Раиси вилояти Суғд Раҷаббой Аҳмадзода дар ноҳияи Спитамен ба дидорбинии собиқадорони меҳнат рафта, ба онҳо аз номи Президенти мамлакат муҳтарам Эмомалӣ Раҳмон кӯмакҳои моддӣ расонид.

Раҷаббой Аҳмадзода аз ҷумла ба манзили собиқадори соҳаи маориф Дилбар Раҳимбоева собиқадори ҷангу меҳнат Абдулло Ҷӯраев омада, бо онҳо суҳбати самимӣ анҷом дод. Аснои суҳбат тазаккур дода шуд, ки мақомоти иҷроияи ҳокимияти давлатии вилоят дар партави дастуру ҳидоятҳои Пешвои миллат муҳтарам Эмомалӣ Раҳмон ҳамеша хизматҳои собиқадоронро қалр менамояд.

Моҳи феврали соли равон​ Раиси вилояти Суғд​ Раҷаббой Аҳмадзода дар шаҳри Москва бо роҳбарияти гурӯҳи ширкатҳои "БТК Групп" мулоқот намуда, таваҷҷуҳи сармоягузорони русро ба​ коркарди пахта ва истеҳсоли маҳсулоти ниҳоӣ дар заминаи корхонаи "СпитаменТекстайл"​ ҷалб намуда буд. Дар натиҷа гуруҳи масъулини гурӯҳи ширкатҳои "БТК Групп" ба ноҳияи Спитамен омада, айни замон барои рушди пахтакорӣ сармоягузорӣ намуда истодаанд.

Зимни боздиди Раиси вилоят аз ноҳияи Спитамен иттилоъ дода шуд, ки соҳибкорони рус барои истеҳсоли пахта сармоягузорӣ намуда, техникаву таҷҳизоти заруриро ворид намудаанд. Бо гирифтани ҳосили дилхоҳ коркарди пахта ва истеҳсоли маҳсулоти тайёр аз пахта ба роҳ монда шуда, садҳҳо нафар бо ҷойи корӣ таъмин карда мешаванд.

ҶДММ «Султони ҳаким» дар ноҳияи Спитамен пас аз ворид намудани таҷҳизоти муосир дубора ба фаъолият пардохт. Корхонаи мазкур ба истеҳсоли орд машғул буда, бо навсозии таҷҳизоти истеҳсолӣ фаъолиятро азсар гирифт ва шумораи коргарони он 20 нафарро ташкил медиҳад.

Раиси вилояти Суғд Раҷаббой Аҳмадзода аз корхонаи саноатӣ боздид намуда, фаъолияти онро таҳти таваҷҷуҳ қарор дод. Чуноне маълумот дода шуд, барои истеҳсоли орд 12 000 тонна гандум захира шуда, айни замон дар як шабонарӯз то 200 тонна орд истеҳсол гардида истодааст ва то охири сол наздик 50 000 тонна орд истеҳсол хоҳад шуд.

Раиси вилоят барои захираи бештари гандум ва зиёд намудани ҳаҷми истеҳсоли маҳсулот тавсияҳо дода, саҳми чунин корхонаҳоро дар истеҳсоли маҳсулоти аввалия назаррас арзёбӣ намуд.

Имрӯз дар шаҳри Хуҷанд даври вилоятии озмуни ҷумҳуриявии «Маҳсулот ва хизматрасонии беҳтарин дар Ҷумҳурии Тоҷикистон» баргузор гардид.

Раиси вилояти Суғд Раҷаббой Аҳмадзода зимни суханронии худ иброз дошт, ки дар доираи татбиқи дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади рушди соҳибкорӣ дар соҳаи истеҳсолӣ, баланд бардоштани сифат ва рақобатпазирии маҳсулоти ватанӣ, мусоидат ба саноатикунонии босуръати кишвар ва баланд бардоштани сатҳи хизматрасонии субъектҳои хоҷагидор, инчунин муаррифии имкониятҳои сайёҳӣ ва ҳунарҳои мардумӣ, бо ташаббуси Агентии Тоҷикстандарти назди Ҳукумати Ҷумҳурии Тоҷикистон ва дастгирии мақомоти иҷроияи ҳокимияти давлатии вилояти Суғд даври вилоятии озмуни «Маҳсулот ва хизматрасонии беҳтарин дар Ҷумҳурии Тоҷикистон» баргузор гардида истодааст.