Шиносоии Раиси вилоят бо мумфаршкунии роҳи деҳаи Навободи ноҳияи Бобоҷон Ғафуров

Азназаргузаронӣ: 2757

Дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва дар доираи нақша-чорабиниҳои омодагӣ ба ҷашни бузурги миллӣ 35- солагии Истиқлоли давлатии Ҷумҳурии Тоҷикистон дар ноҳияи Бобоҷон Ғафуров мумфаршкунии роҳҳои дохилӣ идома дорад.

Аз ҷумла, бо маблағгузории мақомоти иҷроияи ҳокимияти давлатии вилояти Суғд дар деҳаи Навободи ноҳия мумфаршкунии 7 км роҳ ҷараён дошта, имрӯз Раиси вилояти Суғд Раҷаббой Аҳмадзода бо рафти корҳои мумфаршкунӣ шинос шуд ва барои иҷрои босифати корҳои роҳсозӣ ба масъулин супоришҳо дод.

Паёми табрикии Раиси вилоят бахшида ба Рӯзи Фалак

Азназаргузаронӣ: 3083

Бо мақсади ҳифз намудан ва равнақ бахшидан ба санъати фалак бо ҳидояти Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар қаламрави кишвар ҳамасола санаи  10 – уми октябр Рӯзи Фалак таҷлил мегардад.

Ба ин муносибат, кулли фалаксароён, санъаткорон ва мухлисони ин санъати волоро табрику таҳният мегӯям.

Дар замони соҳибистиқлолии кишвар аз ҷониби роҳбарияти олии давлату Ҳукумати мамлакат нисбат ба рушди санъати фалак таваҷҷӯҳи хоса зоҳир гардида, бо Фармони Президенти Ҷумҳурии Тоҷикистон муҳтарам Эмомалӣ Раҳмон аз 16 ноябри соли 2001 ба ансамбли “Фалак” мақоми давлатӣ дода шуд. Боиси ифтихор аст, ки 15 декабри соли 2021 дар иҷлосияи ҶVI Кумитаи байниҳукуматӣ оид ба ҳифзи мероси фарҳанги ғайримоддии ЮНЕСКО номинатсияи мусиқии суннатии халқи тоҷик - “Фалак” ба Феҳристи мероси умумиҷаҳонии фарҳанги ғайримоддии ЮНЕСКО ворид гардид.

Иштироки Раиси вилоят дар ҳашари ниҳолшинонӣ

Азназаргузаронӣ: 3828

Дар асоси дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон корҳои ободонию созандагӣ дар вилояти Суғд вусъат меёбад.

Ба истиқболи 30-солагии Иҷлосияи 16-уми Шӯрои Олии Ҷумҳурии Тоҷикистон дар назди Қасри таърихии Арбоб бунёди боғи фарҳангию фароғатӣ ҷараён дошта, дар назар аст, ки то рӯзи ҷашн боз як иншооти фароғатӣ ба истифода дода шавад. Айни замон дар иншооти мазкур корҳо бомаром идома дошта, сохтмончиён машғули кор ҳастанд.

Президенти Ҷумҳурии Тоҷикистон Эмомалӣ Раҳмон дар вохӯрии ғайрирасмии сарони кишварҳои аъзои Иттиҳоди Давлатҳои Мустақил иштирок намуданд

Азназаргузаронӣ: 4001

7 октябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар вохӯрии ғайрирасмии сарони кишварҳои аъзои Иттиҳоди Давлатҳои Мустақил, ки дар шаҳри Санкт-Петербурги Федератсияи Россия баргузор гардид, иштирок намуданд.

Дар ҳамоиш сарони давлатҳои аъзои Иттиҳоди Давлатҳои Мустақил — Эмомалӣ Раҳмон, Илҳом Алиев, Никол Пашинян, Александр Лукашенко, Қосим-Жомарт Токаев, Владимир Путин, Шавкат Мирзиёев ва Сердар Бердимуҳаммадов иштирок карданд.

Сохтмони хонаҳои истиқоматӣ дар минтақаҳои наздисарҳадии Исфара идома дорад

Азназаргузаронӣ: 4994

Имрӯз Раиси вилояти Суғд Раҷаббой Аҳмадзода ба шаҳри Исфара омада, бо ҷараёни бунёди хонаҳои истиқоматии сокинон, ки дар натиҷаи муноқишаҳои марзӣ хароб гардида буд, шинос шуд.

Дар минтақаҳои наздисарҳадии Исфара айни замон корҳои бунёду барқарорсозӣ бо суръати баланд идома дошта, масъулин ва ҳашарчиён тасмим доранд, ки то охири моҳ сохтмони хонаҳоро ба анҷом расонанд. Сокинони шаҳри Исфара ва ҳашарчиён аз минтақаҳои гуногун, аз ҷумла донишҷӯёни муассисаҳои таълимӣ ба таври ихтиёрӣ ба кумаки зарардидагон омада, аҳлона барои сари вақт бо сарпаноҳ таъмин шудани сокинон меҳнат намуда истодаанд.

Мақолаҳои боқимонда...