Мақомоти иҷроияи ҳокимияти
давлатии вилояти Суғд
10 декабр дар Қасри варзиши шаҳри Хуҷанд маросими ҷамъбасти маъракаи пахтасупорӣ ва қадршиносии кишоварзони навоҳии пахтакор баргузор гардид.
Дар чорабинӣ Раиси вилояти Суғд Раҷаббой Аҳмадзода, муовини Сарвазири Ҷумҳурии Тоҷикистон Сулаймон Зиёзода, раисони шаҳру ноҳияҳо, кормандони ташкилоту идораҳо иштирок намуданд.
Кишоварзони вилояти Суғд бо меҳнати фидокорона ва талошу заҳмати аҳлона нақшаи истеҳсоли пахтаро иҷро намуданд.
10 декабр сардори Сарраёсати кишоварзии вилояти Суғд Маъруфҷон Шарифиён ба Раиси вилояти Суғд Раҷаббой Аҳмадзода аз номи пахтакорони вилоят "Муждаи зафар"-ро расонида, хабар дод, ки 9 декабр нақшаи истеҳсоли пахта 100,1 фоиз иҷро гардид.
Кишоварзони вилоят соли равон тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон масоҳати кишти пахтаро ба 57159 гектар расонида, уҳдадор шуда буданд, ки 133 800 тонна "тиллои сафед" ҷамъоварӣ намоянд.
9 декабр Раиси вилояти Суғд Раҷаббой Аҳмадзода дар шаҳри Хуҷанд ба манзили якчанд нафар собиқадорони арсаи меҳнат, аз ҷумла собиқадори соҳаи тиб Фрҳод Юсупов, собиқадорони соҳаи хизматрасонӣ Назарбобо Пўлодов ва Омина Пўлодова, Табиби халқии собиқ ИҶШС Малика Холматова рафта, онҳоро аёдат намуд.
Раиси вилояти Суғд Раҷаббой Аҳмадзода пирони рўзгордидаро аз номи Пешвои миллат, Президенти мамлакат муҳтарам Эмомалӣ Раҳмон аёдат намуда, зикр дошт, ки собиқадорони меҳнат зери таваҷҷуҳи доимии давлату Ҳукумат қарор дошта, эшон хазинаи тиллоӣ ва тарбиятгару раҳнамои ҷавонони соҳибистиқлоли мамлакат мебошанд.
8 декабр Раиси вилояти Суғд Раҷаббой Аҳмадзода дар шаҳри Гулистон собиқадорони меҳнатро аёдат кард.
Раиси вилоят аз ҳоли Насриддин Бадриев ва Акбаралӣ Усмоналиев хабар гирифта, бо пирони рӯзгор суҳбати самимӣ анҷом дод. Иттилоъ дода шуд, ки Насриддин Бадриев соли 1954 таваллуд шуда, пас аз хасти донишгоҳи тиббӣ солҳои зиёд ҳамчун духтури амрози дарунӣ дар Беморхонаи марказии шаҳри Гулистон кор кардаааст.
Акбаралӣ Усмоналиев соли 1953 таваллуд шуда, зиёда аз 30 сол дар соҳаи маориф кору фаъолият намуда, дар таълиму тарбияи насли наврас саҳми шоиста гузоштааст.
Дар шаҳри Гулистон бо ташаббуси ҶДММ «Мурғи бебаҳо» ва ҶДММ «Ганҷи сомон» бунёди фабрикаҳои парандапарварӣ идома дошта, бо фаъол шудани онҳо даҳҳо нафар соҳиби ҷойи корӣ мегарданд. 8 декабр Раиси вилояти Суғд Раҷаббой Аҳмадзода бо ҷараёни бунёди фабрикаҳои нав шинос гардид.
Боиси зикр аст, ки дар шаҳри Гулистон бо мақсади расидан ба ҳадафи чоруми милливу стратегӣ — саноатикунонии босуръати кишвар тадбирҳои зарурӣ амалӣ гардида, соҳибкорон бо истифода аз имкониятҳои фароҳамовардаи давлат корхонаҳои гуногун сохта, саҳми назарраси худро дар саноатикунонии кишвар гузошта истодаанд.
