24 июл Раиси вилояти Суғд Раҷаббой Аҳмадзода бо​ сохтмони бинои нави таълимии Донишгоҳи давлатии Хуҷанд ба номи академик Бобоҷон Ғафуров шинос гардид.

Сохтмони бинои нави таълимӣ​ ба истиқболи 35-солагии Истиқлоли давлатии Ҷумҳури Тоҷикистон ва​ бо мақсади муттаҳид намудани тамоми воҳидҳои сохтории Донишгоҳи давлатии Хуҷанд ба номи академик Бобоҷон Ғафуров ва ташкили маҷмааи комили таълимиву илмӣ, тарбиявиву варзишӣ дар канори биноҳои таълимии 1 ва 2-и донишгоҳ ҷараён дорад. Тибқи лоиҳа бино дорои​ 9 ошёна буда, ки дар умум барои 4 ҳазор нафар донишҷў пешбинӣ​ гардидааст.

Раиси вилоят зимни шиносоӣ барои бо сифати баланд ва бо истифода аз масолеҳи ватанӣ сохтани бинои таълимӣ ба роҳбарияти донишгоҳ тавсияҳо дод.​

Раиси вилояти Суғд Раҷаббой Аҳмадзода сардори Раёсати гумруки минтақаи Урали Федератсияи Россия Алексей Фроловро ба ҳузур пазируфт.

Дар мулоқот ҷонибҳо аз сатҳи кунунии муносибатҳои дӯстона ва иқтисодии ду мамлакат, ки натиҷаи сиёсати пешгирифтаи​ Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Федератсияи Россия Владимир Путин аст, изҳори қаноатмандӣ намуданд.

Таъкид карда шуд, ки соли 2022 ва нимсолаи якуми соли 223 байни вилояти Суғд ва минтақаҳои гуногуни ФР беш аз 100 меморандум ва шартномаҳои ҳамкорӣ имзо гардида, ҷонибҳо дар асоси ҳуҷҷатҳо ҳамкории хубро ба роҳ мондаанд.

Раиси вилояти Суғд Раҷаббой Аҳмадзода дар ноҳияи Бобоҷон Ғафуров бо ҷараёни кишти такрорӣ дар хоҷагиҳои кишоварзӣ шинос шуд.

Тавре мушоҳида гардид, дар бригадаи рақами 9 -и Ҷамъияти саҳомии кушодаи ба номи Абдураҳим Ҷумъаеви ноҳия айни замон кишти такрории зироатҳо гузаронида шуда, деҳқонон барои гирифтани ду-се ҳосил аз имкониятҳо истифода бурда истодаанд.

Дар заминҳои холишуда кишти тарбуз, лубиёгиҳо, ҷуворимакка, сабзӣ, бодиринг, карам, шалғам ба роҳ монда шуда, сабзиш ва нашъунамои зироат хуб арзёбӣ карда шуд.

Иттилоъ дода шуд, ки кишоварзони ноҳия то ин дам дар 3417 гектар кишти такрорӣ гузаронида, нақшаи пешбинишударо 110 фоиз иҷро намуданд.

Дар ноҳияи Бобоҷон Ғафуров ба истиқболи 35-солагии Истиқлоли давлатии Ҷумҳурии Тоҷикистон корҳои ободонию созандагӣ вусъат ёфта, бунёди иншооти гуногун идома дорад.

Раиси вилояти Суғд Раҷаббой Аҳмадзода зимни сафари корӣ бо рафти бунёдкориҳо шинос гардида, барои бо сифати хуб ба охир расонидани корҳо дар иншооти ҷашнӣ ба масъулин супоришҳо дод.

Аз ҷумла, зимни муаррифии лоиҳаи майдони Парчами давлатии Ҷумҳурии Тоҷикистон, ки дар шаҳраки Ғафуров сохта мешавад, дастур дода шуд, ки тамоми корҳои сохтмонӣ бояд назорати масъулин қарор дода шуда, барои истироҳату фароғати шаҳрвандон макони хуб омода гардад.

Майдони Парчами давлатӣ дар масоҳати 1,2 гектар бунёд гардида, баландии сутунпояи он 54 метр хоҳад шуд. Дар майдон гулгашту фаввораҳо, нишастгоҳу суҳбаткадаҳо сохта шуда, барои сокинон ва меҳмонони ноҳия шароити хуби истироҳатӣ фароҳам оварда мешавад.