Шиносоии Раиси вилоят Раҷаббой Аҳмадзода​ бо фаъолияти​ ҶДММ «Фирӯз»

Азназаргузаронӣ: 1732

12 январ Раиси вилояти Суғд Раҷаббой Аҳмадзода бо фаъолияти корхонаи истеҳсолии ҶДММ «Фирӯз» шинос гардид.

ҶДММ «Фирӯз» яке аз ҷамъиятҳои серсоҳа дар вилояти Суғд ба ҳисоб рафта, дар корхонаи дӯзандагии он навъҳои гуногуни​ либосҳои варзишӣ, аз ҷумла кимоно истеҳсол карда мешавад. Маҳсулоти истеҳсолшаванда пурра аз пахта буда, ба талаботи бозори ҷаҳонӣ ҷавобгӯ мебошад. Дар сехҳои корхона 80 нафар фаъолият дошта, сокинон бо маоши хуб таъмин мебошанд. Либосҳои варзишии истеҳсолшаванда ба бозори дохилӣ бароварда шуда, харидорони худро дорад. Маҳсулоти тайёр ҳамзамон ба Россия, Қазоқистон, Белорус ва дигар давлатҳо содирот карда мешавад.

Дар минтақаи Рухак боғҳои нав бунёд карда мешавад

Азназаргузаронӣ: 3264

Дар асоси дастуру супоришҳои​ Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар вилояти Суғд ба масъалаи азхудкунии заминҳои бекорхобида ва ташкили боғҳои нав таваҷҷуҳи хоса зоҳир мегардад.

Дар ин раванд дар минтақаи Рухак, ки дар ҳудуди ноҳияҳои Бобоҷон Ғафуров ва Ҷаббор Расулов ҷойгир аст, боғҳои нав ташкил хоҳад шуд, ки дар натиҷаи ҳаҷми истеҳсоли маҳсулоти кишоварзӣ зиёд мегардад. Зимни боздиди Раиси вилоят Раҷаббой Аҳмадзода аз минтақаи Рухак иттилоъ дода шуд, ки бо тавсияи олимону мутахассисон ва бо истифода аз ниҳолҳои ба иқлим мутобиқ марҳила ба марҳила дар ин мавзеъ 900 гектар боғҳои гуногун бунёд мешавад.​

Шиносоии Раиси вилоят бо фаъолияти Ҷамъияти дорои масъулияти маҳдуди “Органик Ян”

Азназаргузаронӣ: 3798

12 январ Раиси вилояти Суғд Раҷаббой Аҳмадзода дар ноҳияи Ҷаббор Расулов бо фаъолияти корхонаи​ коркарди нахи пахта ва ресандагии Ҷамъияти дорои масъулияти маҳдуди “Органик Ян” шинос гардид.

Корхонаи истеҳсолии коркарди нахи пахта ва ресандагии Ҷамъияти дорои масъулияти маҳдуди “Органик Ян” соли 2019 мавриди истифода қарор гирифта,​ дар он нахи пахта коркард ва аз он риштаи пахтагин истеҳсол мегардад. Коркарди нахи пахта дар дохили мамлакат яке аз самтҳои муҳими саноатикунонӣ буда, аз он истеҳсол гардидани маҳсулоти нимтайёру ниҳоӣ иқтидори содиротиро афзун менамояд. Дар асоси дастуру ҳидоятҳои Пешвои миллат муҳтарам Эмомалӣ Раҳмон оид ба васеъ намудани доираи истеҳсолии коргоҳ ва зиёд намудани ҳаҷми истеҳсоли маҳсулоти пахтагин​ бо ташаббуси муассисони корхона соли 2021​ коргоҳи истеҳсоли маҳсулоти патдор ва соли 2022 коргоҳи “Органик-Ян 2” ташкил гардид, ки ба коркарди​ ашёи хоми ватанӣ — пахта ва истеҳсоли​ маҳсулоти хушсифат замина гузошт.​ Барои истеҳсоли маҳсулоти пахтагин таҷҳизоту технологияи муосири ширкатхои пешрафтаи олам ​ васлу насб гардида, садҳо нафар бо ҷойи корӣ таъмин шудаанд.

Дар ноҳияи Ҷаббор Расулов ҳавзҳои нави моҳипарварӣ бунёд карда мешавад

Азназаргузаронӣ: 2634

12 январ Раиси вилояти Суғд Раҷаббой Аҳмадзода дар ноҳияи Ҷаббор Расулов аз ҳавзҳои моҳипарварии Ҷамъияти дорои масъулияти маҳдуди “Корпоратсияи моҳии тоҷик”  боздид намуд.

Ҳавзҳои моҳипарварии Ҷамъияти дорои масъулияти маҳдуди “Корпоратсияи моҳии тоҷик” соли 2021 бунёд гардида, масоҳати умумии онҳо 3,2 гектарро ташкил мекунад ва шумораи ҳавзҳо 21 адад мебошад. Дар ин ҷо асосан гулмоҳӣ парвариш карда шуда, маҳсулот ба бозорҳои маҳаллӣ ба фурӯш бароварда мешаванд.

Маросими муаррифии иҷрокунандаи вазифаи раиси ноҳияи Бобоҷон Ғафуров

Азназаргузаронӣ: 1764

Дар толори мақомоти иҷроияи ҳокимияти давлатии ноҳияи Бобоҷон Ғафуров маросими муаррифии​ иҷрокунандаи вазифаи раиси ноҳия баргузор гардид.

Раиси вилояти Суғд Раҷаббой Аҳмадзода зимни муаррифӣ​ иттилоъ дод, ки бо Фармони Президенти Ҷумҳурии Тоҷикистон раиси ноҳия Зафарбек Давлатзода бо сабаби ба кори дигар гузаштанаш аз вазифаи раиси ноҳия озод гардида, тибқи​ Фармони Президенти Ҷумҳурии Тоҷикистон аз​ 11 январи соли 2023,​ №519​ Салимзода Нусратулло Файзулло иҷрокунандаи вазифаи раиси ноҳияи Бобоҷон Ғафуров таъин гардид.

Мақолаҳои боқимонда...