Дар шаҳри Конибодом аз оғози моҳи апрел парвариш ва нигоҳубини кирмак ба роҳ монда шудааст.​

Раиси вилояти Суғд Раҷаббой Аҳмадзода аснои сафари корӣ ба Конибодом ба манзили оилаи Лазизовҳо омада, барои саҳми арзандаашон дар истеҳсоли пилла туҳфаҳои хотиравӣ супорид.

Таъкид карда шуд, ки пилла ашёи хоми саноатӣ буда, рушди кирмакпарварӣ боиси фаъолияти муназзами корхонаҳои саноатӣ мегардад. Оилаи Лазизовҳо соли равон як қутӣ кирмак гирифта, азм дорад то 50 тонна пилла ба даст оварад.

Зимнан маълумот дода шуд, ки соли ҷорӣ дар шаҳру деҳоти Конибодом 1050 қуттии кирмак тақсим карда шуда, шуруъ аз 1-уми май қабули пилла оғоз меёбад.​

Конибодом аз минтақаҳои кишоварзии вилоят ба ҳисоб рафта, сокинонаш анвои гуногуни маҳсулоти кишоварзиро кишту парвариш менамоянд. Заминаи асосии фаровонҳосилиро таъмини саривақтии деҳқонон бо оби полезӣ ташкил медиҳад. Бо ин мақсад айни замон кашидани хатти оби полезӣ аз дарёи Сир то ба заминҳои корам ва боғоти деҳоти Ҳамробоев ва Лоҳутӣ босуръат ҷараён дорад.​

Рафти корҳои васлу насби қубурҳои обгузарро Раиси вилояти Суғд Раҷаббой Аҳмадзода зимни сафари кории худ ба Конибодом мавриди таваҷҷӯҳ қарор дод. Тавре иттилоъ дода шуд, бо дастгирии бевоситаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон лоиҳаи мазкур амалӣ гардида, ба масофаи 12 км бо ду хат, яъне дар умум 24 км то ба канали Фарғона об бароварда мешавад. Бо ин мақсад қубурҳои қутрашон 530 миллиметрӣ насб гардида, ҳамзамон як пойгоҳи обкашӣ низ бунёд меёбад. Корҳои пудратиро ҶДММ “Куркат 2015” ба зимма дошта, то кунун аллакай наздик 3 км қубурҳо васлу насб гардидааст. Оби полезӣ бо як бардошт ба баландии 62 метр бароварда шуда, боиси беҳтар гардидани ҳолати мелиоративии наздик 3 ҳазор гектар замин мегардад.​

Раиси вилояти Суғд Раҷаббой Аҳмадзода бо фаъолияти пойгоҳҳои обкашии ноҳияи Бобоҷон Ғафуров​ шинос шуд.

Раиси вилояти Суғд зимни боздид аз пойгоҳҳои обкашӣ иброз дошт, ки тибқи дастуру супоришҳои Асосгузори сулҳу ваҳдати миллӣ​ —​ Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон​ вобаста ба таъмини​ рушди соҳаи кишовразӣ ва истифодаи оқилонаи обу замин дар вилояти Сугд тадбирҳои судманд амалӣ гардида истодааст.

Бо​ мақсади сари​ вақт ба мавсими обёрӣ омода намудани пойгоҳҳои обкашӣ​ ва иншооти обрасонии шаҳру ноҳияҳо​ аз ҳисоби буҷети вилоят кариб 12 млн.сомонӣ маблағ ҷудо гардида,​ як қисми он ба ноҳияи Бобоҷон Ғафуров равона шудааст. Аз ҳисоби маблағҳои ҷудошуда​ муҳаррикҳои барқӣ ва​ дастгоҳҳои обкашӣ харидорӣ шуда,​ фаъолияти​ пойгоҳҳои обкашии “Сомғор-1”,​ “Фарҳод-2”,​ ​ “Юбилейний-1”,​ “Юбилейний-2”,​ “Қоҳиров”,​ “ЗОС” беҳтар гардонида мешавад.

Имрӯз мардуми кишвар бо шукргузорӣ аз фазои орому осудаи Ватани азизамон Иди саиди Фитрро таҷлил намуда, намози идро барпо доштанд.

Раиси вилояти Суғд Раҷаббой Аҳмадзода ба масҷиди марказии шаҳри Хуҷанд омада, фарорасии Иди саиди Фитрро ба сокинони вилоят табрик намуд.

Қайд карда шуд, ки мардуми вилоят дар моҳи мубораки Рамазон дар баробари анҷом додани фаризаҳои динӣ фаъолиятро дар самти рушди соҳаҳои иҷтимоию иқтисодӣ ва пурнозу неъмат гардонидани дастархони халқ тақвият бахшида, суннату ойинҳои неки аҷдодӣ, аз ҷумла амалҳои хайру саховат ва бахшандагиро боз ҳам вусъат бахшиданд.