2023, таъмини иҷрои қисми даромади буҷет дар моҳи январи соли 2023 ва вазифаҳои минбаъда, ҷараёни корҳои кишоварзӣ дар шаҳру ноҳияҳо, рафти омодагӣ ба даъвати баҳории соли 2023, таъмини толибилмон бо либоси мактабӣ ва рафти зимистонгузаронӣ дар соҳаи маориф ва нигаҳдории тандурустӣ, рафти иҷрои Қонуни Ҷумҳурии Тоҷикистон «Дар бораи муроҷиатҳои шахсони воқеӣ ва ҳуқуқӣ» аз ҷониби мақомоти иҷроияи ҳокимияти давлатии шаҳру ноҳияҳо баррасӣ мегардад.

Шиносоии Раиси вилоят бо сохтмони фабрикаи парандапарварӣ ва гармхона дар ноҳияи Бобоҷон Ғафуров

Азназаргузаронӣ: 221

Дар доираи корҳои ободониву созандагӣ ба истиқболи 35-солагии Истиқлоли давлатии Ҷумҳурии Тоҷикистон дар ноҳияи Бобоҷон Ғафуров бунёди иншооти гуногун ва азхудкунии заминҳои нав идома дорад.

17 январ Раиси вилояти Суғд Раҷаббой Аҳмадзода зимни боздиди корӣ аз ноҳия бо корҳои сохтмонии як қатор иншооти ҷашнӣ шинос шуд. Раиси вилоят аз ҷумла сохтмони фабрикаи парандапарварии ҶДММ «Анқо»-ро мавриди таваҷҷуҳ қарор дод. Ба иттилои масъулин фабрикаи парандапарварӣ барои парвариши 350 ҳазор сар мурғ пешбинӣ шуда, айни замон васлу насби таҷҳизот идома дорад. Бо ба охир расидани корҳои сохтмонӣ даҳҳо нафар бо ҷойи корӣ ва маоши хуб таъмин гардида, истеҳсоли маҳсулоти воридотивазкунанда ба роҳ монда хоҳад шуд.

Мақолаҳои боқимонда...