Мақомоти иҷроияи ҳокимияти
давлатии вилояти Суғд
Имрӯз дар ноҳияи Бобоҷон Ғафуров фестивал-намоиши чорвои зотӣ баргузор гардида, чорводорони шаҳру ноҳияҳои вилояти Суғд чорвои калон ва хурди зотиро ба намоиш бароварданд.
Раиси вилояти Суғд Раҷаббой Аҳмадзода, муовини вазири кишоварзӣ Музаффар Мирзозода, аз фестивал-намоиш боздид намуданд.
Таъкид гардид, ки ҳадаф аз ташкили намоиши чорвои зотӣ ин пеш аз ҳама зиёд намудани саршумори чорвои хушзот ва баланд бардоштани маҳсулнокии чорво мебошад.
Субҳи имрўз бо иштироки Раиси вилояти Суғд Раҷаббой Аҳмадзода дар Боғи фарҳангӣ-фароғатии ба номи Абўмаҳмуди Хуҷандӣ беш аз 800 бех ниҳолҳои ҳамешасабз шинонида шуд.
Раиси вилояти Суғд Раҷаббой Аҳмадзода баробари оғоз намудани мавсими ниҳолшинонӣ масъулинро барои вусъат бахшидани маъракаи ободонӣ, корҳои сабзу хуррамгардонӣ дар ҳудуди шаҳр муваззаф намуд. Дар ин замина таваҷҷуҳи махсус ба интихоби навъҳои дарахту буттаҳо бо назардошти хусусияти ороишиашон ба хиёбону маҳаллаҳои шаҳр ва риояи қоидаҳои дурусти агротехникӣ дар раванди ниҳолшинонӣ равона гардид. Зеро риояи ин қоидаҳо асоси нашъунамои хуби минбаъдаи дарахтон мебошад.
Имрӯз дар маркази вилояти Суғд ярмарка-фурӯши маҳсулоти кишоварзӣ, шириниҳо ва дигар маҳсулоти ниёзи аввалия баргузор гардид.
Раиси вилояти Суғд Раҷаббой Аҳмадзода зимни боздид аз ярмарка ба масъулини дахлдор ҷиҳати боз ҳам фаровон намудани маҳсулот дастуру супоришҳои мушаххас дод. Ҳамзамон таъкид шуд, ки бояд нархи фурӯши маҳсулот аз бозор 10-20 фисад арзон бошад. Таваҷҷуҳи бештар ба афзун намудани номгуйи маҳсулоти ниёзи аввалия карда шуд.
Ба истиқболи 35-солагии Истиқлоли давлатии Ҷумҳурии Тоҷикистон дар шаҳри Истиқлол бунёди 130 иншооти гуногун ба нақша гирифта шуда, 30 адади он соли равон мавриди истифода қарор дода хоҳад шуд.
Аз ҷумла, дар доираи омодагиҳо ба ин ҷашни таърихӣ бунёди коргоҳи нонпазӣ ва қаннодӣ, тарабхона ва маркази хизматрасонӣ, осорхона дар боғи фарҳангиву истироҳатии шаҳр, таъсиси ҳавзи об барои таъмини аҳолии шаҳр бо оби нӯшокӣ, таъмиру азнавсозии хобгоҳҳо ба нақша гирифта шудааст.
Бо дастгирии Ҳукумати Ҷумҳурии Тоҷикистон ва бо мақсади саҳмгузорӣ дар саноатикунонии босуръати кишвар дар шаҳри Истиқлол боз як корхонаи нави саноатӣ бунёд хоҳад шуд. Дар ин бора зимни муаррифи лоиҳаи корхонаи нав ба Раиси вилояти Суғд Раҷаббой Аҳмадзода маълумот дода шуд.
Корхона аз ҷониби Ширкати куҳӣ-саноатии Тоҷикистону Хитой сохта шуда, лоиҳаи он пурра омода шудааст ва соли 2023 корҳои сохтмонӣ оғоз ёфта, дар муддати якуним сол ва бо харҷи 50 миллион доллари ИМА ба анҷом расонида мешавад.
