Мақомоти иҷроияи ҳокимияти
давлатии вилояти Суғд
Мусобиқа оид ба футбол, ки барои дарёфти Ҷоми Раиси вилояти Суғд миёни кормандони ташкилоту идораҳо идома дошт, ҷамъбаст ва ба ғолибон туҳфаҳо супорида шуд.
Бозии финалӣ нимаи дуюми рӯз дар варзишгоҳи "20-солагии Истиқлолияти Тоҷикистон" - шаҳри Хуҷанд миёни дастаҳои футболи Раёсати Кумитаи давлатии амнияти миллии Ҷумҳурии Тоҷикистон дар вилоят ва Раёсати Вазорати корҳои дохилии Ҷумҳурии Тоҷикистон дар вилоят доир шуд.
Имрўз аз ҷониби Раиси вилояти Суғд Раҷаббой Аҳмадзода тибқи дастру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бахшида ба Соли нави мелодӣ ба зиёда аз 300 нафар рўбандаю покизакорон ва гулпарварони шаҳр кўмакҳои ғизоӣ тақдим карда шуд.
Раиси вилояти Суғд Раҷаббой Аҳмадзода зимни суҳбати самимӣ бо рўбандаю покизакорони Сарраёсати ободонии шаҳр таъкид дошт, ки заҳмати шабонарўзии ҳар як корманди ҷодаи ободонӣ ҳамеша қадршиносӣ мегардад, зеро аз фаъолияти бомаром ва самаровари онҳо тозагӣ ва хуррамии маркази маъмурии вилояти Суғд –шаҳри Хуҷанд вобастагии зиёд дорад.
Раиси вилояти Суғд Раҷаббой Аҳмадзода ба қисми низомии 3501-и қӯшунҳои дохилии ВКД ҶТ дар вилояти Суғд ташриф оварда, сарбозону афсаронро бахшида ба Соли нави мелодӣ табрик намуд.
Раҷаббой Аҳмадзода ҳайати шахсии қсими низомиро аз номи Сарфармондеҳи Олии Қувваҳои мусаллаҳи мамлакат, Президенти Ҷумҳурии Тоҷикистон муҳтарам Эмомалӣ Раҳмон бо Соли нави мелодӣ табрик гуфта, аз ҷумла қайд кард, ки ммрӯз ҳамаи мо шукрона мекунем, ки бо иродаи қавии мардуми соҳибмаърифату куҳанбунёдамон дар сарзамини аҷдодиамон сулҳу оромӣ ва суботи сиёсӣ ҳукмрон аст ва сокинони мамлакат ба хотири ояндаи неки Ватан сарҷамъу аҳлона заҳмат мекашанд. Зеро маҳз ҳамин фазои орому осудаи кишвар аст, ки дар соли 2022 низ мо тамоми захираву имкониятҳоро барои беҳтар гардонидани шароити рӯзгори сокинони мамлакат сафарбар намуда, дар ин самт силсилаи иқдомотро амалӣ намудем ва ният дорем, ки ин равандро босуръат идома бахшем.
Дар доираи корҳои ободонию кабудизоркунӣ имрӯз бо иштироки Раиси вилояти Суғд Раҷаббой Аҳмадзода дар гулгашти кӯчаи Султон Умарии шаҳри Хуҷанд беш аз 120 бех ниҳолҳои ороишӣ ва ҳамешасабз шинонида шуд.
Дар ҳашари ниҳолшинонӣ кормандони ташкилоту идораҳо ва мақомоти иҷроияи ҳокимияти шаҳри Хуҷанд ширкат варзида, дар кабудизоркуниву хуррамгардонии шаҳр саҳм гузоштанд.
Раиси вилоят дар суҳбат бо масъулин барои тақвияти корҳои ободониву созандагӣ ва сарсабзу зебо намудани гирду атрофи иншооти маъмурӣ, кӯчаву хиёбонҳои маркази вилоят ба роҳбарияти шаҳри Хуҷанд дастур супоришҳо дод.
Имрӯз Раиси вилояти Суғд Раҷаббой Аҳмадзода бошандагони Мактаб-интернати Мақомоти иҷроияи ҳокимияти давлатии вилояти Суғдро аёдат кард.
Раиси вилоят тарбиятгирандагони мактаб-интернатро ба муносибати Соли нави мелодӣ табрик гуфта, қайд кард, ки бо дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон имрӯзҳо дар тамоми муассисаҳои иҷтимоии шаҳру ноҳияҳо чорабиниҳои идона доир шуда истодааст. Давлату Ҳукумат пайваста қишри ниёзманди ҷомеаро таҳти ғамхорӣ қарор дода, ба таълиму тарбияи кӯдакони бепарастор диққати махсус зоҳир менамояд.
