14 июли соли 2023 дар толори калони мақомоти иҷроияи ҳокимияти давлатии вилоят доир ба натиҷаҳои рушди иҷтимоию иқтисодии вилоят дар 6 моҳи соли 2023 ҷаласаи фаъолони вилоят баргузор гардид.

Дар ҷаласа, ки таҳти раёсати Раиси вилояти Суғд Раҷаббой Аҳмадзода ва бо ҳузури муовини Сарвазири мамлакат Сулаймон Зиёзода доир шуд, муовини якуми Раиси вилоят, муовинони Раиси вилоят, роҳбари дастгоҳи Раиси вилоят, роҳбарони воҳидҳои сохтории мақомоти иҷроияи ҳокимияти давлатии вилоят, мақомоти ҳифзи ҳуқуқ, ташкилоту идораҳои вилоятӣ, раисони шаҳру ноҳияҳо, сардухтурон, мудирони шуъбаҳои маориф, кумитаи идораи замини шаҳру ноҳияҳо, намояндагони воситаҳои ахбори омма, ходимони дин, раисони ҷамоатҳо, комисарони ҳарбӣ ва дигар шахсони масъул иштирок доштанд.

14 июл дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо иштироки Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ, Сарвазири мамлакат муҳтарам Қоҳир Расулзода, аъзои Ҳукумати кишвар, муовини якуми роҳбари Дастгоҳи иҷроияи Президенти Ҷумҳурии Тоҷикистон, Ёрдамчии Президент оид ба масъалаҳои иқтисодӣ ва роҳбарони як қатор идораву муассисаҳои давлатӣ машварати корӣ доир намуданд.

Дар кори машварат масъалаҳои вобаста ба беҳтар намудани нишондиҳандаҳои макроиқтисодӣ, раванди ташаккулёбии буҷети давлатӣ ва тадбирҳои вусъат додани ҳисоббаробаркунии ғайринақдӣ мавриди баррасӣ қарор дода шуд.

Аз ҷумла, оид ба васеъ намудани имкониятҳои ташаккулдиҳии маҷмӯи маҳсулоти дохилӣ, рушди соҳаҳои воқеии иқтисодиёт ва хизматрасониҳо, баланд бардоштани рақобатнокии корхонаҳои саноатии мамлакат, зиёд намудани лоиҳаҳои сармоягузорӣ, мукаммалсозии қонунгузорӣ дар самти сармоягузорӣ ва беҳтар гардонидани мавқеи Ҷумҳурии Тоҷикистон дар раддабандии созмонҳои байналмилалӣ муҳокимаронӣ доир гардид.

11 июли соли 2023 дар шаҳри Екатеринбурги Федератсияи Россия 13-умин Намоишгоҳи байналмилалии саноатии "ИННОПРОМ-2023" кори худро, ки 10 июл оғоз намуда буд, идома дод.

Ба мақсади расидан ба ҳадафҳои муайяннамудаи Ҳукумати Ҷумҳурии Тоҷикистон дар доираи панҷсолаи эъломшудаи рушди саноат (солҳои 2022-2026) ва бад-ин васила амалӣ намудани ҳадафи чоруми умумимиллии стратегии "Саноатикунонии босуръати кишвар"--аввалин маротиба--Гӯшаи намоишии маҳсулоти саноатии истеҳсоли ватанӣ дар масоҳати 240м2 дар тарҳи муосир ташкил карда шуд. 

Дар ин чорабинӣ Тоҷикистонро Вазири саноат ва технологияҳои нав Шералӣ Кабир, роҳбарияти сохторҳои давлатӣ ва корхонаҳои саноатии кишвар, ҳайати расмии вилояти Суғд бо роҳбарии Раиси вилояти Суғд Раҷаббой Аҳмадзода намояндагӣ намуданд.