Дар ноҳияи Ҷаббор Расулов барои дастрасии кишоварзон ба оби полезӣ 8 пойгоҳи обкашӣ фаъолияти муназзам дошта, ҳамарӯза то 4 метри кубӣ об ба деҳқонон дастрас карда мешавад.
Раиси вилояти Суғд Раҷаббой Аҳмадзода зимни боздид аз пойгоҳи обкашии “Деҳмой-4” ба масъулин ҷиҳати таъмини саривақтии заминҳои кишоварзӣ бо оби полезӣ супоришҳои мушаххас дода, таъкид дошт, ки имрӯзҳо корҳои саҳроӣ дар авҷ буда, барои гирифтани ҳосили дилхоҳ бояд ҳар як хоҷагии деҳқонӣ ба оби полезӣ сари вақт таъмин карда шавад. Пойгоҳи обкашии “Деҳмой-4” соли 1971 ба кор андохта шуда, тавассути он 280 гектар заминҳои корам обёрӣ мешавад. Дар ноҳияи Ҷаббор Расулов кишти баҳорӣ ҳанӯз аз оғози моҳи март шуруъ шуда, деҳқонон бо истифода аз таҷрибаҳои пешқадам барои гирифтани ҳосили баланд ҷаҳду талош меварзанд.
Дар ноҳияи Ҷаббор Расулов бо мақсади сазовор истиқбол гирифтани санаҳои фархундаву миллӣ корҳои ободониву созандагӣ вусъати тоза гирифта, кишоварзони ноҳия низ барои бо дастовардҳои баланди меҳнатӣ пешвоз гирифтани ҷашнҳои миллӣ дучанд заҳмат мекашанд. Раиси вилояти Суғд Раҷаббой Аҳмадзода зимни сафари корӣ ба ноҳияи Ҷаббор Расулов бо ҷараёни сохтмони иншоот ва вазъи соҳаи кишоварзӣ шинос гардид.
Дар ноҳияи Айнӣ Раиси вилояти Суғд Раҷаббой Аҳмадзода ба дидорбинии собиқадори меҳнат Тоғбой Каримов рафта, ба ӯ ва аҳли оилааш саломатии бардавомро орзу намуд. Иттилоъ дода шуд, ки Тоғбой Каримов соли 1932 дар деҳаи Урметан таваллуд шуда, солҳои зиёд дар тарбияи насли наврас саҳм гузоштааст. Оилаи Каримовҳоро дар мамлакат хуб мешиносанд ва Шоири халқии Тоҷикистон Толиб Карими Озарахш аз дастпарварони ин омӯзгор маҳсуб меёбад.
Раиси вилояти Суғд Раҷаббой Аҳмадзода дар ноҳияи Айнӣ бо фаъолияти корхонаи саноатии ҶДММ “ТВЕА Душанбе саноати кӯҳӣ” шинос гардид.
25 апрел дар ноҳияи Айнӣ ду майдончаи варзишӣ ба истифода дода шуд, ки дар расми ифтитоҳи иншооти варзишӣ Раиси вилояти Суғд Раҷаббой Аҳмадзода иштирок намуд.
