Ба 60 нафар занони ҳунарманд грантҳои Раиси вилояти Суғд супорида шуд

Азназаргузаронӣ: 1564

11 октябр Раиси вилояти Суғд Раҷаббой Аҳмадзода ба 60 нафар занону бонувони ҳунарманд барои тавсеаи фаъолияташон грантҳои мақомоти иҷроияи ҳокимияти давлатии вилоятро супорид.

Раиси ​ вилояти Суғд Раҷаббой Аҳмадзода зимни суҳбарт таъкид​ намуд, ки бо дастгириҳои​ Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон​ мақому манзалати зан-модар дар ҷомеа баланд бардошта шуда, имрӯз занону бонувон дар ҳамаи самтҳои хоҷагии халқ фаъолияти назаррас доранд.

Дар замони соҳибистиқлолӣ ба рушди ҳунарҳои мардумӣ, рушди соҳибкории хурду миёна таваҷҷуҳи хоса равона гардида, занону бонувони эҷодкор, ташаббускору созанда пайваста дастгирӣ меёбанд. Ҷудо гардидани грантҳои Президентӣ имкон фароҳам овард, ки занону бонувон дар амалӣ шудани нақшаву иқдомҳои созанда ба дастовардҳои бештар ноил гарданд. Соли равон 18 нафар занону бонувони вилояти Суғд бо пешниҳод намудани лоиҳаҳои худ сазовори грантҳои Президентӣ гардиданд. Дар пайрави ба сиёсати созандаву оқилонаи Пешвои миллат муҳтарам Эмомалӣ Раҳмон дар вилояти Суғд гранти Раиси вилоят таъсис дода шуда, давоми солхои 2010-2022 наздик 4 миллион сомонӣ грант ба занону бонувони ҳунарманд супорида шуда, ин иқдом ба рушди ҳунарҳои мардумӣ, ҷалби занону духтарон ба омӯзиши ҳунар, рушди соҳаҳои мухталиф замина фароҳам овард.

Боздид аз КВД комуналии «Нақлиёти мусофиркашони шаҳри Хуҷанд»

Азназаргузаронӣ: 1416

Бо мақсади беҳтар намудани хизматрасонии нақлиёти ҷамъиятӣ дар шаҳри Хуҷанд тадбирҳои мушаххас андешида шуда, дар ин самт лоиҳаи соҳавӣ татбиқ карда мешавад.​

Раиси вилояти Суғд Раҷаббой Аҳмадзода ҷараёни корҳои ободониву созандагӣ ва васлу насби дастгоҳу таҷҳизоти муосирро дар КВД комуналии «Нақлиёти мусофиркашони шаҳри Хуҷанд» мавриди таваҷҷуҳ қарор дод.​

Зимни шиносоӣ ба роҳбари вилоят иттилоъ дода шуд, ки айни замон татбиқи лоиҳаи «Рушди нақлиёти ҷамъиятӣ дар шаҳри Хуҷанд» ҷараён дошта, то ин марҳила беш аз 50 дарсади корҳо ба сомон расонида шудааст. Лоиҳаи мазкур бо дастгирии Бонки аврупоии таҷдид ва рушд амалӣ гашта, зиёда аз 100 адад автобуси мусофиркашон ворид гардида, системаи пардохти корти нақлиётӣ ба кор андохта шудааст.​

Ҷаласаи фаъолони вилоят оид ба натиҷаҳои рушди иҷтимоию иқтисодии вилоят дар 9 моҳи соли 2023

Азназаргузаронӣ: 1624

10 октябри соли 2023 дар толори калони мақомоти иҷроияи ҳокимияти давлатии вилоят таҳти раёсати​ Раиси вилояти Суғд Раҷаббой Аҳмадзода ҷаласаи фаъолони вилоят доир гардида,​ натиҷаҳои рушди иҷтимоию иқтисодии вилоят​ дар 9 моҳи соли 2023 мавриди таҳлил қарор гирифт.

Дар ҷаласа муовини якуми Раиси вилоят, муовинони Раиси вилоят, роҳбари дастгоҳи Раиси вилоят, роҳбарони воҳидҳои сохторӣ, мақомоти ҳифзи ҳуқуқ, ташкилоту идораҳои вилоятӣ, раисони шаҳру ноҳияҳо, раисони ҷамоатҳои шаҳраку деҳот, комиссарони ҳарбии вилоят ва​ шаҳру ноҳияҳо, мудирони шуъбаи маорифи шаҳру ноҳияҳо,​ сардухтурони шаҳру ноҳияҳо,​ роҳбарони корхонаҳои калон ва дигар шахсони зарурӣ иштирок доштанд.

Таъмини сокинони деҳаи Қаҳрамони ноҳияи Бобоҷон Ғафуров бо оби нӯшокӣ

Азназаргузаронӣ: 1658

Дар деҳаи Қаҳрамони ноҳияи Бобоҷон Ғафуров бо иштироки Раиси вилояти Суғд Раҷаббой Аҳмадзода​ хати оби нӯшокӣ ба истифода дода шуд.

Дар доираи корҳои ободонӣ ба истиқболи 35-солагии Истиқлоли давлатии Ҷумҳурии Тоҷикистон дар Ҷамоати деҳоти Ғозиён низ бунёдкориҳо идома дошта, бо маблағгузории мақомоти иҷроияи ҳокимияти давлатии вилоят як чоҳи амудӣ кофта шуда, мавриди истифода қарор гирифт. Дар натиҷа 180 хоҷагии деҳаи Қаҳрамон бо оби нӯшокӣ таъмин шуданд.

Раиси вилоят дар суҳбат бо сокинон изҳор дошт, ки бо дастгириҳои​ Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои таъмини аҳолӣ бо оби тоза тадбирҳои зарурӣ амалӣ гардида, ба истиқболи ҷашнҳои милливу давлатӣ силсилаи иншооти иҷтимоӣ бунёд шуда истодааст.

Мулоқот бо Сафири Фавқулода ва Мухтори Ҷумҳурии Федеративии Олмон дар Ҷумҳурии Тоҷикистон Йорк Шугарф

Азназаргузаронӣ: 1853

Раиси вилояти Суғд Раҷаббой Аҳмадзода бо Сафири Фавқулода ва Мухтори Ҷумҳурии Федеративии Олмон дар Ҷумҳурии Тоҷикистон Йорк Шугарф​ мулоқот намуд.

Дар мулоқот ҷонибҳо масъалаи таҳкими ҳамкориҳои дуҷонибаро баррасӣ карда, доир ба густариши равобити дӯстона мубодилаи афкор намуданд.

Раиси вилоят дар суҳбат қайд кард, ки Тоҷикистону Олмон дар соҳаҳои гуногун ҳамкорӣ дошта, саҳми Олмон дар татбиқи лоиҳаҳои гуногун ва барои ҷомеа муфид назаррас аст. Аз ҷумла, нақши Ҷамъияти Олмон оид ба ҳамкории байналмилалӣ (GIZ) дар амалишавии тарҳҳо ва гузаронидани чорабиниҳои сатҳи баланд шоистаи ёдоварист.

Раҷаббой Аҳмадзода илова намуд, ки дар вилояти Суғд соҳаҳои саноату кишоварзӣ рушд карда, имкониятҳо барои амалисозии лоиҳаҳои нав фаровон аст. Вилоят метавонад барои ҷалби сармоя ва ташкили корхонаҳои нав, коркарди маҳсулоти кишоварзӣ бо минтақаҳои гуногуни Олмон​ робита барқарор намояд.

Мақолаҳои боқимонда...