Бо мақсади амалӣ намудани нишондодҳои Паёми Президенти мамлакат ба Маҷлиси Олӣ дар шаҳри Хуҷанд бунёди як қатор корхонаҳои истеҳсолии воридотивазкунанда бомаром идома дорад.

Субҳи имрўз Раиси вилояти Суғд Раҷаббой Аҳмадзода бо мақсади ошноӣ аз раванди фаъолияти корхонаҳои саноатӣ бо чанде аз онҳо ошноӣ пайдо намуд.

Нахуст аз корхонаи “Комбинати консервабарории шаҳри Хуҷанд” боздид карда шуд. Зимни шиносоӣ маълум гардид, ки ин корхонаи мавсимӣ ба коркарди меваҳои шаҳрдбори Тоҷикистон машғул буда, алҳол зардолуҳои пешпазаки ноҳияи Аштро коркард намуда, дар зарфҳои шишагин пешкаши мизоҷон намуда истодааст.

Имрӯз бо мақсади иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Раиси вилояти Суғд Раҷаббой Аҳмадзода дар шаҳри Хуҷанд ҷавонони маъюбу камбизоатро аёдат кард.

Раиси вилоят аз ҳоли узви Иттифоқи нависандагони Тоҷикистон Сайёра Баҳодурзода, маъюби гуруҳи якум, сокини маҳаллаи Навбаҳор, ки муаллифи беш аз 7 китоб аз қабили “Шукуфаҳо”, “Оина меҳр”, "Дурахши ахтарон”, “Султони қалбам”, “Умеди висол” ва ғайраҳо мебошад ва сокини маҳаллаи “Сирдарё”, маъюби гуруҳи якум Зафарҷон Холматов хабар гирифта, ба онҳо кӯмакҳои моддӣ расонид.

22 май Раиси вилояти Суғд Раҷаббой Аҳмадзода дар ноҳияи Деваштич ҷавонони бемору ниёзмандро аёдат кард.

Раиси вилоят сокинони Ҷамоати деҳоти Ғазантарак ва Ҷамоати шаҳраки Ғончӣ Ином Муродов ва Бобоҷони Ғайратро аёдат намуда, онҳоро бахшида ба Рӯзи ҷавонони Тоҷикистон табрик гуфт.

Таъкид гардид, ки бо дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон роҳбарияти вилоят мунтазам ба қишри ниёзманди ҷомеа ва беморону калонсолон ғамхорӣ зоҳир карда, онҳоро дастгирӣ менамояд.

22 май Раиси вилояти Суғд Раҷаббой Аҳмадзода дар шаҳри Истаравшан ба муносибати Рӯзи ҷавонон ду нафар ҷавонони маъюб, яке аз онҳо устоди варзиши байналмиллалиро аёдат намуда, кӯмакҳои моддӣ ва тӯҳфаҳои хотиравии хешро тақдим дошт.

Аз ҷумла, аз ҷониби Раиси вилоят устоди варзиши байналмилалӣ Қодиров Акмал аёдат карда шуд. Қодиров Акмал 18 майи соли 1982 дар шаҳри Истаравшан таваллуд шуда, маъюби гуруҳи дуюм аст. Айни замон мавсуф новобаста аз имконияти маҳдуд варзишгар дар намуди дастхобонӣ мебошад, ки 30 карат чемпиони ҷумҳурӣ, 15 карат чемпиони Осиё, 9 карат ҷоизадори чемпионати ҷаҳон ва иштирокчии бозиҳои олимпии Токио мебошад.

Ҳамзамон ҷавони маъюб Комилов Наврузҷон аз ҷониби Раиси вилоят аёдат карда шуд. Комилов Наврузҷон соли 2002 дар деҳаи Қалъачаи Калон таваллуд ёфта, дар Коллеҷи санъати ба номи Содирхон Ҳофизи шаҳри Хуҷанд ба шуъбаи мусиқии анъанавии шаҳри Хуҷанд таҳсил менамояд. Нафақахӯр маъюби гурӯҳи 1-ум мебошад.