Раиси вилояти Суғд Раҷаббой Аҳмадзода бо ҷараёни корҳои ободониву созандагӣ дар Фурудгоҳи байналмилалии Хуҷанд шинос гардид.
Дар Фурудгоҳи байналмилалии Хуҷанд ба истиқболи ҷашни 35-солагии Истиқлоли давлатӣ ва боз ҳам баланд бардоштани сатҳу сифати хизматрасонӣ ба мусофирон, ҳамзамон саҳм гузоштан дар рушди соҳаи сайёҳӣ ва бо ин васила ҷалби бештари сайёҳони дохилу хориҷ корҳои созандагиву ободонӣ бомаром идома дорад.
Мусаллам аст, ки имрӯз нисбат ба даҳ соли пеш ҳамлу нақли ҳавоии мусофирон дар ҷумҳурӣ рушд ёфта, сатҳу сифати хизматрасонӣ тадриҷан беҳтар гардидааст. Аз ин хотир дар Фурудгоҳи байналмилалии Хуҷанд тӯли чанд соли охир ҷиҳати баланд бардоштани сатҳу сифат ва маданияти хизматрасонӣ ба мусофирон, таъмини сатҳи баланди бехатарии авиатсионӣ ва бехатарии парвозҳо, ба хусус, ҷиҳати мутобиқ намудани фурудгоҳ ба талаботҳо ва стандартҳои байналмилалӣ корҳои зиёде анҷом дода шуданд. Дар ин замина барои нигаҳдории мошинҳо дар минтақаи истгоҳи мошинҳои махсус боксҳо бо ғунҷоиши 20 нақлиёт бунёд гардида, дар ошёнаи дуюми бинои мазкур утоқҳои корӣ барои кормандон сохта мешаванд. Дастур дода шуд, ки бештар сохтмончиён ба корхои сохтмонӣ ҷалб ва сифати корҳо назорат карда шавад. Масъулин вазифадор шуданд, ки сохтмончиёнро бештар ба корҳои бунёдкорӣ дар ин иншоот ҷалб намуда, сифати корҳоро назорат намоянд.



Дар шаҳри Бӯстон Раиси вилояти Суғд Раҷаббой Аҳмадзода нахуст аз ҳоли собиқадори хизмати давлатӣ, собиқ Сарвазири Ҷумҳурии Тоҷикистон Оқил Оқилов хабар гирифт.



