Раиси вилоят Раҷаббой Аҳмадзода сокинонро бо Иди Фитр табрик намуд

Азназаргузаронӣ: 1625

Имрӯз мардуми кишвар бо шукргузорӣ аз фазои орому осудаи Ватани азизамон Иди саиди Фитрро таҷлил намуда, намози идро барпо доштанд.

Раиси вилояти Суғд Раҷаббой Аҳмадзода ба масҷиди марказии шаҳри Хуҷанд омада, фарорасии Иди саиди Фитрро ба сокинони вилоят табрик намуд.

Қайд карда шуд, ки мардуми вилоят дар моҳи мубораки Рамазон дар баробари анҷом додани фаризаҳои динӣ фаъолиятро дар самти рушди соҳаҳои иҷтимоию иқтисодӣ ва пурнозу неъмат гардонидани дастархони халқ тақвият бахшида, суннату ойинҳои неки аҷдодӣ, аз ҷумла амалҳои хайру саховат ва бахшандагиро боз ҳам вусъат бахшиданд.

Боздиди Раиси вилоят аз гармхонаи "ММК Агро"

Азназаргузаронӣ: 1582

Имрӯз Раиси вилояти Суғд Раҷаббой Аҳмадзода бо фаъолияти гармхонаи "ММК Агро" шинос гардид.

Гармхонаи мазкур аз беҳтарин гармхонаҳои вилоят буда, масоҳати умумии он 5 гектарро ташкил медиҳад. Тавре иттилоъ дода шуд, дар гармхона 40 нафар бо кори доимӣ ва 100 нафар бо кори мавсимӣ ҷалб гардида, айни замон ҷамъоварии ҳосили помидор оғоз ёфтааст.

Мавриди зикр аст, ки парвариши помидор бо усулҳои пешқадами кишоварзӣ ба роҳ монда шуда, маҳсулоти истеҳсолшаванда ба бозорҳои ҷумҳурӣ бароварда мешавад.

Аёдати беморону ниёзмандон дар шаҳри Гулистон

Азназаргузаронӣ: 1969

Бо мақсади таъмини иҷрои дастуру супоришҳои Пешвои муаззами миллат муҳтарам Эмомалӣ Раҳмон имрӯз Раиси вилояти Суғд Раҷаббой Аҳмадзода дар шаҳри Гулистон аз ҳоли беморону ниёзмандон хабар гирифт.

Раиси вилоят аз ҷумла Далер Шомаҳмадовро, ки дар бистари беморӣ қарор дорад, аёдат намуда, ба ӯ кӯмакҳои моддӣ ва аробачаи маъюбӣ тӯҳфа кард.

Ҳамзамон Лола Абдулазизова ва оилаи ӯ низ ба ғамхорӣ фаро гирифта шуда, ба оилаи номбурда кӯмакҳо расонида шуд.

Боздиди Раиси вилоят аз қисмҳои ҳарбии мустақар дар ноҳияи Бобоҷон Ғафуров

Азназаргузаронӣ: 1950

Имрӯз Раиси вилояти Суғд Раҷаббой Аҳмадзода ба қисмҳои ҳарбии мустақар дар ноҳияи Бобоҷон Ғафуров ташриф оварда, афсарону сарбозонро ба муносибати фарорасии Иди саиди Фитр аз номи Пешвои миллат муҳтарам Эмомалӣ Раҳмон табрик намуд.

Аёдати беморону ниёзмандон дар шаҳри Исфара

Азназаргузаронӣ: 1914

Дар партави дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти дастгирии қишри ниёзманди ҷомеа Раиси вилояти Суғд Раҷаббой Аҳмадзода дар арафаи Иди саиди Фитр дар шаҳри Исфара беморону ниёзмандонро аёдат кард.

Раиси вилоят аз ҳоли Зулайхо Ҳусейнова, ки тарбияи наберагонашро ба уҳда дорад, хабар гирифта, фарорасии Иди Фитрро ба онҳо табрик намуд.

Сипас роҳбари вилоят ба дидорбинии маъюби гуруҳи якум Икромҷон Ҷалилов рафт. Аснои аёдат таъкид гардид, ки давлату Ҳукумати мамлакат қишри ниёзманди ҷомеа ва беморону калонсолонро мунтазам дастгирӣ менамояд.

Ба аёдатшудагон аз ҷониби Раиси вилоят кӯмакҳои моддӣ расонида шуд.

Мақолаҳои боқимонда...