27 сентябри соли 2022 дар толори хурди мақомоти иҷроияи ҳокимияти давлатии вилоят таҳти раёсати Раиси вилояти Суғд, Раиси Маҷлиси вакилони халқи вилоят Раҷаббой Аҳмадзода иҷлосияи дувоздаҳуми Маҷлиси вакилони халқи вилоят, даъвати шашум баргузор гардид.

Дар кори иҷлосия нахуст муовини Раиси вилоят Зариф Мирдадо дар бораи рафти иҷрои қарори Ҳукумати Ҷумҳурии Тоҷикистон аз 3 апрели соли 2021, №117 “Дар бораи Барномаи рушди соҳаи тухмипарварӣ дар Ҷумҳурии Тоҷикистон барои солҳои 2021-2025” гузориш дод.

Раиси вилояти Суғд Раҷаббой Аҳмадзода дар ноҳияи Бобоҷон Ғафуров бо рафти бартарафсозии оқибатҳои даргириҳои марзӣ шинос гардид.

Дар натиҷаи даргириҳои марзии рӯзҳои 14-17 сентябр дар ноҳияи Бобоҷон Ғафуров 16 манзили истиқоматии шаҳрвандон хароб шуда, якчанд манзили дигар осеб дидааст. Айни замон корҳои барқарорсозӣ дар хонаҳои вайроншуда идома дошта, барои анҷоми сохтмони манзилҳо аз ҷониби Ҳукумати мамлакат семент, шифер, арматура, хишт, тахта ва дигар масолеҳи сохтмонӣ дастрас гардидааст.

Ба зарардидагони даргириҳои марзӣ дар ноҳияи Бобоҷон Ғафуров низ кӯмакҳои моддии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дастрас карда шуд.

Раиси вилояти Суғд Раҷаббой Аҳмадзода бо сокинони ноҳияи Бобоҷон Ғафуров суҳбат намуда, таъкид кард, ки аз ҷониби Ҳукумати Ҷумҳурии Тоҷикистон ба ҳар як оилаи зарардида барои барқарор кардани хонаҳои истиқоматӣ ба миқдори зарурӣ семент, шифер, арматура, хишт, тахта ва дигар масолеҳи сохтмонӣ ҷудо гардид. Манзилҳои истиқоматии шаҳрвандон дар кутоҳтарин муддат бунёд ва бо тамоми ҷиҳози зарурӣ таъмин хоҳад шуд.

Аз  24 то 27  сентябр дар шаҳри Хуҷанд Ҷоми Президенти Ҷумҳурии Тоҷикистон оид ба  бокс миёни калонсолон баргузор шуд. Муштзанон аз рӯи 13 вазн сабқат карда, ғолибон муайян ва бо Ҷому тӯҳфаҳо сарфароз гардонида шуданд.

Дар мусобиқаи мазкур беш аз 100 нафар варзишгарон аз Тоҷикистон,  Ӯзбекистон ва Афғонистон ширкат варзиданд.